Холад на «Бабруйскаграмашы» – планавы, малаткі з прывараннымі ручкамі – не.
Інспектар абласной арганізацыі прафсаюза работнікаў галін прамысловасці вымяраў тэмпературу ў цэхах «Бабруйскаграмаша» і пераканаўся, што падставы для скаргаў у сацыяльных сетках былі: тэрмометр паказаў ад 2,7 да 8,4 градуса цяпла.
Аднак наймальнік забяспечыў кампенсацыйныя і ахоўныя меры:
- на прадпрыемстве дзейнічае загад аб працы ў халодны перыяд;
- работнікам прадастаўляюцца дадатковыя перапынкі для абагрэву;
- абсталяваныя і дзейнічаюць цёплыя пакоі для адпачынку і прыёму ежы;
- выдаецца ўцепленая спецвопратка і абутак;
- прадугледжаныя даплаты за працу ў неспрыяльных умовах.
А вось выкарыстанне малаткоў з прывараннымі металічнымі ручкамі і напільнікаў з пашкоджанымі ручкамі інспектар зафіксаваў як парушэнне.
Варта нагадаць, што на холад скардзіліся не толькі супрацоўнікі «Бабруйскаграмаша», але і работнікі хлебазавода ў Касцюковічах.
Мяркуючы па публікацыях мясцовай газеты, рэакцыі ўладаў і прафсаюзаў на гэтую скаргу не было.