Category: Навіны Глуска

Дзесяцікласніцу з Глуска адправілі ў спецшколу за відэа з крытыкай міліцыянера

Навіна ад

У Глускім раёне суд прыняў рашэнне аб накіраванні 15-гадовай школьніцы ў спецыяльную ўстанову тэрмінам на два гады. Падставай для гэтага стала відэа, размешчанае ў інтэрнэце, якое было расцэнена як абраза прадстаўніка ўлады.

Паводле інфармацыі MAYDAY TEAM, дзяўчына, вучаніца 10 класа, была абвінавачана ў парушэнні артыкула 369 Крымінальнага кодэкса Рэспублікі Беларусь. Акрамя таго, ёй прыпісалі адміністрацыйнае правапарушэнне за абразу дырэктара адной з устаноў Глуска.

Камісія па справах непаўналетніх Глускага райвыканкама заявіла, што дзяўчына “мае патрэбу ў асаблівых умовах выхавання” з-за прагулаў і ранейшых папярэджанняў. Следства лічыць, што відэа было створана з мэтай абразы з-за асабістай непрыязнасці.

Нягледзячы на тое, што і сама дзяўчына, і яе бацькі выступілі супраць абвінавачванняў, суд вырашыў, што “метады прафілактычнага ўздзеяння вынікаў не даюць” і “карэкцыя яе паводзін не можа быць ажыццёўлена па месцы жыхарства”.

Рашэнне было абскарджана ў Магілёўскім абласным судзе, але было пакінута ў сіле. MAYDAY TEAM падкрэслівае, што гэтая справа не была ўключана ў расклад судовых пасяджэнняў ні ў Глускім раённым, ні ў Магілёўскім абласным судах.

Фота ілюстрацыйнае

Пенсионер из Глуска ради мести прокалывал шины сельхозтехнике предприятия

Навіна ад

Житель Глуска в течении двух недель повреждал сельхозтехнику из-за того, что обиделся на предприятие. 

Попавшегося на хищении дизельного топлива 64-летнего жителя Глуска понизили в должности, пишет телеграмм-канал «Обратная сторона». Однако работать простым слесарем он не пожелал и выдумал план мести.

Две недели он ездил на свое сельхозпредприятие, дожидался когда сторож пойдет на обход территории и прокалывал шилом шины сельскохозяйственной техники. В конце концов, руководство заподозрило неладное и обратилось в милицию. Мстителя быстро вычислили. Теперь он – обвиняемый по уголовному делу.

Фото носит иллюстративный характер.

П’яны жыхар Глускага раёна трапіў пад цягнік

Навіна ад

Інцыдэнт адбыўся на прыпынку Дудзічы ў Калінкавіцкім раёне Гомельшчыны. Машыніст грузавога цягніка заўважыў мужчыну, што бадзяўся здоўж чыгуначных рэек, і падаў яму гукавы сігнал. Той гэты сігнал, аднак, праігнараваў. Экстраннае тармажэнне не ўратавала ад аварыі – цягнік збіў мужчыну, які ў выніку атрымаў шматлікія траўмы. Як высветлілася, пацярпелым аказаўся жыхар Глускага раёна 1986 года нараджэння. Па рэйках ён гуляў у стане алкагольнага ап’янення. Зараз пацярпелы знаходзіцца ў цяжкім стане ў рэанімацыі – паведамляе газета “Радзіма”.

Фота: “Радзіма” 

На пажары ў Глуску выратавалі мужчыну

Навіна ад

4 чэрвеня а 1:31 раніцы паступіла паведамленне аб пажары ў кватэры на чацвёртым паверсе пяціпавярховага жылога дома ў Глуску па вуліцы Гагарына. Ратавальнікі хутка прыбылі на месца выкліку і ўбачылі дым, які выходзіў з акна кватэры.

Паводле суседкі, унутры мог знаходзцца 53-гадовы гаспадар. Ратаўнікі выявілі яго на канапе ў пакоі і вынеслі на свежае паветра, выкарыстоўваючы кіслародную маску. Брыгада хуткай дапамогі шпіталізавала мужчыну. Меркаваная прычына пажару – неасцярожнае абыходжанне з агнём пры паленні – паведамляе прэс-служба МНС.

