На святлафоры, які размешчаны на скрыжаванні вуліц Ціміразеўская – Ленінская, выдалена асобная пешаходная фаза. “Калі рух транспартнага патоку ажыццяўляецца па вуліцы Ціміразеўскай, то пешаходы перасякаюць праезную частку вуліцы Ленінскай. Калі транспарт рухаецца па Ленінскай, то пешаходы пераходзяць дарогу вуліцы Ціміразеўскай” – адзначаецца ў паведамленні УУС аблвыканкама.
Таксама на скрыжаванні вуліцы Гагарына з бульварам Непакораных зменены парадак руху транспарту па палосах. Рух па бульвары Непакораных у напрамку ГЦ «Е-Сіці» з левай паласы ажыццяўляецца толькі налева, з правай – прама і направа.
На скрыжаванні вуліц Габраўская – Маўчанскага павялічаны час уключэння святлафорных секцый для здзяйснення правых паваротаў.
Пешаходам і вадзіцелям трэба быць уважлівымі і сачыць за святлафорамі.