Tag: могилев

Чыноўнікі праверылі праблему з ацяпленнем у электрадамах у Магілёве – усё нармальна, мама

Навіна ад

Але да ацяпляльных сістэм нельга падпускаць дзяцей, а паветра з канвектараў можа награвацца да 130°С.

“Ад гарачыні плавяцца разеткі” – пісалі mogilev.media пра праблему з ацяпленнем у новых электрадамах мікрараёна “Талісман” у Магілёве. У мінулую суботу па гэтай тэме была створана спецыяльная камісія, у якую ўвайшлі прадстаўнікі арганізацыі-забудоўшчыка, генпадрадчыка, пастаўшчыка абсталявання. 

Нагадаем, праблема заключаецца ў тым, што паветра з абагравальніка-канвектара награваецца вышэй за 100 градусаў. З-за гэтага жыхары дамоў у мікрараёне “Талісман” скардзяцца, што ў кватэрах ідзе дым з разетак, а фіранкі могуць у любы момант загарэцца. Камісія з чыноўнікаў правяла на гэты конт эксперымент, спецыяльна накрыўшы канвектар цюлем і ручніком, што катэгарычна забараняецца. Аказалася, што пры дасягненні максімальнай тэмпературы канвекцыя паветра ў электрапрыборы аўтаматычна спыняецца, а сам канвектар адключаецца – піша тэлеграм-канал “Магілёў – мой горад”.

Прадстаўнікі камісіі адзначаюць, што паводле тэхнічных характарыстык дапускаецца, каб тэмпература паветра, што выходзіць з канвектара, дасягала 130°С. Таксама ў мэтах бяспекі забараняецца падпускаць да канвектара дзяцей, і зноў жа – трымаць блізка прадметы, якія лёгка загараюцца.

Атрымліваецца, што новыя электрадамы абсталяваныя сістэмамі ацяплення, патэнцыйна небяспечнымі для людзей, эксплуатацыя якіх патрабуе асаблівай увагі для жыльцоў новых электрадамоў. Можна меркаваць, што калі ў такім электрадоме гаспадары кватэры паставяць яшчэ і антымаскітную сетку на свае пластыкавыя вокны, жыццё дзіцёнка ў хаце паратворыцца ў сапраўдны квест на выжыванне. 

Фота: mogilev.media

Памятны крыж каля мясакамбіната ў Магілёве асвяцілі, хоць ён яшчэ недароблены

Навіна ад

30 кастрычніка прайшла цырымонія асвячэння новага памятнага крыжа на месцы ўшанавання памяці ахвяр сталінскіх рэпрэсій. Чын асвячэння і памінальнае богаслужэнне правёў архіепіскап Магілёўскі і Мсціслаўскі Сафроні.

Новы памятны крыж быў усталяваны замест крыжа, пастаўленага грамадскасцю – пісалі mogilev.media. Звяртае на сябе ўвагу тое, што аздабненне новага крыжа не завершанае – пакладзеная толькі частка пліткі на ніжнім кубе.  

Фота: mogilev.media, mogilevnews.by

Помог отнести вещи и… обокрал

Навіна ад

Из-за чрезмерной доверчивости могилевчанин лишился ценного имущества

Никогда не разговаривайте с неизвестными – предупреждал Михаил Булгаков.

51-летний могилевчанин предупреждению классика не внял, сообщает телеграмм-канал “Милиция Могилевщины”.

Он не только заговорил с незнакомцем, проходившим мимо дома, но и попросил помочь его отнести вещи в квартиру.

Прохожий с готовностью согласился, а потом не отказался от приглашения за стол.

Щедрый хозяин угостил помощника спиртным, но собственных сил не рассчитал и уснул.

Проснувшись увидел, что незнакомец исчез, а вместе с ним исчезли деньги и ювелирные украшения на сумму 22000 рублей.

Потерпевший обратился в Ленинский РУВД. Милиция выяснила, что могилевчанин взял в помощники ранее  судимого 49-летнего жителя Могилева.

К моменту задержания вор успел сдать часть украденного в ломбард.

Фото УВД Могилевского облисполкома.

Магілёўскі мясакамбінат будзе выпускаць тушонку з адборнага мяса, на расійскім абсталяванні

Навіна ад

Магілёўскі мясакамбінат адкрыў лінію па вытворчасці мясных кансерваў. Абсталяванне для яе набывалі ў Расійскай Федэрацыі. Заяўляецца, што яно не саступае еўрапейскім аналагам. Кансервы выпускаюцца з адборнага мяса ў выглядзе кавалачкаў і спецый, тэрмін прыдатнасці такой кансервы – 3,5 гады.  

