Партал «Наша Ніва» распавёў пра тое, што калісьці ў кожным буйным горадзе Беларусі працавалі ўстановы, якія гатавалі выключна стравы з бульбы і падкрэслена выкарыстоўвалі нацыянальны каларыт.
Свае «Бульбяныя» былі і ў Магілёве. Адна з іх размяшчалася ў «доме чыгуначнікаў» па праспекце Міру, 25.
Кафэ працавала з сярэдзіны 1960-х гадоў, гэта значыць з’явілася раней за гасцініцу «Магілёў», пабудаваную ў 1972 годзе.
Сёння там працуе фірмовая крама Магілёўскага мясакамбіната.
А ў 1976 годзе яшчэ адна «Бульбяная» адкрылася ў новым жылым раёне Магілёва. Кафэ плошчай 123 квадратныя метры магло адначасова прыняць 54 чалавекі і знаходзілася на вуліцы Народнага апалчэння, 20. Сёння ў гэтым памяшканні размяшчаюцца прадуктовыя і адзежныя крамы.
Стаўленне да ўстаноў такога тыпу і цяпер застаецца неадназначным: з’яўленне ў Мінску «Дранічнай № 1» выклікала хвалю абурэння. Беларусы ўбачылі ў канцэпцыі кафэ савецкую настальгію і гламурныя вобразы маскоўскіх «Патрыкаў».
Фота «Наша Ніва».