Фестываль “Вялікая бард-рыбалка” на беразе Чыгірынскага водасховішча пройдзе 26-28 ліпеня. Арганізатар Сяргей Кулягін расказаў у агульных рысах пра асаблівасці сёлетняй праграмы мерапрыемства.
– Сёлета ў нас будзе вялікі праект сумесна з выдавецкім домам “СБ – Беларусь сегодня”, гэта будзе выставачны праект патрыятычнага характару “Абеліскі вялікага подзвігу”. Мы плануем у рамках гэтага праекта выехаць з дэлегацыяй з ускладаннем кветак на адзін з памятных аб’ектаў у Магілёўскай вобласці.
Без ваеннай тэматыкі ў афіцыёзным выкананні, такім чынам, зараз не абыходзіцца практычна ніводнае мерапрыемства, нават такі сямейны адпачынак на прыродзе, якім ужо дзесяцігоддзямі ўяўляецца бардаўскі фэст у Быхаўскім раёне.
Таксама на “Бард-рыбалцы – 2024” рыхтуецца канцэрт, прысвечаны 100-годдзю Булата Акуджавы.
Фота архіўнае