Першыя кансервы вырабляюцца са свініны і ялавічыны. Далей мясакамбінат плануе пашыраць асартымент. У планах – кансервы з мяса прамысловых жывёл, мяса-раслінныя кансервы з выкарыстаннем разнастайных круп. На прадпрыемстве мяркуюць, што попыт на такую прадукцыю ёсць, бо ў яе вялікі тэрмін захоўвання, шырокі дыяпазон тэмператур пры захоўванні.

Фота: mogilev.media, mogilevnews.by

Праект новых карпусоў Магілёўскай абласной бальніцы атрымаў дыплом архітэктурнага конкурса

Навіна ад

На XV Нацыянальным фестывалі архітэктуры, што прайшоў у Мінску, былі абвешчаны вынікі конкурса на лепшыя архітэктурныя праекты і пабудовы. У намінацыі “Грамадскія пабудовы” ў раздзеле “Аб’екты медыцынскага прызначэння: клінікі, бальніцы, паліклінікі” дыплом другой ступені быў прысуджаны праекту новых кардыётэрапеўтычнага і кардыёхірургічнага карпусоў Магілёўскай абласной бальніцы.

Дыплом атрымаў творчы калектыў інстытута “Магілёўграмадзянпраект”, у які ўвайшлі архітэктары Вольга Дольнікава, Алена Мацвіцэўскіх, Людміла Юркавец, Вольга Слаўнава, Алена Садкова і Ўладзіслаў Чаховіч.

Дыплом першай ступені ў гэтай жа намінацыі заваявалі супрацоўнікі “Брэстпраекта” за праект спальнага корпуса дзіцячага рэабілітацыйна-аздараўленчага комплексу «Світанак» Пінскага раёна.

Гран-пры конкурса на лепшую пабудову журы вырашыла не ўручаць. Лепшым праектам быў названы «Гандлёва-адміністрацыйны цэнтр у г. Гродна» аўтарства ТАА «Інтэлстак інжынірынг».

Усе конкурсныя работы можна паглядзець тут (па QR-коду ў канцы артыкула).

Фота: uzmob.by, Беларускі Саюз архітэктараў

Ад гарачыні плавяцца разеткі – што адбываецца ў новым комплексе электрадамоў “Талісман”

Навіна ад

Новы мікрараён “Талісман” у Магілёве – гэта інавацыйны мікрарён электрадамоў з дварамі без машын. Сілкаванне ўсіх камунальных паслуг у ім забяспечваецца толькі электрычнасцю. “Талісман” пачаў будавацца на перасячэнні вуліцы Першамайскай з Віцебскім тупіком мінулай зімой і зараз у ім ужо пасяліліся першыя жыхары.

Не прайшло і года, як жыхары ўсіх чатырох новых электрадамоў, размешчаных па адрасах вул. Першамайская, 150 “Б”, “В, “Г” і “Д” заявілі пра праблемы з ацяпленнем у памяшканнях.

“Плавяцца разеткі, дымяць, не працуюць, а дзе працуюць там як толькі цяплей робіш, на іх тут жа паяўляецца куродым. – перадае скаргі жыхароў тэлеграм-канал “Магілёў – мой горад”. – Моцна грэюцца падваконнікі і пахне пластыкам. У туалеце і ў ваннай няма рэгулявання і ніякай абароны ад вільгаці. Небяспечна шторы вешаць у пакоях, могуць загарэцца.”

Пасля звароту ў Магілёўскі домабудаўнічы камбінат, што з’яўляецца забудоўшчыкам комплекса, высветлілася, што ва ўсіх дамах ёсць праблемы з канвектарамі. Пры максімальнай тэмпературы ідзе яе перавышэнне на 9 градусаў. Так, пры дапушчальных 95 градусаў канвектар выдае 104 – а гэта ўжо недапушчальная тэмпература, вышэй за тэмпературу кіпення вады.

Зараз арганізацыя-забудоўшчык вядзе перамовы з заводам, вытворцай электраабсталявання аб выпраўленні браку.

Фота: mogilev.in

Першы снег у Магілёве – відэазамалёўка на выхадны дзень

Навіна ад

На гэтым тыднi ў Магілёве выпаў снег. I хай праляжаў ён нядоўга, Mogilev Media паспелі захаваць фота і відэа першага прадвесніка надыходу зімы.

Фота і відэа mogilev.media

Грамадскасць супраць – плошчу Арджанікідзе ў Магілёве не будуць пераназываць у гонар Каніскага

Навіна ад

З сярэдзіны верасня і па сярэдзіну кастрычніка ў Магілёве праходзіла грамадскае абмеркаванне пераназвання плошчы Арджанікідзэ. На прысуд грамадскасці былі вынесеныя наступныя варыянты – пакінуць назву “Плошча Арджанікідзэ”, памяняць назву на “Плошча Свяціцеля Георгія Каніскага” альбо можна было прапанаваць іншы варыянт.

