Незалежны інфармацыйны партал Orsha.eu вядзе ўласную статыстыку крадзяжу паліва, вызначаючы лідараў такога спаборніцтва. Пакуль наперадзе Шклоўскі раён.
“Рэйтынг паліўных крадзяжоў” – так называецца спіс выпадкаў крадзяжоў паліва на тэрыторыях Віцебскай і Магілёўскай абласцей, якія прылягаюць да Аршанскага раёна. Складаць статыстыку, арыентуючыся на афіцыйныя даныя, незалежныя журналісты пачалі ад 2 красавіка, калі ў Аршанскім раёне было скрадзена 60 літраў паліва.
З цягам часу спіс усё больш папаўняўся і цяпер першае месца ўпэўнена ўрымлівае Шклоўскі раён. Літаральна 11 жніўня стала вядома, што там скралі адразу 800 літраў гаручай вадкасці. Дарэчы, і на другім месцы таксама гэты раён Магілёўшчыны з 540 літрамі, скрадзенымі 26 ліпеня.
Неабходна адзначыць, што пакуль ад Шклоўскага раёна, паводле рэйтынгу Orsha.eu, не моцна адстае Горацкі раён. Там яшчэ 11 красавіка было скрадзена 540 літраў паліва.
Варта прызнаць, што даны рэйтынг не толькі дае зведзеныя ў адно месца даныя па крадзяжах у раёнах, але і карысны ў плане непрадузятага погляду на сучасную магілёўскую рэчаіснасць.
Фотаздымак: shklovinfo.by