Category: Спорт і здароўе

Гасцей парвалі на сухую амаль усіх – прайшоў тур Магілёўшчыны па футболе

Навіна ад

Сем матчаў дзясятага тура другой лігі Магілёўскай вобласці па футболе скончыліся перамогамі гаспадароў і толькі адзін – буйной перамогай гасцей. Аўтсайдэры прайгралі з буйным лікам, лідары паказалі сваю моц, некалькі сустрэч скончыліся з не зусім чаканым лікам.  

Самыя буйныя вынікі матчаў адбыліся ў зоне “Усход” Магілёўскай вобласці па футболе. Адразу дзве сустрэчы завершыліся з лікам 8-0 на карысць гаспадароў. У першым матчы сустракаліся лідар і аўтсайдэр – горацкія футбалісты і клуб “Віхра“ з Мсціслава. 

Ужо ў першыя дзесяць хвілін гаспадары захапілі ініцыятыву, дзейнічаючы вельмі ўпэўнена, востра і прыгожа. У першым тайме горацкімі гульцамі забіта было чатыры мячы, хоць атак было столькі на браму гасцей, што здавалася, галоў мсціслаўцы прапусцяць больш. 

Другі тайм у гульні нічога не змяніў: госці абараняліся, рэдка спрабуючы беззуба кантратакаваць, а гаспадары яскрава і востра гулялі наперадзе. Заўзятары ў другой палове матча пабачылі таксама чатры мячы з розных палажэнняў, стандартаў і прыгожых розыгрышаў. Вынік больш чым заканамерны – 8-0 упэўненая перамога горацкага клуба.

Аналагічны вынік матча быў зафіксаваны паміж крычаўскімі і дрыбінскімі футбалістамі. Гаспадары адразу “ўзялі быка за рогі” і забілі хуткі мяч на восьмай хвіліне сустрэчы. З гэтага моманту абарона гасцей не магла спыніць форвардаў крычаўскага “Сожа”, якія з лёгкасцю заходзілі ў штрафную суперніка, забіваючы галы адзін за адным. 

Дрыбінскія футбалісты выглядалі значна слабейшымі за гаспадароў і іх атакі выглядалі слабымі, якія з легкасцю адбівалі абаронцы “Сожа”. А крычаўскія футбалісты ў сваю чаргу забівалі галы на розны густ, чым радавалі мясцовых заўзятараў. Усяго за першы перыяд было забіта ажно пяць мячоў. 

У другім тайме кардынальна гульня не змянілася. Гаспадары расслабіліся, дазвалялі дрыбінцам час ад часу атакаваць. Але атакі гасцей не былі небяспечнымі, а вось гаспадароў наадварот – вострымі і добра арганізаванымі. У выніку футбалісты “Сожа” у другой палове матча забілі яшчэ тры мячы гасцям і выйгралі з сукупным лікам 8-0.  

Яшчэ адзін матч скончыўся з буйным лікам паміж футбалістамі “Сервалюкс Агра” і слаўгарадскім клубам. Гульцы “Сервалюкса” гулялі не проста на правах гаспадароў, а пацвярджалі свой высокі статут аднаго з лідараў турнірнай табліцы зоны “Усход”. Першы тайм прынёс шмат небяспечных момантаў каля брамы гасцей, якія спрабавалі супраціўляцца фаварытам гэтага матча. 

Рэдкія атакі слаўгарадскіх гульцоў не былі рэалізаваны, затое шквал вострых і небяспечных момантаў каля брамы гасцей скончыліся трыма забітымі галамі. Чакалася, што ў другой палове матча слаўгарадскія футбалісты могуць прыбавіць у гульні і выдаць шэраг небяспечных атак, але адбылося наадварот. 

Гаспадары ў другім тайме прыбавілі і выглядалі надзвычай моцна, забіўшы адносна хуткіх два мячы, а ў канцы матчы паставіўшы тлустую кропку сустрэчы – 6-0. Каб размачыць браму гаспадароў госці мелі няшмат магчымасцяў, але рэалізаваць і іх не змаглі. 

