Відэа з гіпермаркета Green у Бабруйску як пакупнік спрабуе знайсці прадаўца, каб хаця б узважыць выбраны тавар, завірусілася ў Тыктоку.
Бабруйчанін засняў на камеру свой квэст па набыцці рыбы. У рыбным аддзеле не было прадаўца, але там стаіць шыльда з просьбай звяртацца ў каўбасны аддзел. Пакупнік так і зрабіў, аднак у каўбаснай аддзеле сітуацыя паўтарылася: прадаўца няма, а таблічка, якая стаіць там, адпраўляе ў рыбны аддзел.
“Так можна хадзіць вечнасць” – робіць выснову аўтар відэа, якое менш чым за суткі набрала амаль 716 тысяч праглядаў і каля 800 каментароў. Аглядальнікі ў асноўным падзяляюць гумар пакупніка, але таксама ўказваюць на сістэмную праблему – адсутнасць прадаўцаў у магазінах з-за мізэрных заробкаў і цяжкай працы.
Скрыншот: https://www.tiktok.com/@igorzhirov_