Tag: грамадскае абмеркаванне

Царкву ў Пячэрскім лесапарку пабудуюць – так вырашыў горадабудаўнічы савет у Магілёве

Навіна ад

У Магілёве высекуць частку ахоўнай тэрыторыі ў Пячэрскім лесапарку дзеля будаўніцтва царквы Дабравешчання Найсвяцейшай Багародзіцы. Такое рашэнне было прынята на горадабудаўнічым савеце Магілёўскага гарвыканкама.

Інфармацыю пра вынікі грамадскага абмеркавання праекта будаўніцтва царквы напісаў у папулярнай групе “Магілёў – горад, які быў…” у Facebook карыстальнік Сяргей Шышкоў. Паводле яго слоў, большасцю галасоў – 6 з 11 – на пасяджэнні горадабудаўнічага савета было прынята рашэнне аб пачатку будаўніцтва. 

“Віншую вас, з Пячэрскам у яго першапачатковым, першародным выглядзе можна развітацца” – эмацыйна пракаментаваў гэтую падзею карыстальнік – “У добраўпарадкаванні тэрыторыі горад не зацікаўлены. Зацікаўлены толькі ў інвестарах і будаўніцтве. Так што гэта толькі пачатак. Леса ў нас дастаткова. А вось мецаў для будаўніцтва не хапае”. 

Паводле слоў Сяргея Шышкова, на пасяджэнні горадабудаўнічага савета былі агучаныя лічбы – колькі гараджан выказаліся за будаўніцтва царквы, колькі супраць. Галасоў “за” аказаліся тысячы, тады як “супраць” налічылі ўсяго 180 подпісаў. “317 жа подпісаў толькі жыхароў бліжэйшых дамоў да ўліку прынятыя не былі” – заўважае карыстальнік. Вялікую колькасць галасоў за будаўніцтва царквы пацвярджае іншы ўдзельнік групы “Магілёў – горад, які быў…” Ігар Санташоў, каментуючы, што яшчэ з восені ва ўсіх магілёўскіх храмах збіралі подпісы за будаўніцтва царквы Дабравешчання Найсвяцейшай Багародзіцы.

Нагадаем, што на ахоўнай тэрыторыі Пячэрскага лесапарку плануюць узвесці храм, дом кліру, гаспадарчыя будынкі, дзіцячую пляцоўку і паркоўку. Дзеля гэтага частка лесапарку будзе знішчаная. 

Царква замест лесу: у Магілёве плануюць забудову часткі Пячэрскага лесапарку

Навіна ад

У Магілёве грамадства ўсхвалявалася: ў Пячэрскім лесапарку хочуць высекчы частку ахоўнай тэрыторыі дзеля будаўніцтва новага царкоўнага комплексу. Праект ужо вынесены на грамадскае абмеркаванне, і выклікае спрэчкі паміж уладамі, жыхарамі і экалагічнымі актывістамі.

Што плануюць пабудаваць

На ахоўнай тэрыторыі Пячэрскага лесапарку плануюць узвесці храм Дабравешчання Найсвяцейшай Багародзіцы, дом кліру, гаспадарчыя будынкі, дзіцячую пляцоўку і паркоўку. Паводле праекта, тэрыторыя вакол будзе ўпарадкаваная, што, на думку распрацоўшчыкаў, павінна прыцягнуць турыстаў і палепшыць інфраструктуру.

Печерск церковь

Рэакцыя грамадскасці

Жыхары горада і экалагічныя актывісты негатыўна ўспрынялі навіну. Асноўная прэтэнзія – знішчэнне часткі ахоўнай зялёнай зоны, якая важная для экалогіі і адпачынку гараджан. Улічваючы агульнае скарачэнне зялёных тэрыторый у Магілёве, праект выклікаў хвалю абурэння.

Вось, напрыклад, як адрэагавалі ўдзельнікі самага папулярнага гарадскога пабліка на Facebook – суполкі “Магілёў – горад, які быў…”:

“А вот и ещё одна плохая новость для Могилёва. Всё не знали как подойти к Печерску, но по итогу придумали! За счёт РПЦ! Начнут с “края” Печерска (да, это место ещё не полноценный Печерский лесопарк, а берёзовая рощица, но сути не меняет, ведь это шикарные природные места).” 

“Парк должен быть парком. Для строительства храма можно найти другое место. В Могилеве уже не осталось настоящих скверов и парков. НА Подниколье настоящий парк будет еще не скоро, да, и добраться к нему сложно.”

Пячэрскі лесапарк
Месца меркаванага будаўніцтва царквы. Крыніца: Yandex.maps

“Вырубают все ,что только можно,везде. При этом сами селятся за городом,чтобы и птички,и бабочки,и деревья. Подниколье превратили в пустырь,выложенный плиткой-и всех уверяют,что стало необыкновенно красиво. Вы ещё вместо деревьев понаставьте пластиковые,в лампочках-и будет ЩАСТЕ,вот уж правда! Могилев-единственный город,где упорно и,надо заметить,успешно борются с парками. Ведь нет ни одного.”

Сярод заўваг ад грамадскасці гучыць таксама вельмі простае пытанне: навошта будаваць храм менавіта тут, калі недалёка ўжо знаходзіцца адна праваслаўная царква – Серафімаўская?

Афіцыйная пазіцыя

Улады заяўляюць, што новая забудова прынясе “сацыяльную і культурную каштоўнасць”, а страты прыроднага асяроддзя будуць мінімізаваныя. У рамках грамадскага абмеркавання кожны жадаючы можа выказаць свае заўвагі і прапановы.

Што гаворыць заканадаўства

Тэрыторыя, якая адводзіцца пад будаўніцтва, уваходзіць у ахоўную зону Пячэрскага лесапарка. Паводле заканадаўства, на ахоўных тэрыторыях будаўніцтва дазволенае, але забароненая вырубка дрэваў. Выглядае, што прадстаўнікі гарвыканкама, якія прымалі падобны праект да разгляду, сціпла замоўчваюць той факт, што запланаванае будаўніцтва можа прывесці да парушэння прыродаахоўнага заканадаўства.

Што далей

Грамадскае абмеркаванне працягнецца да 9 мая. Канчатковае рашэнне будзе прынята пасля разгляду ўсіх заўваг.

З канцэпцыяй новай пабудовы можна пазнаёміцца тут.

Прыняць удзел у абмеркаванні – тут.