Больш упартай атрымалася сустрэча паміж клімавіцкімі футбалістамі і клубам “Ніва” з Чавусаў. Гульня пачалася дастаткова роўнай, хоць гаспадары стваралі больш вострыя атакі каля брамы суперніка. Аднак некаторыя небяспечныя моманты мелі і чавускія гульцы, але напрыканцы першага тайма змагла адзначыцца толькі клімавіцкая каманда. 

Заўзятары на гарадскім стадыёне ў Клімавічах чакалі напружанага другога тайму. Але ж гаспадары ў другой палове выглядалі на галаву мацнейшымі за гульцоў “НІвы”. Яны кантралявалі мяч, ствараючы адну атаку за другой. Чавускія гульцы агрызаліся, але вялікай небяспекі для брамніка гаспадароў іх контрвыпады не ўяўлялі. 

У сярэдзіне другога тайма клімавіцкія гульцы забілі спачатку адзін мяч гасцям, а праз пяць хвілін другі. У выніку сустрэчу клімавіцкія футбалісты без асаблівых цяжкасцяў давялі да сваёй лагічнай перамогі 3-0. 

Яшчэ больш напружаны матч адбыўся ў Краснаполлі паміж мясцовым футбольным клубам і гасцямі з Касцюковічаў. Першая палова сустрэчы глядзелася адносна роўна, хоць на нейкі кароткі адрэзак часу краснапольскія футбалісты перахапілі ініцыятыву і забілі прыгожы гол у вугал брамы супернікаў. 

Аднак пасля гульня зноўку выраўнялася, а касцюковіцкія форварды нават мелі пару небяспечных момантаў у штрафной гаспадароў. Другі тайм распачаўся з хуткага гола краснапольцаў, на які праз дзесяць хвілін адказалі дакладным ударам са штрафнога госці. 

Сустрэча пачала несці вязкі характар, з барацьбой у цэнтры поля і пазіцыйнымі атакамі. Шмат хто з заўзятараў падумаў, што гульня з такім лікам і скончыцца, але напрыканцы перыяду краснапольцы зноўку завалодалі ініцыятывай, пачалі навальвацца на штрафную суперніка і як вынік змаглі забіць трэцці гол – філігранна прабіў кранапольскі форвард. Такім чынам, сустрэча скончылася з лікам 3-1 на карысць гаспадароў. 

Адзіны матч дзе прайгралі гаспадары – гэта сустрэча паміж футбольным клубам з Быхава і бабруйскім “Тарпеда”. Бабруйскія футбалісты з’яўляюцца аднымі з лідараў турнірнай табліцы зоны “Захад” і сваё лідарства яны дэманстравалі на полі на працягу усёй гульні. 

Першы тайм заўзятарам прынёс тры мяча ў выніку добра арганізаваных атак “тарпедаўцаў”. Але бабруйскія футбалісты маглі забіць і яшчэ, бо выглядалі нашмат мацнейшымі за гаспадароў. 

У другім тайме быхаўскія гульцы паспрабавалі адказаць хуткім мячом, зладзіўшы некалькі небяспечных вылазак у штрафную суперніка. Але забіць быхаўцам не атрымалася. А вось госці працягвалі свой моцны футбол і без праблем змаглі яшчэ двойчы адзначыцца, давёўшы лік матча да 0-5 на сваю карысць. 

Апошнія дзесяць хвілін “тарпедаўцы” не асабліва стараліся востра гуляць, цалкам кантралюючы матч і гульню. У выніку адбылася чарговая буйная хатняя параза быхаўскіх аўтсайдэраў.

Бадай самым напружаным матчам сталася сустрэча круглянскай “Зары” і глускага “Пціча”. Першы тайм хоць і быў пад кантролем гаспадароў, якія стваралі нямала атак каля брамы суперніка, аднак па-сапраўднаму вострых момантаў было мала. 

