На бліжэйшых выходных на беразе Асіповіцкага водасховішча пройдзе экафэст “”Ціхае паляванне” з бардаўскімі песнямі, конкурсам па кулінарыі і чэмпіянатам па збору грыбоў – паведамляе БелТА.
Асноўным месцам правядзення фестывалю стане база адпачынку “Бярозка”. Тут можна будзе спыніцца ў намётавым лагеры ці забраніраваць месцы ў летнім доміку. У 11.00 9 верасня тут пачне працаваць горад майстроў і міні-кірмаш фермерскай і экапрадукцыі “Дары восені”. У гэты ж дзень запланавана пешая экскурсія.
Раніцай 10 верасня стартуе чэмпіянат па зборы грыбоў, у якім змогуць паўдзельнічаць усе ахвочыя. Пераможцам стане той, хто набярэ больш за ўсё грыбоў па вазе.
Фота з адкрытых крыніц