Прыгожае відэа з краявідамі Магілёва. Агледзім Задняпроўе з вышыні «Юбілейнага»

Гэта магілёўская мясціна ўпадабаная гараджанамі, якія спрабуюць зазірнуць за далягляд. Тут збіраецца шумнай грамадою моладзь, апаноўваючы мясцовыя альтанкі. Уздоўж стромкага схілу прагульваюцца пад шчабятанне птушак пенсіянеры. Па ходніках жа шпацыруюць сямейныя пары.

 

Усё гэта – Дняпроўскі бульвар. Частка мікрараёну «Юбілейнага» з яго «хрушчоўкамі» і сучаснымі шматпавярховікамі.


Магілёў.media працягвае прагулкі па вядомым мясцінам гораду. Мы стараемся паказаць у сваіх відэазамалёўках хараство магілёўскіх краявідаў. Яны дапамагаюць адпачыць ад будзённасці, акунуцца ў свет гісторыі роднага гораду і, магчыма, угледзець будучыню.