Глускія футбалісты атак арганізавалі няшмат, пагэтаму шансаў забіць гаспадарам амаль не было. Такім чынам, першая палова матча прайшла сумнавата, пераважна з упартай барацьбой у цэнтры поля.  

Другі тайм быў не менш вязкім. На дзіва, глускія футбалісты не толькі паспяхова ліквідавалі атакі суперніка, але маглі часам заняцца уласнымі атакамі, хоць і дастаткова бяззубымі. 

У апошнія дваццаць хвілін матча круглянскія футбалісты змаглі перахапіць ініцыятыву і навязаць гасцям свой малюнак гульні. Як вынік – адзіны забіты мяч у сустрэчы, што заляцеў у браму глускай каманды на 77-й хвіліне матча. Пасля поспеху круглянскія футбалісты маглі забіць яшчэ, але абаронцы “Пцічы” змаглі адбіцца ад атак суперніка. Сустрэча скончылася з мінімальнай перавагай гаспадароў з лікам 1-0.  

Нечаканы вынік адбыўся ў сустрэчы паміж шклоўскім “Спартаком” і бялыніцкай “Друццю”. Чакалася вельмі напружаная сустрэча з непрадказальным вынікам. 

У першым тайме абедзьва каманды глядзеліся зматываванымі на перамогу і актыўна атакавалі браму суперніка. Гульня радавала багатым наборам небяспечных момантаў, актыўнымі і зладжанымі дзеяннямі камандаў. Але свой небяспечны момант змаглі рэалізаваць толькі шклоўскія футбалісты, адкрыўшы лік на 33-й хвіліне. 

Другі тайм прынёс хуткі адказ гасцей, якія змаглі прыгожым моцным голам свайго форварда зраўняць лік. Пэўны час гульня ішла роўная, пакуль гаспадары на 65-й хвіліне не арганізавалі хуткую вылазку да брамы суперніка, што завяршылася дакладным ударам шклоўскага футбаліста. 

Гэта сталася ключавым момантам, калі бялыніцкія футбалісты зламіліся і не змаглі сабрацца, прайграўшы сустрэчу з лікам 3-1 роўнаму па сіле суперніку.

Фота gorkiv.by, bobr.by і з адкрытых крыніц.

Дактароў няма на месцы, медкамісію праходзяць тыднямі – што з медыцынай у Крычаве

Навіна ад

На працягу чатырох месяцаў у Крычаўскім раёне ідзе маніторынг медыцынскай сферы. Ён паказаў розныя праблемы: адсутнасць лекараў на працоўных месцах, недастатковы кантроль над працоўным часам спецыялістаў з боку адміністрацыі медыцынскай установы, дагэтуль маюць месца хамства і абыякавасць.

Члены маніторынгавай групы ў Крычаве зафіксавалі шэраг сур’ёзных надахопаў у працы ўстановы аховы здароўя, а менавіта – адсутнасць адразу некалькіх урачоў на сваіх рабочых месцах у працоўны дзень, графік работы дактароў установы не адпавядаў таму графіку, што адміністрацыя бальніцы прадаставіла райвыканкаму. Таксама адзначана была сітуацыя, калі на адным з кабінетаў вісіць аб’ява, што трэба звяртацца ў іншы кабінет, а на дзвярах таго самага другога кабінета таксама аб’ява – “Доктар у адпачынку”.   

Кіраўнік Крычаўскага раёна Андрэй Седукоў на спецыяльным пасяджэнні прызнаў – кідаеццца ў вочы поўная і сістэмная неарганізаванасць рэгістратуры, а таксама складанасць праходжання медыцынскіх камісій. Па яго словах, медыцынскую камісію не назавеш іначай як хаджэнне па пакутах, бо людзі ходзяць тыднямі, па некалькі гадзін стаяць у чэргах і не могуць дачакацца прыёму. 

