Свята бульбы ў Кіраўску: кулінарныя вынаходніцтвы, аквагрым і бульбяныя шашкі.
У Кіраўску адзначылі Дзень бульбы. Для жыхароў і гасцей арганізатары падрыхтавалі насычаную праграму, дзе кулінарыя сустракалася з гульнямі. На свяце добра бавілі час і малыя, і дарослыя.
Удзельнікі бульбяных забаў кідалі клубні ў абручы, прыгадвалі традыцыйныя беларускія рэцэпты, ператваралі дзяцей у бульбу аквагрымам і нават гулялі ў бульбяныя шашкі.
Напрыканцы свята другога хлеба гасцей запрасілі на пачастунак. Зразумела, ўсе стравы былі з бульбы.
Фота раённай газеты “Кiравец”.