Асіповіцкі хлебазавод рыхтуе да Дня горада пачастунак амаль прамысловага маштабу — пірог вагой больш за 40 кілаграмаў.
Як паведамляе выданне «Асіповіцкі край», гіганцкую выпечку падзеляць на сегменты з розным начыннем. Сярод заяўленых варыянтаў — мак і разынкі, але арганізатары абяцаюць і іншыя смакі.
Пакаштаваць пірог змогуць наведнікі святочных мерапрыемстваў у гарадскім парку. Правядзенне Дня горада запланавана на 1 жніўня.
Так што ў гэтым годзе ў Асіповічах можна будзе не толькі паглядзець канцэртную праграму, але і літаральна адрэзаць сабе кавалак гарадскога свята.
Фота ілюстрацыйнае