Tag: яблоки

Будзем з яблыкамі

Навіна ад

Амаль дзве тысячы тон яблыкаў закладуць у стабілізацыйны фонд Магілёўскага раёна – паведамляе “Прыдняпроўская ніва”. 

Закладку сельскагаспадарчай прадукцыі ў стабілізацыйны фонд у Магілёўскім раёне ажыццяўляюць тры суб’екты гаспадарання – ААТ “Фірма “Кадзіна”, фермарская гаспадарка Зайцава В.М. і ТАА “АРНІКА-Агра”.

Так, “Фірма “Кадзіна” плануе закласці ў стабілізацыйны фонд 630 тон капусты, гаспадарка Зайцава – 315 тон капусты, 100 тон буракоў і 93 тоны цыбулі, а “АРНІКА-Агра” – 1962 тон яблыкаў.

Заяўляецца, што для падтрымання таварнага віду і смакавых якасцей на ўвесь перыяд захоўвання і рэалізацыі агародніны і садавіны створаны ўсе неабходныя для гэтага ўмовы.

Фота ілюстрацыйнае

У Мсціслаўскім раёне канфіскавалі 12 тон груш на 100 000 рублёў

Навіна ад

Мытнікі спынілі спробу незаконнага перамяшчэння 12 тон груш на беларуска-расійскім участку мяжы ў Магілёўскай вобласці.

У грузавым аўтамабілі, які спынілі мытнікі ў Мсціслаўскім раёне, перамяшчалі грушы пад прыкрыццём блокаў з бетону. Менавіта апошні тавар быў пазначаны ў прадстаўленых дакументах. Пры правядзенні для агляду за бетоннымі блокамі выяўлена больш за 12 тон груш на суму амаль 100 тысяч беларускіх рублёў. Ніякіх дакументаў на садавіну ў вадзіцеля не аказалася. 

Распачаты адміністрацыйны працэс ў адпаведнасці з якім індывідуальнаму прадпрымальніку, які перамяшчаў грушы, пагражае штраф у памеры да 50 працэнтаў ад кошту тавару, а вадзіцелю, які перавозіў яблыкі – да 30 базавых велічынь – паведамляе інфармацыйнае агенцтва БелТА.

Фота ілюстрацыйнае