У Слаўгарадскім раёне з’явіліся два новыя помнікі прыроды

Дзве крыніцы ў Магілёўскай вобласці атрымалі статус гідралагічных помнікаў прыроды мясцовага значэння. 

Рашэннем Слаўгарадскага райвыканкама ўведзены меры аховы, забаронены дзеянні, якія пагражаюць унікальным прыродным тэрыторыіям.

Гаворка ідзе пра два гідралагічныя аб’екты — «Крыніца Шведава крыніца» і «Крыніца Дальнія Сажэлкі» — яны абвешчаны помнікамі прыроды мясцовага значэння, паведамляе БелТА. Абедзьве яны зняходзяцца каля вёскі Любаны.

  • плошча «Крыніцы “Шведава крыніца» — 0,7536 гектара;
  • плошча «Крыніцы “Дальнія Сажэлкі» — 1,5072 гектара;

Ёсць у Слаўгарадскім раёне яшчэ і «Блакітная крыніца», якая лічыцца найбуйнейшай крыніцай ва Усходняй Еўропе і таксама з’яўляецца гідралагічным помнікам прыроды, але рэспубліканскага значэння. Усяго ў Слаўгарадскім раёне налічваецца 24 крыніцы.

Фота ілюстрацыйнага характару з адкрытых крыніц.

У вёсцы пад Магілёвам забаранілі браць ваду з калодзежаў

Адразу тры шахтных калодзежы ў вёсцы Дубінка Магілёўскага раёна паказалі перавышэнне гігіенічных нарматываў па санітарна-хімічных паказальніках. Спецыялісты санстанцыі катэгарычна забаранілі піць ваду з гэтых калодзежаў – піша “Прыдняпроўская ніва”.

Цікава, што тая ж “Прыдняпроўская ніва” менаввіта крынічнай вадой вабіла людзей у Дубінку – у матэрыяле “Попьёшь водички – и дольше проживёшь….”.

Фота з адкрытых крыніц

Крынічку ў паселішчы пад Мсціславам жыхарам прапанавалі добраўпарадкаваць талакой

Жыхары аграгарадка Падсолтава ў Мсціслаўскім раёне звярнуліся да старшыні райвыканкама ў тым ліку і з праблемай уборкі і рамонта крынічкі на ўскрайку вёскі. Гэта адбылося падчас выязной сустрэчы старшыні з жыхарамі, піша “Святло Кастрычніка”. Акрамя таго абмяркоўвалі праблемы рамонту і чысткі шахтавага калодзежа, размешчанага на вуліцы Савецкай, стан дарог, працу аддзялення паштовай сувязі, забеспячэнне сучасным касавым абсталяваннем мясцовай крамы.

Варта адзначыць, што год таму жыхары Падсолтава ўрачыста адкрылі помнік землякам, што загінулі ў часы Другой Сусветнай вайны за кошт складак. Відаць, паспяховы вопыт самаарганізацыі жыхароў паселішча не быў незаўважаны. Падчас сустрэчы чыноўнікам з народам старшыня Падсолтаўскага сельвыканкама Аксана Лісоўская патлумачыла аднавяскоўцам, што працу па добраўпарадкаванні воднай крыніцы можна выканаць у форме сумеснай ініцыятывы – а гэта значыць талакой, да якой далучацца ўлады.

Фота: “Святло Кастрычніка”.