Маліна па 100 рублёў за кілаграм – фотафакт ад чытачоў

Паводле сведчання чытачоў Магілёў.media, у магілёўскай сетцы гіпермаркетаў “Суседзі” ў продажы паявілася свежая маліна па завоблачных коштах. 

За 125-грамовы пакунак давядзецца заплаціць амаль 13 рублёў, за 250-грамовы – амаль 25. Кошт ласунка за кілаграм сягае ад 99 да 103 рублёў.

Астранамічныя цэны на маліну тлумачацца тым, што яна яшчэ не саспела на Магілёўшчыне, хоць тут ужо самы час збіраць іншыя дарункі лесу – грыбы, суніцы. Магілёўскай маліны пакуль не сустрэць на Мінскім рынку.

Падаражэлі бульба, буракі, цыбуля. Таннейшымі сталі гуркі, памідоры. Цана спажывецкага кошыка падрасла на 4 працэнты

У мінулым месяцы набор прадуктаў для паўнацэннага харчавання беларусу абыходзіўся ў 777, 1рублёў, то ў чэрвені трэба было выкласці 811,8 рублёў. Такім чынам, спажывецкі кошык для сям’і з 4 чалавек у чэрвені стаў даражэйшым у сярэднім на 4%.


Спажывецкі кошык – гэта спіс рэчаў і паслуг першай неабходнасці, які зацвярджаецца заканадаўствам на ўстаноўлены адрэзак часу. Пры складанні спажывецкага кошыка першачаргова ўлічваюцца такія катэгорыі, як прадукты харчавання, прадметы гардэроба, медычныя прэпараты, а таксама аплата неабходных паслуг.


Паводле маніторынгу Федэрацыі прафсаюзаў, вынікі якога падае інфармацыйная агенцтва Белта, падаражэлі:

– вермішэль з локшынай амаль на 9 працэнтаў

– маргарын на 6,9 працэнтаў.

– на кашы для дзіцячага харчавання на 4,9 працэнтаў,

– алей на 5 працэнтаў.

– рыс падрос на 7,1 працэнтаў

– проса – 5,2 працэнтаў

Падаражэла таксама гародніна:

Моркву – больш за 64,4%;

Бульба – каля 61%;

Цыбулю – звыш 30%;

Буракі – каля 14%.

Таннейшымі сталі:

Агуркі на 40%

Памідоры – амаль на 29%

Капуста – на 19%.

Змяненне цэнаў на агародніну, тлумачыцца, сезоннымі фактарамі, звязанымі з паступовым замяшчэннем на прылаўках крамаў мінулагодняй прадукцыі на новы ўраджай.

Невясёлы фельетон з жыцця. Як імкліва даражэюць паслугі цырульні і як рэагуюць на іронію цырульніцы

Мужчынскія стрыжкі за апошнія 30 гадоў падаражэлі ў Магілёве, параўноўваючы з прадуктамі харчавання і гарэлкай у 5-30 разоў, а жаночыя ў 8-50 разоў.

Пад пытаннем «чаму няма зніжак для лысых», разважае адзін з наведнікаў цырульні.

Ён піша, што на Магілёўшчыне з пачаткам вайны ва Ўкраіне падаражэлі паслугі цырульнікаў. Паводле яго ў Магілёве цяпер простая стрыжка роўная кошту двум бутэлькам гарэлкі ці пяці дзясяткам яек.

У савецкі час звычайныя стрыжкі абыходзіліся ў 30 і 50 капеек. Бутэльку гарэлкі тады прадавалі за 4 рублі 12 капеек.

Мой адносна немалады ўзрост і юнацкая звычка стрыгчыся па крайняй неабходнасці, прывяла да таго, што я апошні раз пастрыгаў свае ўжо негустыя валасы яшчэ «да вайны». Але космы на патыліцы і чароўны выспятак ад жонкі прымусілі мяне наведаць цырульню.

Установа сустрэла пустэчай і маладой цырульніцай, якая з радасцю прапанавала свае прафесійныя паслугі. Кошт самай простай стрыжкі пад насадку мяне збянтэжыў – 13 рублёў, а з пенсіянераў у спецыяльны дзень – 8 рублёў.