Прычынай грамадскага абмеркавання стаў зварот ініцыятыўнай групы гараджан – піша Тэлеграм-канал “Магілёў – мой горад”. Аднак адначасова з гэтай ініцыятывай з’явілася і петыцыя супраць пераназвання плошчы Арджанікідзэ ў гонар Георгія Каніскага – пісалі mogilev.media. У выніку зваротаў грамадзян, незадаволеных пераназваннем аказалася больш. Таксама супраць выказаліся прадстаўнікі гарадской тапанімічнай камісіі.

“Постаць свяціцеля і ў прынцыпе актыўнасць праваслаўнай царквы, нягледзячы на тое, што горад у іншых кутках краіны лічыцца праваслаўна-ватным, у самім горадзе – адзін з найбольш раздражняючых фактараў сярод гараджан. – адрэагавалі на навіну ў тэлеграм-канале “Спадчына”. – “Ужо не ведаюць, куды гэтага Каніскага ўвапхнуць!” – даводзілася асабіста чуць ад многіх мясцовых.”

Фота: mogilev.media

Дождж, мокры снег – прагноз надвор’я на выходныя

Навіна ад

Надвор’е на Магілёўшчыне будуць вызначаць цыклон і няўстойлівыя паветраныя масы, якія рухаюцца з Карпат і Польшчы на тэрыторыю Бранскай вобласці – паведамляе Белгідрамет.

Сёння, 27 кастрычніка надвор’е ў Беларусі будуць вызначаць атмасферныя франты. На большай частцы тэрыторыі краіны пройдуць дажджы, у ранішні час месцамі чакаецца галалёд, слабы туман. Тэмпература паветра днём складзе ад 0°С да +5°С.

28 кастрычніка, у суботу надвор’е будзе вызначаць цыклон, які перамяшчаецца з Карпат праз паўднёвы ўсход Беларусі на Бранскую вобласць. Будзе воблачна з праясненнямі. Чакаюцца ападкі – дождж, мокры снег. Ноччу па паўднёвым усходзе Беларусі чакаюцца моцныя ападкі – дождж, мокры снег). Магчымы слабы галалёд на дарогах. Тэмпература паветра мінімальная ноччу складзе каля +6°С, днём +4 – +5°С.

29 кастрычніка Беларусь апынецца ў вільготнай няўстойлівай паветранай масе, у дзённыя гадзіны адаб’ецца ўплыў франтальнага падзелу, які перамяшчаецца з Польшчы. Будзе воблачна з праясненнямі. Чакаюцца кароткачасовыя ападкі – мокры снег, дождж. Уначы і раніцай – слабы туман і галалёд. Вецер ноччу няўстойлівы, месцамі парывісты. Тэмпература паветра ноччу будзе ад каля +2°С,  днём каля +3°С.

Фота: mogilev.media

Загадкавы магілёўскі акведук, забыты і закінуты ў “джунглях”, паказалі на відэа

Навіна ад

“Таямніца забытага акведука” – так называецца новы ролік, які выклаў на сваім Youtube-канале магілёўскі відэаблогер пад нікам chas chasov.

Недалёка ад Шмідтаўскага маста ў Магілёве, у сапраўдных тропіках на схіле гары, на якой калісьці працаваў Завод штучнага валакна, красуецца незвычайная для горада інжынерная канструкцыя – акведук. Ён быў пабудаваны ў пасляваенныя гады для выдалення рэшткаў паліва ад катлоў ЦЭЦ-1. Палівам для электрацэнтралі служыў торф, які падаваўся з левага берага Дняпра па канатнай дарозе. 

Пры дапамозе вады, зала ад катлоў змывалася па нахілёных латках акведука, які мае кіламетровую даўжыню. Пасля пераходу ЦЭЦ-1 з торфа на мазут а потым і на газ, неабходнасць у гэтай канструкцыі адпала, але яна так і засталася стаяць, усімі забытая і закінутая – тлумачыць гісторыю магілёўскага акведука аўтар відэа.

14-хвілінны ролік пагружае ў таямнічы свет гарадскога ўскрайку, дзе нібыта ў джунглях сярод дрэваў хаваюцца парэшткі колішняй цывілізацыі.

“Яўнае адчуванне Чарнобыльскай зоны” – каментуюць гледачы відэа. 

“Дзякуй за новы ролік, у жыцці б не падумаў, што ў Магілёве такое ёсць.”

Фота: chas chasov, скрыншот