Tag: пратэрміноўка

Піва і віно – сярод пратэрмінаваных тавараў у крамах Горак

Навіна ад

Піва і віно аказаліся незапатрабаванымі пакупнікамі ў некаторых магазінах Горак. Але іх усё адно прадавалі.

Як паведамляе Orsha.eu, спасылаючыся на Горацкі раённы цэнтр гігіены і эпідэміялогіі, нягоднае віно і пратэрмінаваную каўбасу знайшлі ў ліпені ў магазіне “Мегаопт”. Піва з прайшоўшым тэрмінам прыдатнасці заўважылі ў “Эканоме”, які знаходзіцца ў самым цэнтры райцэнтра.

За ліпень, як піша выданне, не было знойдзена пратэрміноўкі ў сельскіх магазінах. Затое ў чэрвені нягоднымі мяснымі вырабамі і кандытарскай прадукцыяй гандлявалі ў крамах Горацкага раённага спажывецкага таварыства ў аграгарадках Буда і Мікуліна адпаведна. 

Фотаздымак: ”Горацкі веснік”

У Горацкім раёне аўталаўка прадавала цвілы хлеб

Навіна ад

Жыхарка вёскі Пясочня Горацкага раёна паскардзілася на заплеснявелы хлеб, які ёй прадалі ў аўталаўцы. Прадаўцу сказалі, што пратэрміноўку прадаваць нельга.

Як піша районная газета “Горацкі веснік”, у яе Instagram-акаўнт паступіў відэазварот ад жыхаркі вёскі Пясочня пра тое, што яна набыла ў аўталаўцы Горацкага райспажыўтаварыства хлеб “Вейскі хатні”, які аказаўся з пратэрмінаваным тэрмінам прыдатнасці. Толькі дома, яшчэ не паспеўшы разабраць упакоўку тавару, жанчына заўважыла на хлебабулачным вырабе цвіль. Паглядзеўшы на дату, яна ўбачыла, што тэрмін прыдатнасці скончыўся пару гадзін таму: амаль у 6 гадзін раніцы.

На запыт карэспандэнтаў газеты ў Горацкае райпо, яго старшыня Ірына Кусцікава адказала, што інфармацыя аб продажы хлеба “з пратэрмінаваным тэрмінам прыдатнасці ў аўтамагазіне пацвердзілася”. Таксама яна паведаміла, што з прадаўцом праведзена прафілактычная гутарка, пакупніцу папрасілі аб прабачэнні і вярнулі ёй грошы.

Фота: “Горацкі веснік”