Больш за два кіламетры лясных дарог, засыпаных бітай цэглай і кавалкамі жалезабетону ў Вільчыцкім лясніцтве, знайшоў Камітэт дзяржкантролю. Цяпер шукае вінаватых.
Нейкая камерцыйная фірма засыпала дарогу будаўнчымі адыходамі для большай трываласці грунту пад коламі грузавікоў. Імі яна вывозіла пясок з кар’ера ў пойме Дняпра, хоць планаваўся сплаў па рацэ. Насыпаўшы на дарогу бут, фірма тым самым парушыла прыродаахоўнае заканадаўства.
Як высвятлілі правяраючыя, у тым жа Вільчыцкім лясніцтве такі ж самы бут прадпрыемства цеплаэнергетыкі для ўтрамбоўкі высыпала на іншую дарогу. Па ёй вывозілі драўніну.
Агульная сума шкоды, нанесенай навакольнаму асяроддзю, склала каля 215 тыс. рублёў. Разглядаецца пытанне аб прыцягненні вінаватых да адказнасці.
Фотаздымак: ТГ “Камітэт дзяржкантролю Беларусі”