Tag: Каховская ГЭС

Сітуацыя на Запарожскай АЭС пад кантролем – украінскі “Энергаатам”

Навіна ад

Падрыў на Кахоўскай ГЭС можа мець негатыўныя наступствы для Запарожскай АЭС, але сітуацыя на станцыі пад кантролем – гаворыцца ў заяве украінскага “Энергаатама”.

У ноч на 6 чэрвеня 2023 года расійскія акупанты ўзарвалі дамбу Кахоўскай ГЭС. У выніку дэтанацыі ўзровень вады ў Кахоўскім вадасховішчы імкліва зніжаецца, што з’яўляецца дадатковай пагрозай для часова акупаванай Запарожскай АЭС.

Вада з Кахоўскага вадасховішча неабходная станцыі для напаўнення кандэнсатараў турбіны і сістэм бяспекі АЭС. Возера-ахаладжальнік станцыі застаецца запоўненым: па стане на 8.00 узровень вады складае 16,6 метра, што дастаткова для патрэб станцыі.

«Энергаатам» адсочвае сітуацыю і сочыць за дзеяннямі работнікаў АЭС разам з іншымі міжнароднымі арганізацыямі, якія прысутнічаюць на станцыі, у прыватнасці МАГАТЭ.

Фота з адкрытых крыніц

У Херсонскай вобласці падарваная дамба Кахоўскай ГЭС, пачаўся некантраляваны спуск вады

Навіна ад

Ноччу 6 чэрвеня расійскія войскі ўзарвалі дамбу Кахоўскай ГЭС, якая размешчана каля Херсона, вышэй па цячэнні Дняпра. Факт падрыву пацвярджаюць ва украінскім аператыўным камандаванні “Поўдзень” – піша Unian.

“Расійскімі акупацыйнымі войскамі ажыццёўлены падрыў Кахоўскай ГЭС. Цяпер удакладняецца маштаб разбурэння, хуткасць і аб’ёмы вады, верагодныя раёны падтаплення. Усе службы працуюць. Сітуацыя адсочваецца” – гаворыцца ў паведамленні.

Мяркуючы па інфармацыі, што з’явілася ў сетках, дамба атрымала крытычныя пашкоджанні і больш не здольная стрымліваць паток вады. Пачаўся некантраляваны скід вады з Кахоўскага вадасховішча, што пагражае сур’ёзнымі падтапленнямі ніжэй па цячэнні Дняпра.

Ад водасховішча Кахоўскай ГЭС водазабеспячэнне атрымлівала Запарожская АЭС. 

Кіраўнік Херсонскай абласной ваеннай адміністрацыі Аляксандр Пракудзін паведаміў, што на працягу пяці гадзін узровень вады падымецца да крытычна высокай адзнакі. Верагодна, гэта прывядзе да затаплення шэрагу населеных пунктаў як на правым (падкантрольным Украіне) так і на левым, акупаваным берагах Дняпра.

Фота: Unian, соцсеткі