Ранішныя панічныя паведамленні ў дваравых чатах мікрараёнаў “Саломенка” і “8-й цагляны” пра вырубку сквера каля 15-й школы аказаліся праўдзівымі. Дрэвы сапраўды ссякаюць. Але, па словах работнікаў Магілеўзелянбуда, высякаюцца толькі ссохлыя дрэвы. Праводзіцца так званая санітарная рубка.
Можна выдыхнуць спакойна. Акцыю супраціву, да якой заклікалі некаторыя гарачыя головы, праводзіць не варта.