Category: Навіны Чэрыкава

У Чэрыкаве некалькі дзён будуць святкаваць заснаванне горада і раёна

Навіна ад

Мерапрыемствы, прымеркаваныя да Дня горада і раёна, распачнуцца з 15 ліпеня і завершацца масавымі гуляннямі ў пятніцу 21 ліпеня. 

Сёлета спаўняецца 99 гадоў з моманту ўтварэння Чэрыкаўскага раёна і 419 гадоў з часу з’яўлення горада. Пагэтаму  было вырашана адсвяткаваць з размахам. Распачнецца святкаванне з 15 ліпеня, калі на гарадскім стадыёне ў 11.00 пройдзе таварыскі матч паміж футбольнымі камандамі з Чэрыкава і Крычава.

З 17 і па 21 ліпеня запланаваны шэраг тэматычных мерапрыемстваў ва ўстановах адукацыі і культуры: літаратурныя выставы, віктарыны, конкурсы дзіцячых малюнкаў, акцыі, квэст-гульні, экскурсіі ў гісторыка-краязнаўчым музеі. 19 ліпеня маладыя спецыялісты раёна прымуць удзел у квэст-гульні “Чэрыкаўшчына: ад вытокаў да сучаснасці”, якая пройдзе ў гарадскім парку.

Аднак асноўнае свята горада пройдзе 21 ліпеня на пляцоўцы раённага дома культуры з чатырох гадзін дня ажно да гадзіны ночы. Гасцей урачыстасці чакае святочны канцэрт, тэматычныя пляцоўкі, фотазоны, святочны кірмаш з выставамі-дэгустацыямі і продажам фермерскіх прадуктаў, сувеніраў, вырабаў дэкаратыўна-прыкладнога мастацтва, дзіцячымі атракцыёнамі і разнастайным гандлем – паведамляе “Веснік Чэрыкаўшчыны”.

Фота ілюстрацыйнае і “Веснік Чэрыкаўшчыны”.

Вясковец у Чэрыкаўскім раёне падстрэліў сябра з паляўнічай пнеўматыкі

Навіна ад

Двое сяброў у аграгарадку Верамейкі Чэрыкаўскага раёна ў траўні гэтага года зладзілі страляніну па бутэльках. Перад гэтым яны выпілі – паведамляе прэс-служба судовых экспертыз. Стралялі з пнеўматычнай вінтоўкі «Hatsan» мадэлі «Dominator 200C», пазычанай у знаёмага – такая вінтоўка мае высокую дульную энэргію (больш за 13 Джоўль) і адносіцца да катэгорыі паляўнічай зброі.

Падчас стральбы па бутэльках адзін сябар перастаўляў мішэні, а другі выпадкова націснуў на спускавы кручок. Куля патрапіла роўна ў галёнку першаму мужчыне, засеўшы ў ране. Яму прыйшлося звяртацца да медыкаў, якія паведамілі праваахоўнікам пра раненне.

Высветлілася, што карыстанне вінтоўкай падобнай моцы дазваляецца толькі людзям, якія маюць пасведчанне на права палявання. На 35-гадовага жыхара Верамеек, што падстрэліў сябра, заведзена адміністрацыйная справа за незаконнае нашэнне паляўнічай зброі.

Фота ілюстрацыйнае

Ветэран вайны з-пад Чэрыкава адзначыла 100-гадовы юбілей і атрымала пашпарт на 25 гадоў

Навіна ад

Жыхарка вёскі Чарнышын Чэрыкаўскага раёна Ева Марудзенка з’яўляецца не проста чалавекам з багатай працоўнай біяграфіяй, але таксама ветэранам Вялікай Айчыннай вайны. 

Віншавалі чэрыкаўлянку з юбілеем прадстаўнікі райвыканкама, міліцыі і нават школьнікі. Але акрамя цёплых слоў удзячнасці і падтрымкі доўгажыхарцы падаравалі кветкі і новы пашпарт, які разлічаны ажно на 25 год. 

Разынкай віншавання сталася выступлення артыстаў Верамейскага сельскага Цэнтра культуры, якія выказалі свае пажаданні песняй. Яны падрыхтавалі і выканалі спецыяльна для юбіляра некалькі музычных нумароў – паведамляе раённая газета “Веснік Чэрыкаўшчыны”.

