На скрыжаванні праспекта Міра, вуліц Касманаўтаў і Якубоўскага ў Магілёве працягваецца будаўніцтва новага транспартнага кальца і падземнага пешаходнага пераходу. Рух па кальцы плануюць запусціць у канцы чэрвеня, паведамляе тэлеканал «Беларусь 4 Магілёў».
Новы транспартны вузел з’яўляецца часткай аднаго з самых маштабных дарожных праектаў горада – будаўніцтва ўнутрыгарадской кальцавой магістралі.
З 29 мая на гэтым участку быў перакрыты рух транспарту, а каб паскорыць будаўніцтва, работы вядуцца ў дзве змены.
Праект уключае не толькі будаўніцтва самога кальца. Прадугледжаны комплекснае добраўпарадкаванне прылеглай тэрыторыі, поўная замена кантактнай сеткі тралейбусаў і ўзвядзенне падземнага пераходу.
Цалкам завяршыць праект плануецца да 2028 года.