Былому кіраўніку магілёўскай арганізацыі БНФ стала дрэнна на стрыме ў Сяргея Пятрухіна, а ўвечары ён трапіў у бальніцу з інсультам.
З адным з самых даўніх членаў партыі БНФ Анатолем Фёдаравым здарылася бяда.
Праблемы пачаліся ў Анатоля Фёдаравіча ў прамым эфіры на стрыме ў блогера Сяргея Пятрухіна.
Гледачы заўважылі, што 72-гадоваму Фёдараву цяжка гаварыць. Адразу пасля стрыму актывіста забрала хуткая дапамога.
Анатоль Фёдаравіч удзельнічаў у дысідэнцкім руху яшчэ ў часы СССР, узначальваў магілёўскую арганізацыю партыі БНФ «Адраджэнне», прымаў актыўны ўдзел у масавых пратэстах 2020 года, за што падвяргаўся адміністрацыйным арыштам.
Знаходзячыся ў эміграцыі, Фёдараў рэзка крытыкаваў Офіс Святланы Ціханоўскай.
На дадзены момант вядома, што Анатоль Фёдаравіч можа гаварыць, але ў яго наперадзе доўгая рэабілітацыя.
Фота: “Еўрарадыё”.