Суд Ленінскага раёну Магілёва палічыў эстрэмісцкай Instagram-старонку беларускага гімнаста з Цырка дзю Салей Сямёна Букіна.
Адпаведнае рашэнне было прынятае 5 студзеня, піша Праваабарончы цэнтр “Вясна”.
Гаворка пра старонку Сямёна Букіна, на якую падпісаныя амаль 9 тысяч чалавек.
Сямён Букін з трупай Цырка дзю Салей аб’ездзіў шмат краін. На радзіму не ездзіць: з’ехаў у 2020 годзе пасля 15 сутак арышту. Пасля заканчэння кар’еры ў цырку ён плануе асесці ў Польшчы і ўжо зараз, падчас перапынку ў працы, абжываецца ў Варшаве. Цяпер у Сямёна перапынак у выступленнях – да вясны гэтага года, распавёў ён у снежні 2025 года выданню “Мост”.
Фотаздымак: Instagram symon_cds