«А мо так і трэба», – падумаў быў я і не паспеўшы асэнсаваць значнасць сумы сеў у крэсла.

Ужо седзячы пачаў падлічваць і разважаць. У савецкі час былі звычайныя стрыжкі за 30 і 50 капеек. А мадэльная стрыжка ў салоне каштавала рубель. Бутэлька гарэлкі тады прадавалася за 4 рублі 12 капеек.

Выходзіць, што за бутэльку мужчына мог 4 разы пастрыгчыся ў салоне прыгажосці і 10 разоў у звычайнай цырульні! Гэта не дзіўна, бо ў СССР усе паслугі абыходзіліся нядорага, бо за працу людзям савецкая ўлада плаціла няшмат.

З надыходам рынкавых адносін паслугі падаражэлі, і кошт гарэлкі і мадэльнай стрыжкі зраўняўся: 1 бутэлька = 1 стрыжка. Такія суадносіны і захоўваліся шмат гадоў. Сёлета, аднак, нешта змянілася. Цяпер я змог пастрыгчыся рэальна за 2 бутэлькі.

«Лысая ж галава менш па плошчы. Яе лягчэй стрыгчы…»

«Паслухайце, – вырашыў пагутарыць з цырульніцай, – дзясятак яек у СССР каштаваў каля рубля. За мадэльную стрыжку таксама плацілі рубель. Стрыжка была роўнай дзясятку яек. Чаму ж цяпер стрыжка падаражэла і за яе кошт я мог бы набыць 5 дзясяткаў?»

«Не ведаю», – адказала цырульніца.

«Можа вам цяпер добры заробак плацяць, таму так дорага? Ну, тысячу ж вы зарабляеце?», – працягнуў я.

«Ды, што вы? Менш!» – адрэагавала маладзіца, але не стала выдаваць службовую таямніцу пра заробак.

«Чаму ж кошт стрыжкі так вырас?» – не сунімаўся я.

«Я не ведаю. Гаспадыня арыентуецца на кошты ў іншых цырульнях», – адзначыла суразмоўніца.

«А ці ёсць у вас зніжкі для лысых?» – вырашыў пажартаваць я, каб неяк пераключыцца.

«Не! Гаспадыня не прадугледзела», – сур’ёзна заўважыла цырульніца.

«Так, у нас не Адэса», – канстатаваў сам сабе.

«Што вы кажаце?», – незразумела майстрыца.

«Лысая ж галава менш па плошчы. Яе лягчэй стрыгчы. Значыць трэба і менш браць з кліентаў», – удакладніў я.

«Не знаю…», – сумелася суразмоўніца.

«Вы ж рэкламай «Для лысых – зніжкі!» прыцягнулі б кліентаў», – не сунімаўся іранізаваць я.

«Мы не падумалі…», – падсумавала яна.

У савецкі час жанчыны маглі пастрыгчыся за 1 рубель, а цяпер ім трэба выкласці 8 рублёў.

Пасля аплаты 13 рублёў я адчуў сябе падманутым і, каб супакоіцца, пайшоў у салон прыгажосці. Там мяне радасна сустрэлі дзве работніцы на прыёме з яшчэ больш бліскучымі нацягнутымі на твары доўгімі практыкаваннямі ўсмешкамі.

Ацаніўшы мой знешні выгляд адразу замест доўгіх размоў назвалі верхнюю столь стрыжкі – 27 рублёў. Мне палягчала, бо я ж пастрыгчыся за 13.

Пазней аказалася, што пад насадку ў салоне можна пастрыгчыся і за 21 рубель. Сярэднім заробкам цырульніцы ў 1000 рублёў у салоне прыгажосці пахваліліся, а жарт пра зніжкі для лысых чамусьці не ацанілі і тутака.

Знайсці больш менш прыемныя кошты мне ўсё ж удалося. У цырульні, якая займала тое ж памяшканне яшчэ ў савецкі час, прапанавалі стрыжку «пад нуль» за 5 руб, пад насадку – за 8, а пад нажніцы – за 11-12.