Між іншым, шлях жанчыны-доўгажыхаркі лёгкім не назавеш, бо на сваім вяку яна пабачыла шматлікае, і самымі страшнымі былі, вядома ж, гады вайны і пасляваеннай разрухі. Але любоў да жыцця, роднага краю і людзей, адданая праца загартавалі яе і далі сілаў і здароўя дажыць да сваёй залатой даты.

Фота: “Веснік Чэрыкаўшчыны”.

Турзлёт для сеньёраў “Чэрыкаўскі прывал” пройдзе 23 чэрвеня

Навіна ад

Абласны турзлёт “Чэрыкаўскі прывал-2023” пройдзе ў пятніцу 23 чэрвеня на тэрыторыі зоны адпачынку ў вёсцы Горкі Чэрыкаўскага раёна. Ён збярэ  каманды з Горак, Клімавіч, Краснаполля, Круглага, Слаўгарада, Чавус і Чэрыкава – паведамляюць мясцовыя СМІ. 

Турыстычны злёт праводзіцца з 2016 года сярод грамадзян пажылога ўзросту, якія наведваюць аддзяленні сацыяльнай рэабілітацыі, рэабілітацыі інвалідаў і дзённага знаходжання для грамадзян пажылога ўзросту на тэрыторыі Магілёўскай вобласці. Мерапрыемства праводзіцца ў рамках Нацыянальнай стратэгіі “Актыўнае даўгалецце- 2030”.

У праграму турзлёту ўключаны творчыя конкурсы, спартыўныя, інтэлектуальны і гастранамічныя спаборніцтвы.

Мэта спартыўнага форума –  прыцягнуць грамадзян пажылога ўзросту, сеньёраў, да рэгулярных заняткаў фізічнымі практыкаваннямі і спортам, далучэння да здаровага ладу жыцця, павышэння працаздольнасці і даўгалецця. 

Арганізатары запэўніваюць, што такія мерапрыемствы развіваюць камандны дух, садзейнічаюць устанаўленню кантактаў, умацаванню сувязей паміж сеньёрамі розных рэгіёнаў краіны. 

Фота з адкрытых крыніц.

У Чэрыкаве пройдзе турнір па міні-футболе

Навіна ад

12 чэрвеня ў Чэрыкаве стартуе чэмпіянат па міні-футболе сярод аматарскіх каманд, прадпрыемстваў і арганізацый памяці ветэрана фізічнай культуры і спорту М.С.Ляпкова.

У чэмпіянаце, які будзе праходзіць па кругавой сістэме, прымуць удзел не толькі чарыкаўляне, бо плануецца ўдзел каманд з Клімавіч і Крычава. Упершыню змогуць прыняць удзел у турніры юныя футбалісты, якія дасягнулі 16-гадовага ўзросту і паспрабаваць забіць свой гол у старэйшым за сябе сапернікам – паведамляе раённая газета “Веснік Чэрыкаўшчыны”. 

Гульні будуць праходзіць штотыдзень па панядзелках, серадах і пятніцах на гарадскім стадыёне.

Фота ілюстрацыйнае

Пад Чэрыкавам тры чалавекі шукалі могілкі і заблукалі ў лесе

Навіна ад

Група з трох чалавек – сямейная пара і іх знаёмы – прыехала для наведвання могілак у вёсцы Навамалінаўка Чэрыкаўскага раёна. Падчас пошукаў могілак двое мужчын і жанчына заблудзіліся ў лесе. Каля 14:00 4 чэрвеня яны падалі сігнал трывогі, і ў 16:35 іх знайшлі ратавальнікі. У пошуках удзельнічалі 11 чалавек на 5 адзінках тэхнікі – паведамляе прэс-служба МНС.

