10-гадовы хлопчык у Горках атрымаў удар каменем у твар падчас гульні з сябрамі. Камень у яго без усялякай прычыны кінуў мясцовы жыхар, які стаяў побач – піша звязаны з сілавікамі Тэлеграм-канал.
Як высветлілася, кампанія дзяцей гуляла ў двары з мячом, калі да іх прывязаўся 60-гадовы мясцовы жыхар. Мужчына адабраў у дзяцей мячык, а потым праз нейкі час кінуў яго ўбок. Калі дзеці забралі мяч і працягвалі гуляць, мужчына спачатку стаяў збоку, назіраючы за імі, а потым кінуў у групу хлопчыкаў камень. Той патрапіў пад вока аднаму з дзяцей, пакінуўшы траўму.
Праваахоўнікі затрымалі мужчыну. Раней ён быў судзімы за злоснае хуліганства. Прычын свайго цяперашняга ўчынку жыхар Горак патлумачыць не змог.
Фота ілюстрацыйнае