Пазней жонка падказала яшчэ і цырульню на Ленінскай каля гандлёвага цэнтру «Алісы», дзе можна пастрыгчыся за 8 рублёў у дзень пенсіянера.

Яшчэ даражэй абыходзіцца стрыжка жанчынам. У савецкі час яны маглі пастрыгчыся за 1 рубель, а цяпер ім трэба заплаціць ад 8 рублёў. Для пенсіянерак у асобных цырульнях да 50 рублёў і нават яшчэ больш у салонах.

Падсумоўваючы атрымоўваецца, што мужчынскія стрыжкі рэтраспектыўна падаражэлі за апошнія 30 гадоў у Магілёве, параўноўваючы з прадуктамі харчавання і гарэлкай у 5-30 разоў, а жаночыя ў 8-50 разоў.

А за лысых крыўдна. З іх рэальна бяруць зашмат. У іх жа валасоў значна менш.

 

Аўторак з новымі цэнамі на паліва. Ад пачатку году на 32 капейкі

Яно зноў даражэе, паведамляе «Белнафтахім». Зноў на 2 капейкі і гэта ўжо 16 раз ад пачатку году.

Летась паліва на цягам году даражэла 30 разоў на 1 капейку. Сёлета ж штораз на дзве. Ад сёння за літр:

  • АІ-92-К5-Еўра – 2 рублі 32 капеек;
  • АІ-95-К5-Еўра – 2 рублі 42 капеек;
  • АІ-98-К5-Еўра – 2 рублі 64 капейкі;
  • Дызель – 2 рублі 42 капейкі.

Можа падаражэнне на 32 капейкі і прайшло б незаўважна, але даражэюць і харчаванне, паслугі, адзенне, бытавая тэхніка.

Не трэба забываць, што беларусы на прадукты харчавання аддаюць ад траціны да паловы сямейнага бюджэту (у Еўропе, да прыкладу, у сярэднім да 15%).

Яшчэ 33,8% ідзе на нехарчовыя тавары, 23,9% – на аплату розных паслуг, у тым ліку 7,2% – на жыллёва-камунальныя.

 

 

Гуркі з часныком таннелі, а цыбуля з бульбай даражэла. Якія цэны здзіўлялі?

Інфармацыйны рэсурс myfin.by прагледзеў кошты харчоў і тавараў, выстаўленых Нацыянальным статыстычным камітэтам. На чым жа пакупнік ашчаджаў і траціўся.

Паводле рэсурсу ў маі ў цэлым гародніна стала танней на 14,48 працэнтаў, а садавіна – на 5,36 працэнтаў. А інфляцыя склала 0,7%.

haradok.info
Патаннелі: Даражэла:
 

гуркі – на 47,91 працэнтаў;

часнык – на 21,02 працэнтаў;

памідоры – на 16,69 працэнтаў;

грушы – на 14,13 працэнтаў;

яблыкі – на 12,78 працэнтаў;

перац салодкі – на 10,92 працэнтаў;

вінаград – на 10,79 працэнтаў;

капуста – на 10,5 працэнтаў.

малако згушчанае –  на 11,16,10,79 працэнтаў;

цыбуля рэпчатая – 8,99 на працэнтаў;

кукурузныя шматкі – 8,54 на працэнтаў;

алей – на 7,21 на працэнтаў;

халва – 6,48 на працэнтаў;

маргарын – на 5, 76 на на працэнтаў;

бульба – на 5,15 на працэнтаў.

pbs.twimg.com

Малако і малочныя прадукты падаражэлі на 1,92%, мяса і мясапрадукты – на 1,51%, хлеб і хлебабулачныя вырабы – на 4%, крупы і бабовыя – на 4,21%, рыба і рыбапрадукты – на 1,66%.

i.otzovik.com

Абеды ў сталоўцы даражэлі на 2, 39%, у рэстаране і кафэ – на 1, 76%, фаст-фуд – на 1, 15%.

Тытунёвыя вырабы падняліся ў кошце на 0,23%, алкагольныя напоі – на 3,28%.

 

 

Карцінка з жыцця. Рэальны стан эканомікі ў адным фота. Рост курсу валют і актуальныя цэны

Прадаўцы стаміліся перапісваць цэннікі, таму вынайшлі спосаб аблягчыць сабе працу.

