Днём на адкрытай пляцоўцы крычаўскага камунальнага прадпрыемства па вуліцы Камсамольскай у Крычаве адбылося ўзгаранне штабеля круглага лесу вышынёй 2-4 метра.
У выніку пажару знішчаны 300 кубаметраў лесу на плошчы 200 квадратных метраў. Пры гэтым ратавальнікамі і камунальшчыкамі выратаваны яшчэ 1200 кубаметраў лесу. Ніхто не пацярпеў, прычына пажару высвятляецца – паведамляецца ў аператыўнай зводцы міністэрства па надзвычайных сітуацыях.
Варта заўважыць, што гэта ўжо другое ўзгаранне кубоў лесу на Крычаўшчыне за апошні час. Аб папярэднім выпадку пажару лесу раней пісалі mogilev.media.
Фота ілюстрацыйнае
