У Крычаўскім раёне на беразе ракі знайшлі ўкамплектаваную лодку, а гаспадара шукаюць

Гумовую лодку знайшлі супрацоўнікі Касцюковіцкай міжраённай інспекцыяй аховы жывёльнага і расліннага свету пры правядзенні палявога мерапрыемства на тэрыторыі Крычаўскага раёна. Гэта адбылося паблізу вёскі Вародзькаў каля ракі Волчас. Была выяўлена лодка ў камплекце з адным сядзеннем, помпай і двума вёсламі – паведамляе раённая газета “Крычаўскае жыццё”.

Знойдзеная маёмасць на дадзены момант знаходзіцца ў касцюковіцкай прыродаахоўнай інспекцыі да высвятлення сапраўднага гаспадара лодкі. Пакуль не зразумела, з чым звязана знікненне гаспадара – з няшчасным выпадкам, ці ўцёкамі, бо ў час нераста карыстанне лодкамі забаронена.

Фота ілюстрацыйнае