«У сувязі з пастаянным ростам курсу валют актуальныя цэны ўдакладняйце ў прадаўца», – такой аб’явай сустракаюць пакупнікоў у краме аднаго з беларускіх гарадоў.

Тым часам, урад высільваецца, каб адвучыць бізнес і насельніцтва ад валютнага погляду на фармаванне цаны. З’явілася нават «стратэгія дэдалярызацыі». Самі ўрадоўцы, аднак, не зусім упэўненыя, што іх намаганні даюць плён.

Прэм’ер-міністр Раман Галоўчанка неяк прызнаўся: ««Яна ідзе няпроста».

«З усіх краін ЕАЭС менавіта, беларусы адрозніваюцца такой унікальнай псіхалагічнай прыхільнасцю да яго (долара). Ні ў РФ, ні ў Казахстане, ні ў Арменіі такой прыхільнасці няма. Напэўна, так гістарычна склалася», – тлумачыў старшыня ўраду адданасць беларусаў валюце.

 

Проверьте, должны были подешеветь телевизоры холодильники, стиральные машины

О том, что цены на эти товары снижены говорит глава Министерства антимонопольного регулирования Алексей Богданов.

По его словам субъектам хозяйствования Министерство пытается объяснить про недопустимость спекулятивного роста цен. Если это не помогает, используются инструменты ценового и антимонопольного регулирования

Глава ведомства в интервью изданию Sb.by признаёт, что в 2022 году из-за роста внешних цен, ослабления белорусского рубля, ограничения ввоза отмечался существенный рост цен на непродовольственные товары

По его словам предпринятые Министерством меры дают эффект. Розничная цена в апреле по сравнению с розничной ценой в марте на наиболее популярные наименования моторного масла снизилась до 55 процентов, на масляные фильтры – до 50 процентов, на шины – до 19 процентов.

На телевизоры максимальное снижение розничной цены составило до 26 процентов, на холодильники – до 19 процентов, на стиральные машины – до 21 процента.

Бизнес слышит регулятора, – отмечает чиновник, – и, в случае завышения цен, отматывает их обратно”.

 

«Цана ж не «узлятае», як на прадукты ў крамах». Аўтамабілісты пра «стратэгію 2 капеек» Белнафтахіму

У Беларусі кошт бензіну, як у Эфіопіі, дарэчы.

“Юбілейныя” 30 капеек

Аўтамабільнае паліва даражэе на 2 капейкі 15 раз з пачатку году. За гэты час цана вырасла на «юбілейныя» – 30 капеек

Стратэгію павольнага павышэння цаны Белнафтахім сёлета аднавіў 1 сакавіка. Летась паліва рэгулярна даражэла на 1 капейку.

Ад сёння, 7 чэрвеня, аўтаўладальніку трэба будзе заплаціць за 1 літар:

АІ-92-К5-Еўра – 2 рублі 30 капеек;

АІ-95-К5-Еўра – 2 рублі 40 капеек;

АІ-98-К5-Еўра – 2 рублі 62 капейкі;

дызель – 2 рублі і 40 капеек.

Ці шмат ўладальнікаў паставілі свае машыны па павышэнні цэнаў на бензін у гараж?

У прыватных гутарках чарговае павышэнне цаны на паліва аўтамабілісты каментуюць стрымана. Іх супакойвае, што кошты на патрэбны для машыны «тавар» не «узлятаюць», як на прадукты ў крамах. Многія прызнаюцца, што бюджэт ад новых «2 капеек» асабліва не пацярпець.

«Такога падаражэння нават, каб не сказалі, не заўважыў бы. Ці шмат хто праз падаражэнне паліва паставіў сваю машыну ў гараж, бо не пацягнуў яго», – адзначае адзін з уладальнікаў аўто на прыгараднай запраўцы.

Чаму не павышаць, калі ёсць магчымасць

Эксперты, да якіх звярнуўся Магілёў.media каментуюць стратэгію «2 капеек», як неабходнасць пакрыцця затрат, звязаных з паніжэннем цаны для канкурэнтаздольнасці паліва на замежных рынках.

