Апошні ўчастак магілёўскай аб’яздной дарогі адкрылі для транзітнага транспарта

Аўтадарога злучае бабруйскую і гомельскую трасы, забяспечыўшы транспартныя сувязі левабярэжнай часткі Магілёва з Мінскам і Бабруйскам. Рэалізацыю маштабнага праекта ў Магілёўскім раёне пачалі ў маі 2021 года. Працягласць участка складае амаль 12,3 кіламетра.

Афіцыйны ўвод Магілёўскай кальцавой аўтадарогі, якая атрымала нумар М15, запланаваны на II квартал 2023 года. Зараз па апошнім пабудаваным участку аб’яздной дазволены рух транзітнага транспарту. На аб’екце ўжо выкананы ўсе канструктыўныя элементы, пацверджаны апорная здольнасць і адпаведнасць праекту штучных збудаванняў. Застаюцца нязначныя пытанні па добраўпарадкаванні прылеглай да абыходу тэрыторыі – піша “Прыдняпроўская ніва”.

Фота: “Прыдняпроўская ніва”

Апошні ўчастак аб’яздной дарогі вакол Магілёва так і не запусцілі

Адкрыццё паўднёва-заходняга аб’езда планавалася правесці 7 лістапада, але рух па дарозе застаецца закрытым. 

Першы намеснік генеральнага дырэктара – галоўны інжынер РУП “Магілёўаўтадар” Барыс Іваноў у інтэрв’ю БелТА паведамляў, што адрэзак трасы, які павінен звязаць гомельскую і бабруйскую шашы, планавалася запусціць яшчэ 7 лістапада. Аднак рух на ўчастку ў 12 кіламетраў застаецца забароненым. Па дарозе працягвае курсіраваць будаўнічая тэхніка.

Фота: mogilev.media