ЮНЕСКА ўключыў гістарычны цэнтр Адэсы ў свой спіс аб’ектаў сусветнай спадчыны, якая знаходзіцца ў небяспецы, хаця расійскі дэлегат катэгарычна выступаў супраць гэтага рашэння.
Гэтае пытанне разглядалася з 2009 года, але ўвесь час адкладалася. Цяпер ва ўмовах расійскага ўварвання ва Ўкраіну рашэнне было зацверджана ў Парыжы па паскоранай працэдуры, бо падчас вайны Адэса некалькі разоў абстрэльвалася расіянамі.
Расійскі прадстаўнік некалькі разоў спрабаваў затрымаць галасаванне Камітэта ЮНЕСКА. Тым не менш яно адбылося. Шэсць членаў прагаласавалі за ўключэнне Цэнтра Адэсы ў спіс, адзін быў супраць, яшчэ 14 устрымаліся.
У межах цэнтра Адэсы цяпер знаходзяцца 42 помнікі культурнай спадчыны нацыянальнага і мясцовага значэння. Рашэнне зробіць немагчымымі дзеянні забудоўшчыкаў на гэтай тэрыторыі.
Акрамя таго, магчымае знішчэнне расійскімі ракетамі спадчыны ЮНЕСКА, як лічаць украінскія эксперты, будзе разглядацца міжнародным судом у Гаазе.
Ракетны ўдар па горадзе нанесены раніцай. Тры чалавекі загінула.
Разбурана адна з мясцовых школ, магазін будаўнічых матэрыялаў і некалькі жылых дамоў. Ратавальнікі да гэтага часу разбіраюць завалы і шукаюць людзей.
Нікаполь, Днепрапятроўская вобласць
Целы двух загінулых даслалі з-пад завалаў. Адна параненая жанчына знаходзіцца ў больніцы.
Па жылых кварталах гораду было выпушчана больш за паўсотні ракет. Пашкоджаныя школа, пяціпавярховы дом і будынак вучэльні.
Адэса
16 ліпеня па горадзе стралялі з самалётаў стратэгічнай авіяцыі. Паводле папярэдніх дадзеных загінулых і пацярпелых няма.
Ракеты пацэлілі ў склад вытворча-гандлёвай кампаніі. На яго тэрыторыі адбыўся пажар, які ўжо патушаны супрацоўнікамі дзяржаўнай службы надзвычайных сітуацыяў.
Вінніца
Узрасла колькасць ахвяраў расійскага нападу на цэнтральную частку гораду да 24 чалавек. У больніцы ад апёкаў сканала жанчына.
Застаюцца шпіталізаванымі яшчэ 68 пацярпелых, сярод іх 4 дзяцей. Чацвёра чалавек лічацца «зніклымі без звестак».
Горад быў атакаваны 14 ліпеня. Ракеты пацэлілі ў будынак з офіснымі памяшканнямі. Узнік пажар, які перакінуўся на аўтастаянку.
У публікацыі выкарыстаныя зьвесткі апублікаваныя інфармацыйным агенцтвам “УНІАН”
“Асцярожна міны” папярэджваюць знакамі наведнікаў мясцовых пляжаў. Паліцыя рэгулярна праводзіць рэйды. Такія рэаліі курортнага гораду, які чакае ўварвання расійскіх войск.
У Беларусі, тым часам, пачынаюцца перыяд летніх адпачынкаў. Пра тое нагадвае і спёка, апанаваўшая краіну. Многія, нягледзячы на цяжкасці жыцця, праглядаюць сайты турыстычных агенцтваў у пошуках бюджэтнага адпачынку.
images.unian.net
Яшчэ год таму суседняя Ўкраіна з яе чарнаморскімі курортамі і пляжамі была ўлюблёным краем, які беларусы з задавальненнем наведвалі. На адным з інфармацыйных рэсурсаў чытайма: “Адэская вобласць – чарнаморскі рай для беларуса, які атрымаў адпускныя. Нават невялікага бюджэту даволі, каб адчуць сябе ля мора, калі не Абрамовічам, то кімсьці з ягонага атачэння”.
Наўрад ці адэсіты ў няпросты для сябе час ухвалілі б згадку пра набліжанага да Пуціна расійскага алігарха Рамана Абрамовіча.
static.ukrinform.com
Цяпер Адэса прыфрантавы горад. Расійскія войскі спрабуюць авалодаць ім. Яго пастаянна атакуюць артылерыйскімі абстрэламі з расійскіх ваенных караблёў, а таксама ўдарамі з паветра. У выпадку высадкі дэсанта пляжы стануць першым рубяжом абароны гораду.
Адэскія пляжы і марская акваторыя замініраваныя. Купацца забаронена. Размініраваннем украінскія вайскоўцы зоймуцца па сканчэнні вайны і гэта зойме нямала часу.
i.obozrevatel.com
«Не перасоўваецеся па ўзбярэжнай тэрыторыі і пляжам Адэсы і вобласці, – папярэджваюць жыхароў прадстаўнікі абласной ваеннай адміністрацыі і заклікаюць не ігнараваць рэкамендацыяў.
Паводле вайскоўцаў падчас штармоў міны зрывае і прыносіць да берагу.
Разам з тым жыхары ўпарта цягнуцца да ўзбярэжжа. – загараюць і купаюцца. Як правіла адпачынак сканчаецца гутаркамі з паліцыянтамі, якія рэгулярна праводзяць рэйды па пляжах.
focus.ua
«Да жалю не ўсе рэагуюць адэкватна. Калі адны выбачаюцца і сыходзяць, то другія бунтуюць, – апавядае пра сітуацыя на пляжах прадстаўніца рэгіянальнай патрульнай паліцыі.
Адэсіты ўзвялі трывалыя абаронныя збудаванні і спадзяюцца, што ўзброеныя сілы Ўкраіны не дапусцяць акупацыі гораду.
Эксперты лічыць, што наўпроставае ўварванне расійскіх войск у Адэсу магчымае, але самагубнае. Сярод прычын называюцца складанае геаграфічнае размяшчэнне гораду, і глыбока эшаланіраваная абарона. З праблемаў для ўкраінскага войска называецца практычна поўная адсутнасць флоту.