На іхную думку па ўвядзенні санкцыяў супраць Беларусі такія захады працягваюцца, нібы, па інерцыі. Калі ёсць магчымасць зарабляць, то чаму ёю не скарыстацца, адзначаюць яны.

Беларусь па кошце бензіну побач з Эфіопіяй

Нашы калегі з інтэрнэт-рэсурса Officelife.media адзначаюць  тым часам, што сярэдняя цана бензіну ў свеце складае 1,41 долар ЗША за літр. Заможныя краіны падтрымліваюць больш высокія кошты, а бедныя, якія здабываюць і экспартуюць нафту – выстаўляюць значна ніжэйшыя цэны.

У апошнім рэйтынгу таннасці бензіну GlobalPetrolPrices, заўважае выданне, Беларусь мела 24-ы радок з паказчыкам коштам за літар 0,705 долараў ЗША. Блізшы нам сусед у рэйтынгу – Эфіопія. Там бензін каштуе 0,710 долараў за літар.

 

 

Знізілі цану на зубную пасту, а кошт круп павялічыўся. Сярод прычын нестабільнасці на спажывецкім рынку прафсаюзнікі называюць санкцыі

Нягледзячы на захады ўлады па стабілізацыі цэнаў на спажывецкім рынку яны працягваюць расці, хоць на некаторыя віды тавараў іх удалося “збіць”.

Пра гэта сведчаць вынікі, праведзенага Федэрацыяй прафсаюзаў цэнавага маніторынгу на тавары. З яго вынікае, што з пачаткам вясны рост цэнаў на некаторыя прадметы асабістай гігіены, бытавой хіміі і іншых імпартных тавараў даходзіў да 80 працэнтаў. 

Паводле прафсаюзнікаў такое павышэнне коштаў на тавары значна апярэджвала рост курсу валют, адзначана на сайце газэты «СБ. Беларусь сегодня».

«Нягледзячы на ўмацаванне курсу нацыянальнай валюты, кошт аналізаванага набору тавараў асабістай гігіены, бытавой хіміі за перыяд ад лютага да мая вырас на 25 працэнтаў», – адзначаюць у прэсай службе прафсаюзнага аб’яднаньня.

Паводле прафсаюзнікаў у маі ў параўнанні з лютым падаражэлі :

– на 12 працэнтаў крупы;

– на 25 працэнтаў кашы для дзіцячага і дыетычнага харчавання;

– на больш, чым 18 працэнтаў макароны;

– алей і мука на 15 працэнтаў.

Нязменнымі засталіся цэны на малочную прадукцыю, свініну на косці і на курынае мяса, канстатуюць у прафсаюзе.

Паводле яго зменшыліся цэны ў маі ад 4 да 50 працэнтаў на сінтэтычныя мыйныя сродкі ды зубную пасту.

«Сітуацыя можа мяняцца ледзьве не штодня», – піша праўладнае выданне, спасылаючыся на паведамленне прэсавай службы Фэдэрацыі прафсаюзаў.

«Гэта, безумоўна, звязана з шматлікі акалічнасцямі, – тлумачаць там. – Абмежаванымі мерамі, уведзенымі супраць нашай краіны, сусветным ростам цэнаў на разнастайныя паслугі, лагістычнымі складанасцямі і іншым».

 

Аўтамабілісты не забудзьце, сёння паліва зноў падаражэла на дзве капейкі

Адзначылі Дзень хіміка і можна ўздымаць кошты на паліва.

31 мая «Белнафтахім» не прымусіў сябе чакаць і аб’явіў аб чарговым падаражэнні аўтамабільнае паліва на ўсё тыя ж 2 капейкі.

Цяпер цана 1 літра:

АІ-92-К5-Еўра – 2 рублі 28 капейкі;

АІ-95-К5-Еўра – 2 рублі 38 капейкі;

АІ-98-К5-Еўра – 2 рублі 60 капеек;

Дызельнае паліва 2,38 рублёў.

Чарговае падаражэнне сёлета чатырнаццатае. Яно стартавала 1 сакавіка. За прамінулыя тры месяцы цана 1 літра аўтамабільнага паліва вырасла на 28 капеек.