“Чаго хаваць: раней чорны каркас камуфляваў не заўсёды высокую якасць выканання” – пракаментаваў колеравае рашэнне кабіны трактара начальнік аддзелу дызайна.
Continue reading “Сышла эпоха – трактары “Беларус” перастануць фарбаваць у сіні колер”
Category: У Беларусі
У Беларусі забаранілі дзесяць марак шклоамывальнікаў – усе з Расіі
Адразу дзесяць расійскіх марак незамярзаек патрапілі пад забарону Рэспубліканскага цэнтра гігіены, эпідэміялогіі і грамадскага здароўя. У некаторых выпадках колькасць метанола ў вадкасці перавышала норму ў 680 разоў.
Continue reading “У Беларусі забаранілі дзесяць марак шклоамывальнікаў – усе з Расіі”
500 ласёў, паўтары тысячы казуль гіне кожны год на дарогах Беларусі
У Беларускім таварыстве паляўнічых і рыбаловаў агучылі колькасць дзікіх жывёл, якія загінулі на дарогах у Беларусі ў мінулым годзе.
Continue reading “500 ласёў, паўтары тысячы казуль гіне кожны год на дарогах Беларусі”
У беларускіх паляўнічых і рыбаловаў з’явіўся свой Кодэкс гонару
“Усе прэтэнзіі да паляўнічага, што прамахнуўся, выказваюцца ветліва” — беларускія паляўнічыя атрымалі Кодэкс гонару, што акрэслівае этычныя межы палявання і рыбалкі.
Беларускае таварыства паляўнічых і рыбаловаў апублікавала Палажэнне аб паляўнічай і рыбалоўнай этыцы, культуры ўзаемаадносін і традыцыях членаў таварыства. У дакуменце зацвярджаюцца нормы па ветлівым і паважлівым стаўленні паляўнічых да дзейнасці адно аднога, а таксама што да сваёй здабычы і наогул прыроднага асяроддзя. Так, паляўнічым рэкамендуецца ў сваіх выказваннях не дапускаць выразу “забіць звера”. Замест гэтай фразы прапануюцца такія формы, як “здабыць”, “адстраляць”, “выняць”.
Калі паляўнічы здабыў труса з-пад чужой сабакі, ён павінен аддаць здабычу гаспадару сабакі — гаворыцца ў пункце 5 правілаў. Гаспадар жа сабакі павінен будзе вярнуць патрон паляўнічаму, што патраціўся на стрэл. Усе прэтэнзіі да паляўнічага, што прамахнуўся, выказваюцца ветліва — гаворыцца таксама ў дакуменце. Асобна ў ім прагаворваюцца пункты па ветлівым і добразычлівым стаўленні паляўнічых і рыбаловаў адно да аднога і да прыродных угоддзяў. Так, забараняецца пакідаць пасля сябе смецце, выкарыстоўваць негуманныя метады здабычы і г.д.
За парушэнне правілаў прадугледжваецца выгнанне з шэрагаў таварыства паляўнічых і рыбаловаў.
Фота ілюстрацыйнае, з адкрытых крыніц
В Витебске на прохожую упала ледяная глыба – женщина погибла
Следственный комитет сообщает, что витебчанке было 39 лет. Сегодня утром она проходила мимо дома по проспекту Черняховского, когда снежная лавина рухнула прямо на тротуар. От полученных травм женщина скончалась.
По данному происшествию Витебским городским отделом Следственного комитета проводится проверка.
Фото: скриншот СК
Беларускіх гімнастаў не дапусцяць на еўрапейскія спаборніцтвы ў 2024 годзе
Генеральная асамблея Еўрапейскага гімнастычнага саюза (European Gymnastics) прагаласавала супраць вяртання спартсменаў і афіцыйных асоб з Расіі і Беларусі на афіцыйныя еўрапейскія спаборніцтвы па гімнастыцы з 1 студзеня 2024 года, паведамляе European Gymnastics у сацсетцы Х (Twitter). Галасаванне адбылося на паседжанні арганізацыі ў балгарскай Сафіі.
Раней Міжнародная федэрацыя гімнастыкі аб’явіла аб допуску спартсменаў з РФ і Беларусі да міжнародных спаборніцтваў у нейтральным статусе з 1 студзеня 2024 года. Пазней, у лістападзе, федэрацыя на сваім афіцыйным сайце апублікавала крытэрыі такога допуску. Згодна з імі, акрамя гімнастаў, допуск змогуць атрымаць толькі кіраўнік дэлегацыі, трэнер, урач і фізіятэрапеўт. Афіцыйныя асобы не будуць запрашацца на турніры пад эгідай Міжнароднай федэрацыі. Таксама спартсмены не змогуць прымаць удзел у камандных дысцыплінах.
Такім чынам, Еўрапейскі гімнастычны саюз не паследаваў рашэнню Міжнароднай федэрацыі.