Фота: МНС

Жыхар Чэрыкава фатаграфаваў непаўналетнюю пляменніцу аголенай і забыў тэлефон у сяброў

Навіна ад

На 10 гадоў калоніі ўзмоцненага рэжыму асуджаны жыхар Чэрыкава за сэксуальныя дзеянні ў дачыненні да непаўналетняй пляменніцы. Дачакаўшыся, калі дзяўчынка застанецца адна дома, ён фатаграфаваў яе аголеную і здзяйсняў іншыя дзеянні супраць полавай недатыкальнасці – паведаміў пракурор Чэрыкаўскага раёна Аляксандр Маісееў на старонках выдання “Веснік Чэрыкаўшчыны”.

Мужчына мэтанакіравана застаўся сам насам са сваёй пляменніцай, калі дома не было яе бацькоў і зрабіў серыю парнаграфічных фотаздымкаў дзеля свайго самазадавальнення. Дзяўчынка пры гэтым, з-за асаблівасцяў развіцця, не магла ўсвядоміць таго, што адбываецца – адзначаецца ў публікацыі. Злачынства было раскрыта выпадкова. Пасля п’янкі ў кампаніі сяброў, мужчына забыў свой тэлефон дома ў знаёмай жанчыны. Каб даведацца, каму належыць тэлефон, жанчына разблакіравала яго і паглядзела галерэю фотаздымкаў. Пабачыўшы фота непаўналетняй дзяўчынкі, якую яна і сама ведала, адразу звярнулася ў міліцыю.

Фота ілюстрацыйнае

Тры горада Магілёўшчыны прызнаны лепшымі ў краіне па добраўпарадкаванні

Навіна ад

Савет міністраў Беларусі зацвердзіў пастанову аб выніках агляда-конкурса паміж гарадамі Беларусі па ўзроўні добраўпарадкавання і санітарным стане. У першай катэгорыі, куды адносяцца абласныя цэнтры, перамог Брэст. У другой катэгорыі, сярод гарадоў з насельніцтвам звыш 50 000 чалавек, лепшымі сталі Мазыр і Бабруйск.

У чацвёртай катэгорыі, сярод гарадоў да 10 000 насельніцтва, у ліку лепшых апынуліся Бялынічы і Чэрыкаў.

Фота: bobrlife.by

У двух раёнах Магілёўшчыны дазволілі наведваць лясы – Слаўгарадскім і Чэрыкаўскім

Навіна ад

Забарона на наведванне захоўваецца для ўсіх астатніх раёнаў Магілёўскай вобласці – паведамляе афіцыйны сайт Міністэрства лясной гаспадаркі.

У цэнтральных і ўсходніх раёнах Беларусі захоўваецца ІV клас пажарнай небяспекі. У Віцебскай і Мінскай абласцях забаронены або абмежаваны да наведвання лесу ў 20 раёнах у кожнай, у, Гомельскай – ва ўсіх раёнах. Забарона наведваць лясы дзейнічае ва ўсіх раёнах Магілёўскай вобласці, акрамя Слаўгарадскага і Чэрыкаўскага – тут знятыя ўсе абмежаванні.

Фота з адкрытых крыніц

У крамах Чэрыкава акцыя – за знойдзены пакупніком пратэрмінаваны прадукт свежы дадуць бясплатна

Навіна ад

На Чэрыкаўшчыне ўведзена праграма “Спажывецкі кантроль”. Асноўны яе прынцып: калі ты знайшоў у краме няякасны тавар – атрымай бясплатна добры.

У гэты праект уключыліся амаль з дзясятак крамаў чэрыкаўскага спажывецкага таварыства. Мэта такой праграмы – выключыць выпадкі рэалізацыі тавараў са скончаным тэрмінам захоўвання. Кіраўнікі чэрыкаўскіх магазінаў адзначаюць, што прадаўцы самі ўзмацнілі кантроль над захаваннем тэхналогіі захоўвання і рэалізацыі прадуктаў харчавання. Натуральна, што такі падыход пойдзе на карысць як пакупнікам, так і іміджу гандлёвых аб’ектаў – паведамляе раённая газета “Веснік Чэрыкаўшчыны”.

У сваю чаргу ў аддзеле эканомікі Чэрыкаўскага райвыканкама тлумачаць, што праграма “Спажывецкі кантроль” – гэта нават не акцыя, а гандлёвая палітыка, і заклікаюць далучацца да яе ўладальнікаў іншых гандлёвых аб’ектаў.

Фота ілюстрацыйнае