Каля берагоў Швецыі заўважылі кіта-бялуху, якога падазраюць у шпіянажы на карысць Расіі

Мяркуецца, што гэта дрэсіраваны кіт, а некалькі гадоў таму з яго знялі гарнітуру для відэаназірання з надпісам “Абсталяванне Санкт-Пецярбурга”. Кіту ўжо далі мінушку Хвалдзімір, ад нарвежскага слова hval – кіт – і намякаючы на сувязь з Расіяй.

Кіт-бялуха з незвычайнымі паводзінамі быў упершыню заўважаны каля берагоў Нарвегіі ў 2019 годзе. Яшчэ тады нарвежскія марскія эксперты выказалі меркаванне што яны наткнуліся на белуху, якая была падрыхтавана расейскім флотам у рамках праграмы выкарыстання падводных млекакормячых у якасці сіл спецыяльнага прызначэння.

Вось што расказвалі пра паводзіны кіта нарвежскія маракі чатыры гады таму.

– Мы збіраліся паставіць сеткі, калі ўбачылі кіта, які плавае паміж лодкамі. – расказаў рыбак Джоар Хестэн нарвежскаму тэлеканалу NRK – Ён падышоў да нас, і калі ён наблізіўся, мы ўбачылі, што на ім была нейкая збруя.

Дзіўныя паводзіны кіта, які актыўна шукаў караблі і спрабаваў выцягнуць рамяні і вяроўкі з бартоў лодак, а таксама тое, што на ім была тугая шлейка, якая, здавалася, была прыстасаваная для камеры або зброі, выклікала ўвагу. Сярод марскіх экспертаў з’явіліся падазрэнні, што жывёла прайшла ваенную падрыхтоўку ў суседняй Расіі. Унутры збруі, якую знялі з кіта, былі надпісы «Абсталяванне Санкт-Пецярбурга» – пісала выданне Guardian у 2019 годзе.

На працягу трох гадоў кіт-бялуха жыў, нетаропка прасоўваючыся здоўж нарвежскага ўзбярэжжа, аднак апошнім часам ён нечакана паскорыўся і адправіўся ў бок Швецыі. 

У нядзелю яго назіралі ў Хунэбастрандзе, ля паўднёва-заходняга ўзбярэжжа Швецыі.

– Мы не ведаем, чаму ён так хутка паскорыўся менавіта цяпер. – расказаў Guardian Себасцьян Стрэнд, марскі біёлаг з арганізацыі OneWhale, дадаўшы, што гэта выклікае асаблівае здзіўленне, таму што кіт «вельмі хутка аддаляўся ад свайго натуральнага асяроддзя».

Марскія біёлагі дапускаюць таксама, што кіт шукае сабе пару. Лічыцца, што ён не бачыў ніводнай іншай бялухі з моманту прыбыцця ў Нарвегію ў красавіку 2019 года. Бліжэйшая папуляцыя бялух знаходзіцца, аднак, у зусім іншым месцы – на поўначы ад Нарвегіі, каля вострава Шпіцберген.

Нарвежцы празвалі яго Хвалдзімірам, каламбурам на нарвежскай мове з кітом – hval, і паказваючы на яго меркаваную сувязь з Расіяй.

Фота: Guardian