Танк Т-34-85, вернуты на скрыжаванне праспекта Міра з вуліцамі Касманаўтаў і Якубоўскага, аказаўся развернутым не ў той бок, куды ён глядзеў гістарычна. Гэта заўважыў карыстальнік суполкі “Магілёў. Горад, які быў…” у Facebook Аляксандр Капёнкін.
“Раней ствол танка быў накіраваны на “гарбаты” мост, г.зн. на паўночны захад. Цяпер жа ствол танка накіраваны прама на захад.” – напісаў Капёнкін і суправадзіў сваё назіранне схемай, складзенай пры дапамозе аэрафотаздымка 1972 года і сучасных Яндэкс-мапаў.
Можна заўважыць, што акрамя іншага развароту, танк таксама памяняў саму кропку свайго знаходжання, паколькі новае кальцо на месцы гістарычнай плошчы Перамогі ссунулася ў бок чыгункі.
Выява ўзята з суполкі “Магілёў. Горад, які быў…”