На працягу гэтага тыдня з 3 па 9 чэрвеня ў Беларусі праходзіць акцыя “Вандруй. Адчуй. Натхняйся”, падчас якой турыстычныя аб’екты – музеі, аграэкасядзібы, прадпрыемствы – працуюць у рэжыме “адкрытых дзвярэй” для наведвальнікаў. Гэта ўжо трэцяе падобнае мерапрыемства. У 2022 годзе 516 аб’ектаў наведалі больш за 24 тыс. чалавек. У 2023-м 924 аб’екты ўбачылі звыш 58 тыс. турыстаў. Сёлета ў акцыі бяруць удзел больш за 1 200 арганізацый па ўсёй краіне, на Магілёўшчыне заяўку падалі 137 арганізацый.
Падчас акцыі можна будзе бясплатна наведаць музейную экскурсію (як правіла, дзяржаўныя музеі арганізуюць адну такую экскурсію па адной са сваіх экспазіцый) альбо пабываць на трэніровачнай базе футбольнага клуба “Днепр”. Найбольшая колькасць удзельнікаў – гэта аграэкасядзібы, якія прапануюць сваім наведвальнікам майстар-класы і музейныя заняткі. Поўны пералік усіх даступных опцый можна знайсці тут.
Фота: mogilev.media