Анансаванае падвышэнне пенсіяў. Уздымуць на 10 працэнтаў, але ў кожнага надбаўка будзе свая

Сярэдні памер пенсіі па ўзросце ў жніўні складзе 638 рублёў (уключаючы даплаты).

У выніку пераразліку памер працоўнай пенсіі будзе падвышаны на 10 працэнтаў, паведамляе Міністэрства працы і сацыяльнай абароны. Ведамства, аднак, папярэджвае, што надбаўка ў кожнага будзе сваёй у залежнасці ад стажу і заработку, на якія зважалі налічваючы пенсію, а таксама ўстаноўленых даплат да асноўнай пенсіі.

Гэта другое павышэнне працоўных пенсіяў у бягучым годзе. З 1 сакавіка надбаўка складала 7 працэнтаў.

Паводле Міністэрства працоўную пенсію маюць больш за 2,3 мільёны беларусаў. У жніўні расходы на выплату пенсіяў складуць 1,4 мільярды рублёў. 122 мільёны рублёў – сума, якая пайшла на падвышэнне пенсіяў.

Указ пра павелічэнне пенсіяў падпісаў Аляксандр Лукашэнка 25 ліпеня.

25 ліпеня Міністэрства працы і сацыяльнай дапамогі паведаміла пра падвышэнне дапамогі дзецям да трох гадоў. Яна стане больш, з 1 жніўня на 2,7 працэнты.

На 2.97 працэнты павялічыцца дзяржаўная дапамога дзецям да трох гадоў

Міністэрства працы і сацыяльнай абароны апублікавала памеры такой дапамогі. Яна павялічыцца на 2,97 працэнтаў. Новыя сумы будуць выплачваць ад 1 жніўня да 31 студзеня, гаворыцца на сайце ведамста  

– На першае дзіця дапамога ўзрасце з 539,56 да 556,05 рублёў.

– На другое і наступных дзяцей з 616,64 да 635,48 рублёў.

– На дзіця з інваліднасцю з 693,72 да 714,92 рублёў.

Міністэрства нагадвае, што згодна з Законам «Аб дзяржаўных дапамогах сем’ям, якія выхоўваюць дзяцей» памеры дапамогі па доглядзе дзіцяці ва ўзросце да 3 гадоў пералічваюцца два разы на год: 1 лютага і 1 жніўня.