Фота: Reuters
Усе лясы ў Беларусі плануецца абсталяваць відэакамерамі да наступнай вясны
“Беларусь стане першай краінай у Еўропе, якая на 100% пакрые лясы аўтаматычнай сістэмай відэаназірання” – расказаў міністр лясной гаспадаркі Беларусі на брыфінгу падчас пасяджэння міжурадавага савета па лесапрамысловым комплексе і лясной гаспадарцы сярод краін — удзельніц СНД. Ён адзначыў, што працу па абсталяванні ўсіх лясоў у краіне відэакамерамі плануецца завяршыць да пачатку пажаранебяспечнага перыяду – да 1 сакавіка 2024 года, піша “Звязда”.
Фота ілюстрацыйнае
Падаражэюць цыгарэты і крэдыты, а стаматалогія патаннее – што нас чакае ў снежні
Пачынаючы з 1 снежня на дарогах Беларусі пачнуць штрафаваць за адсутнасць зімовых шын на аўтамабілях. Першы штраф – адна базавая велічыня, а пры паўторым правапарушэнні выплата складзе ад двух да пяці базавых. Зімовая гума абавязковай будзе для аўтамабілістаў да 1 сакавіка.
А вось іншыя навінкі снежня.
З 1 снежня на 20 і 30 капеек падаражэюць больш чым 25 марак цыгарэт. Напрыклад, Kent Navy Blue, Kent Silver будуць каштаваць 6,50 рублёў, Pall Mall Superslims Azure – 5,20 рублёў, Dunhill Fine Cut Gold – 6,90 рублёў, а Camel Compact – 5,10 рублёў. Поўны пералік новых коштаў можна паглядзець тут.
Таксама ад заўтрашняга дня павысіцца стаўка на крэдыты ў камерцыйных банках для фізічных асобаў. Цяпер стаўка па крэдытах (за выключэннем ільготных) складзе 15,25% гадавых замест 14,61% ранейшых.
Пачынаючы з 13 снежня ўступіць у сілу пастанова Міністэрства аховы здароўя аб зніжэнні коштаў на стаматалагічныя паслугі. Так, лячэнне карыесу сярэдняй ступені патаннее на 47%, выдаленне малочнага зуба – на 33%, а складанае выдаленне зуба – на 42%.
Фота з адкрытых крыніц
Мужчыну, які прадаваў бясплатныя талоны электроннай чаргі ў падатковую, асудзілі ў Мінску
Незвычайны спосаб заробку быў выяўлены ў адной з падатковых інспекцый горада Мінска. Там мужчына браў талоны электроннай чаргі на тэрмінале, а потым прапаноўваў людзям у чарзе набыць такі талон у яго за 50 рублёў – каб менш чакаць пад дзвер’ю кабінета.
Сігнал пра вынаходлівага прадпрымальніка супрацоўнікі Упраўлення аператыўных мерапрыемстваў Міністэрства па падатках і зборах атрымалі ў кастрычніку – гаворыцца ў афіцыйным тэлеграм-канале ведамства. Неўзабаве работнікі падатковай выявілі гэтага мужчыну і ў прысутнасці двух сведкаў зрабілі ў яго “кантрольную закупку”. Аказалася, што талонны камбінатар прадугледзеў пэўныя меры бяспекі – напрамую ў рукі грошы з людзей ён не браў, а прасіў іх самастойна пакласці купюру ў яго тэчку.
У выніку справу прадпрымальнага мужчыны разбіраў эканамічны суд, які прысудзіў яму штраф у 70 базавых велічыняў (а гэта 2 590 рублёў) і канфіскацыю ўсяго незаконнага прыбытку – піша Onliner.
Фота ілюстрацыйнае
Сёння апошні дзень для аплаты падаткаў
Калі не аплаціць падаткі своечасова, за кожны дзень пратэрміноўкі будзе прызначаная пеня.
Сёння, 15 лістапада 2023 года, заканчваецца тэрмін выплаты транспартнага падатку, зямельнага падатку, падатку на нерухомасць і арэнднай платы. Падатковыя інспекцыі раней выслалі па пошце падаткаплацельшчыкам усе сумы маёмасных падаткаў у адзіным паведамленні. Сума арэнднай платы, якая падлягае выплаце, указваецца ў дагаворы арэнды зямельнага ўчастка.
У выпадку несвоечасовай выплаты падаткаў, а таксама арэнднай платы за кожны каляндарны дзень пратэрміноўкі будзе налічвацца пеня. Таксама ўстаноўлена адміністрацыйная адказнасць за невыкананне падатковага заканадаўства ў выглядзе 15 працэнтаў ад нявыплачанай сумы падатку, але не менш як 0,5 базавых велічынь. Калі нявыплата або несвоечасовая выплата падатку ўчынена наўмысна, прымяняецца штраф у памеры 40 працэнтаў ад нявыплачанай сумы падатку, але не менш як 10 базавых велічынь.
Фота ілюстрацыйнае