БРСМаўцы касцюковіцкага каледжа навялі парадак на тэрыторыі Крыжаўзвіжанскага храма, які быў знішчаны іх ідэалагічнымі продкамі.
Маладыя людзі прыбралі тэрыторыю вакол праваслаўнага храма Касцюковічаў – прыбралі апалае лісце і ачысцілі клумбы ад сухіх раслін.
“Кожны год хлопцы і дзяўчаты далучаюцца да добраўпарадкавання аб’ектаў духоўнай спадчыны. Сумесная праца згуртоўвае моладзь, выхоўвае стараннасць у працы і разуменне значнасці захавання культурных і гістарычных традыцый” – цытуе словы раённага сакратара БРСМ Лізаветы Андрэйчанка раённае выданне “Голас Кацюкоўшчыны”.
Гучаць гэтыя словы чыноўніка ад БРСМ дзіўна і нават парадаксальна, бо за савецкім часам піянеры ды камсамольцы выступалі за ліквідацыю гэтай праваслаўнай царквы, вядомай з 1830-х гг. Урэшце Крыжаўзвіжанская царква была знішчана ў 1933 годзе савецкай уладай у межах антырэлігійнай палітыкі. Аднавілі царкву толькі напачатку ХХ стагоддзя, у 1999 годзе, і на сёння яна з’яўляецца адной з галоўных славутасцяў Касцюковічаў.
Фота: golk.by