Ад здымкаў палярнага ззяння да выяў цэлых галактык.
Журы найбуйнейшага ў свеце штогадовага конкурсу астрафотаздымкаў “Астранамічны фатограф года” апублікавала работы ўдзельнікаў 2023 года – паведамляе Каралеўскі Музей Грынвіч.
Арганізатар мерапрыемства – Каралеўская Грынвіцкая абсерваторыя – прадставіў здымкі, якія трапілі ў шорт-ліст спаборніцтва 2023 года. Штогод лонг-лісты складаюць тысячы работ.
Выстава з работ пераможцаў будзе прадстаўлена ў Нацыянальным марскім музеі ў Лондане 16 верасня 2023 года.
Конкурс праводзіцца ўжо 15 год. Удзельнікі могуць паспрабаваць свае сілы ў 8 асноўных катэгорыях. Пераможцы за 1, 2, 3-е месцы атрымліваюць прызы ў памеры 1 500, 500 і 250 фунтаў стэрлінгаў (прыкладна 5 475, 1 825 і 913 беларускіх рублёў) адпаведна.
