У Бабруйску затрымалі двух братоў-наркакур'ераў

У Бабруйску затрымалі двух братоў-наркакур’ераў

Наркакантроль затрымаў дваіх родных братоў 33 і 39 гадоў, што працавалі на інтэрнэт-наркашоп.

Пачынаючы са снежня мінулага года яны, атрымлівалі аптовымі партыямі сінтэтычны наркотык, затым у здымнай кватэры фасавалі на больш дробныя часткі і раскладвалі па тайніках у розных гарадах вобласці – паведамляе прэс-служба абласнога УУС.

У братоў дома канфіскавана больш за 3,7 кг розных відаў асабліва небяспечных псіхатропных рэчываў. Затрыманым пагражае да 20 гадоў пазбаўлення волі.

Фота: Тэлеграм-канал прэс-службы абласнога УУС