Позна вечарам 5 верасня ў балоцістай мясцовасці каля вёскі Зоеўка Касцюковіцкага раёна было знойдзена цела мужчыны 1973 года нараджэння. Ён нідзе на працаваў – удакладняе прэс-служба МНС.
Фота ілюстрацыйнае, з адкрытых крыніц
Tag: МЧС
На Магілёўшчыне за выходныя патанулі яшчэ 2 чалавекі
16 жніўня ў Дняпры каля в. Паляшчыцы Горацкага раёна патануў 22-гадовы жыхар Горак. Ягонае цела знайшлі толькі 20 жніўня – паведамляе МНС.
У в. Падлужжа Кіраўскага раёна на Чыгірынскім вадасховішчы нырнуў мужчына і больш на паверхні вады не з’яўляўся. Праз 2 гадзіны пошукаў работнікамі МНС было знойдзена цена жыхара Расійскай Федэрацыі 1961 г.н.
Яшчэ два мужчыны патанулі ў рацэ Свіслач у Асіповіцкім раёне – пра гэта мы пісалі раней.
Фота: МНС
Адразу двое патанулі ў Свіслачы пад Асіповічамі
Два мужчыны аднаго ўзросту – 1982 года нараджэння абодва – патанулі ў рацэ Свіслач у Асіповіцкім раёне 19 жніўня, паведамляе прэс-служба МНС. Цела аднаго мужчыны было выяўлена днём каля аграгарадка Свіслач, цела другога было знойдзена пад вечар у раёне аграгарадка Ліпень.
Фота з адкрытых крыніц
На Святым возеры ў Магілёве патануў падлетак
Хлопчык 2007 года нараджэння плаваў разам з сябрам у 20 метрах ад берага. Дзеці прыйшлі купацца на Святое возера ў Магілёве кампаніяй без дарослых.
У нейкі момант хлопец знік пад вадой, а яго сябар паплыў на бераг за дапамогай – паведамляе прэс-служба МНС. На маторнай лодцы на месца трагедыі накіраваліся 3 вадалаза-выратавальнікі і 1 медыцынскі работнік станцыі АСВОД «Грабянеўская».
У 19:30 работнікі АСВОД дасталі дзіця з вады. Працаўнікі хуткай медыцынскай дапамогі пасля правядзення рэанімацыйных мерапрыемстваў канстатавалі смерць дзіцяці. Цела знаходзілася за 20 метраў ад берага, на глыбіні каля 2 метраў.
Фота: МНС
У Быхаве патануў мужчына, яго зацягнула ў вадаварот
Трагедыя адбылася ў Быхаве на вуліцы Вільня. 41-гадовы мужчына разам са сваім зяцем адпачываў на беразе Дняпра і вырашыў пакупацца. Калі ён адплыў ад берага, яго зацягнула ў вадаварот. Зяць змог выцягнуць цела жыхара Быхава на бераг, але было ўжо позна – канстатуюць у МНС.
Фота: МНС
Ад зарадкі ў Магілёве здарыўся пажар, выратаваліся пенсіянерка і яе ўнук
Днём 26 ліпеня пажар адбыўся ў дзевяціпавярховіку па вуліцы 30 год Перамогі ў Магілёве. На момант узгарання ў кватэры знаходзіліся пенсіянерка 1938 года нараджэння і яе 14-гадовы ўнук.
Пра пажар ратавальнікам заявілі суседзі – яны пабачылі дым каля дзвярэй кватэры на трэцім паверсе. Унук змог эвакуявацца самастойна. Пенсіянерку знайшлі і вынеслі на свежае паветра работнікі МНС – паведамляе прэс-служба. Яна шпіталізаваная з атручэннем.
Паводле папярэдняй версіі, прычынай пажару стала кароткае замыканне ад зарадкі мабільнага тэлефона.
Фота: МНС
Бацька выратаваў сына на пажары, але загінуў сам
У Клічаўскім раёне ў аграгарадку Заполле вечарам 15 ліпеня адбыўся пажар у дачным доміку. На момант трагедыі ў ім знаходзіліся бацька 1967 года нараджэння і сын 2014-га.
Калі пачаўся пажар – расказаў потым хлопчык – бацька эвакуяваў яго вонкі праз вакно, а сам пайшоў на выхад праз веранду дома. Ратавальнікі знайшлі яго абгарэлае цела – паведамляе прэс-служба МНС. Хлопчык з траўмамі дастаўлены ў шпіталь.
Фота: МНС
У Асіповічах мужчына выйшаў пакурыць і ўпаў з балкона
Вечарам 14 ліпеня жыхары дома па вуліцы Каралёва ў Асіповічах убачылі мужчыну, што ляжыць на даху магазіна, прыбудаванага да шматпавярховага жылога дома, на ўзроўні другога паверху. Відавочцы адзначылі ратавальнікам, што ён упаў на дах з пятага паверха. Мужчына 1955 года нараджэння, пенсіянер, патлумачыў ратавальнікам, што выйшаў пакурыць на балкон сваёй кватэры, самлеў і ўпаў з балкона. З траўмамі ён шпіталізаваны – паведамляе прэс-служба МНС.
Фота: МНС
На пажары ў Бабруйску загінулі трое, жанчыну з суседняй кватэры ўдалося выратаваць
Трагедыя здарылася каля 07:00 раніцы сёння, 15 ліпеня на праспекце Будаўнікоў у Бабруйску. Загарэлася кватэра на 9-м паверсе жылога дома. Ратавальнікі знайшлі ў ёй трох чалавек – аднаго мужчыну і двох жанчын. Іх вынеслі на свежае паветра, але медыкі маглі толькі канстатаваць смерць пацярпелых. Асобы ахвяр высвятляюцца.
З суседняй кватэры супрацоўнікі МНС выратавалі жанчыну пры дапамозе спецыяльнай маскі. Прычына пажару высвятляецца – паведамляе прэс-служба МНС.
Фота: МНС
Не разгубіўся, калі шыбанула маланка – школьнік дапамог выратаваць лес пад Дрыбінам
Трынаццацігадовы магілёвец Цімафей Марковіч атрымаў падзяку ад ратавальнікаў і супрацоўнікаў лясгасу Дрыбінскага раёна за своечасовы сігнал пра лясны пажар. Школьнік, адпачываючы на канікулах у прабабулі ў вёсцы Шастакі, аднойчы трапіў пад непагадзь, гуляючы з сябрамі. Калі пачаўся дождж, малыя разбегліся па хатах. Падыходзячы да дому сваёй прабабулі Цімафей пачуў, як нешта моцна ўдарыла побач у лесе, а з гушчару паваліў моцны дым. Адразу сцяміўшы, што гэта была маланка, школьнік падняў на ногі родных і тыя выклікалі ратавальнікаў. Дзякуючы гэтаму лясны пажар быў хутка ліквідаваны – расказваецца ў матэрыяле газеты “Савецкая вёска”.
Фота: “Савецкая вёска”