Фота: МНС

У Глускім раёне фермер спілаваў на продаж 200 дрэў на ўчастку, з іх 50 дубоў. Што пастанавіў суд

Навіна ад

У Глускім раённым судзе быў вынесены прысуд мясцоваму жыхару, кіраўніку фермерскай гаспадаркі, які на выдзеленых яму ўчастках спілаваў на продаж цэлы лес – 50 дубоў, 60 асін, дзясяткі бярозак і ліп. Пастанова суда была апублікаваная сёння на Нацыянальным інтэрнэт-партале – год абмежавання правоў і амаль 33 тысячы штрафу.

Як паведамляецца ў матэрыялах справы, кіраўнік фермерскай гаспадаркі ўзяў у арэнду чатыры ўчасткі зямлі. Раённая землеўпарадкавальная служба дазволіла новаму гаспадару правесці ачыстку тэрыторыі ад хмызняка, аднак мужчына ўспрыняў гэты дазвол з нашмат большым энтузіазмам, чым дазволена па законе. Не толькі хмызняк, а таксама каля двухсот дрэў ён проста спілаваў і падрыхтаваў на продаж. Агульная сума шкоды расліннаму свету склала ў выніку больш за 32 000 рублёў.

На судзе мужчына спрабаваў прызнаць віну толькі часткова, адмаўляючы замысел продажу асабліва каштоўных парод драўніны. Гэты довад судом не быў прыняты, але ў якасці змягчальных абставін было прынята пад увагу, што ў фермера ёсць трое непаўналетніх дзяцей.

Суд пастанавіў спагнаць з мужчыны суму шкоды плюс дзяржпошліну, арыштаваў маёмасць і прысудзіў фермера да аднаго года абмежавання свабоды без накіравання ў выпраўленчую ўстанову.

Фота ілюстрацыйнае  

На чатыры гады асудзілі першага намесніка старшыні Глускага райвыканкама Уладзіміра Карповіча

Навіна ад

Паведамляецца, што чыноўнік дзеля добрай справаздачнасці падгаварыў работнікаў двух сельгаспрадпрыемстваў падаваць несапраўдную дакументацыю пра рэальны падзёж скаціны. Такім чынам першы намеснік схаваў гібель 387 галоў жывёлы – гаворыцца на афіцыйным сайце Генеральнай пракуратуры Беларусі. 

“Устаноўлена, што абвінавачаны з верасня 2019 года па красавік 2022 года ў мэтах утойвання непрадукцыйнага выбыцця не менш як 387 галоў буйной рагатай жывёлы ў дзвюх гаспадарках даў указанні іх кіраўнікам унесці заведама ілжывыя звесткі і запісы ў справаздачы аб руху жывёлы. – піша пракуратура – У выніку ў іх указалі недакладную інфармацыю аб адсутнасці фактаў склону жывёл. Матыў – стварыць бачнасць эфектыўнага кіраўніцтва і спрыяльнай эканамічнай абстаноўкі на прадпрыемствах, пазбегнуць прыцягнення да дысцыплінарнай адказнасці.”

Суд прызначыў былому чыноўніку чатыры гады зняволення і штраф у памеры 14 тысяч рублёў. Акрамя яго, за ўнясенне ілжывай справаздачнасці пацярпелі яшчэ дванаццаць супрацоўнікаў сельскагаспадарчых прадпрыемстваў.

Гаворка вядзецца пра Уладзіміра Карповіча, які быў прызначаны на пасаду першага намесніка старшыні Глускага райвыканкама і адказным па пытаннях сельскай гаспадаркі. Карповіча прызначылі 27 жніўня 2019 года, паведамляў афіцыйны сайт раённага выканаўчага камітэта. Як бачым, адразу пасля прызначэння, пачынаючы з верасня 2019 года ён заняўся прыпіскамі і ўтойваннем.

Фота з сайта Глускага райвыканкама 

У Глуску шукаюць хворага пенсіянера, які знік месяц таму

Навіна ад

Хворы на дэменцыю пенсіянер Мікалай Строк 1955 года нараджэння сышоў з свайго дома ў Глуску 21 сакавіка 2024 года. З гэтага часу яго месцазнаходжанне невядомае – паведамляе аддзел міліцыі раённага цэнтра. 25 красавіка ў лясным масіве каля аўтадарогі Глуск-Любань будуць арганізаваныя пошукі мужчыны. Праваахоўнікі заклікаюць усіх неабыякавых добраахвотнікаў далучыцца да пошукавай аперацыі. Падрабязнасці – тут.

Фота: РАУС Глускага раёна

Глускаму наркаману-пенсіянеру далі два гады хіміі, прызначылі прымусовае лячэнне і канфіскавалі ровар

Навіна ад

Жыхар Глускага раёна 1960 года нараджэння быў затрыманы напрыканцы мінулага года за тое, што трымаў у сваім доме слоік з 0,02 грама марыхуаны. Як высветлілася, у лістападзе і снежні 2023 года 64-гадовы мужчына ездзіў на ровары ў поле і збіраў там дзікія каноплі, якія потым сушыў і ўжываў. 

На судзе было ўлічана, што пенсіянер мае станоўчыя характарыстыкі з месцаў працы і пражывання, ніколі не затрымліваўся міліцыяй у п’яным выглядзе, а сабраную марыхуану гатаваў толькі для свайго ўласнага ўжытку, а не на продаж. У выніку суд Глускага раёна асудзіў мужчыну да двух гадоў абмежавання волі без накіравання ў калонію, а таксама ў пенсіянера быў канфіскаваны ровар як сродак здзяйснення злачынства – піша газета “Радзіма”.

Па заключэнні судовай медыцынскай псіхіятрычнай экспертызы, мужчына пакутуе на наркаманію, таму суд таксама прызначыў яму прымусовае лячэнне.

Фота ілюстрацыйнае 

Глускі суд аштрафаваў дырэктара калгаса, у якога паводкай затапіла 600 рулонаў сена

Навіна ад

Кіраўнік сельгасарганізацыі з Глускага раёна да самай паводкі не вывозіў палову з усяго сабранага сена са сваіх палёў. За гэта яго аштрафавалі і прымусілі выплаціць амаль 19 000 рублёў на карысць калгаса ў Рэчыцкім раёне.

Continue reading “Глускі суд аштрафаваў дырэктара калгаса, у якога паводкай затапіла 600 рулонаў сена”

Веснавыя пажары ахапілі Магілёўшчыну

Навіна ад

Палае па ўсім рэгіёне, лясны пажар пагражае перакінуцца з Расіі.

Пагрозу трансгранічнага пажару ў гэтыя хвіліны ліквідуюць супрацоўнікі лясной аховы адразу трох раёнаў Магілёўшчыны, Касцюковіцкага, Клімавіцкага і Чэрыкаўскага – паведамляе прэс-служба Міністэрства лясной гаспадаркі. Пажар, які палыхае на тэрыторыі Расійскай Федэрацыі на мяжы з Беларуссю, можа перакінуцца на тэрыторыю Панькаўскага лясніцтва Касцюковіцкага раёна. Сітуацыя ўскладняецца сухім надвор’ем з моцным ветрам, з-за чаго па ўсёй краіне на 2 красавіка абвешчана абмежаванне на наведванне лясоў.

Веснавыя пажары, нярэдка звязаныя з выпальваннем сухой расліннасці, здарыліся адразу ў чатырох раёнах Магілёўшчыны толькі за 1 красвіка – паведамляе прэс-служба МНС. Так, выпальваючы траву на прысядзібным участку, ледзь не загінулі два пенсіянеры ў Дрыбінскім раёне, муж і жонка. Жанчына была шпіталізаваная. Агонь перакінуўся на дом у Горацкім раёне, у Чавускім раёне гарэла ферма, а ў Глускім пажарны апавяшчальнік і суседзі выратавалі ад смерці пенсіянера 1960 года нараджэння.  

Фота ілюстрацыйнае