Седукоў адзначыў, што рэгістратура не працуе сістэматычна. Больш за тое, ёсць факты, калі людзей не абслугоўваюць, пацыенты знаходзяцца ў чарзе гадзінамі, а таксама не могуць датэлефанавацца на стацыянарны тэлефон бальніцы. У сваю чаргу пракурор і кіраўнік дэпартамента фінансавых расследаванняў адзначылі, што адсутнасць дактароў на працоўным месцы можна кваліфікаваць як раскраданне дзяржаўных бюджэтных сродкаў – паведамляе раённая газета “Крычаўкае жыццё”. 

Разынкай на торце паседжання сталіся пагрозы Седукова звольніць кіраўніка адміністрацыі бальніцы Аляксандра Плятнёва, калі той не разбярэцца з праблемамі, каб палепшыць якасць медыцынскіх паслуг жыхарам Крычаўскага раёна. 

Ад рэдакцыі. Шмат якія заявы правільныя, але праблемы паднятыя існуюць ўжо не першы год. Прамовы з высокіх трыбунаў пахнуць звычайным папулізмам, бо шмат якія праблемныя моманты, якія хвалююць людзей, у папярэнія месяцы і гады не вырашаліся. Затое лёгка звальнялі медсясцёр і дактароў па палітычных матывах. 

Фота ілюстрацыйнае

Барацьба аўтсайдэраў, нічыі і перамога лідараў – вынікі дзевятага тура Магілёўскай вобласці па футболе

Навіна ад

Чарговы тур другой лігі Магілёўскай вобласці па футболе прынёс шэраг цікавых, а часам і нечаканых вынікаў. Шэраг матчаў адбыліся з мінімальнымі нічыйнымі вынікамі, разгромных перамог няшмат, а слабыя каманды далі бой мацнейшым.

Агляд пачнем з прадказальных вынікаў матчаў у зоне “Усход”. Клімавіцкія футбалісты дома без асаблівых праблем выйгралі гасцей з Дрыбіну. Першы тайм быў цалкам пад дыктоўку гаспадароў, якія змаглі забіць адразу тры мячы і стварыць шэраг небяспечных момантаў ля брамы суперніка. Атакі клімавіцках форвардаў былі эфектнымі і прыгожымі, што радавала вока мясцовых заўзятараў. Здавалася, што адбудўецца разгромная перамогай над гасцямі. 

Але ў другім тайме дрыбінскія футбалісты супраціўляліся гаспадарам, часта контратакуючы, напрыканцы сустрэчы нават заробілі пенальці. 11- метровы дрыбінскі гулец рэалізаваць не змог, але яго калега падаспеў на дабіванні. Вынік матча крыху здзівіў – 3-1 на карысць гаспадароў, тым больш што пасля забітага мяча госці маглі забіць яшчэ раз. 

Горацкая каманда, якая з’яўляецца адной з лідараў усходняй зоны, дома прымала чавускую “Ніву”. На восьмай хвіліне першага тайма адбыўся хуткі гол гаспадароў, якім яны збянтэжылі гасцей з Чавусаў. З гэтага моманту горацкія футбалісты цалкам завалодалі перавагай у гульні і моцна наваліліся на браму суперніка. 

Футбалісты “Нівы” спрабавалі адказваць атакамі і небяспечна гуляць, але напрыканцы перыяда прапусцілі яшчэ раз ад горацкіх гульцоў. А вось другі тайм атрымаўся больш напружаным для гаспадароў, бо госці годна змагаліся і мелі свае небяспечныя моманты, якія маглі рэалізаваць. Але ж і другі тайм скончыўся з лікам 1-0 на карысць горацкіх футбалістаў, бо гаспадары за дзесяць хвілін да канца матча змаглі забіць у выніку хуткай атакі. У выніку 3-0 на карысць горацкай каманды, якая ўпэўнена займае другі радок турнірнай табліцы.

Упартай сустрэчай атрымаўся матч паміж касцюковіцкімі і слаўгарадскімі футбалістамі. На працягу ўсей сустрэчы градус накалу не спадаў, а супернікі былі вартыя адзін аднога. Першы тайм быў роўны па гульні, панавала барацьба ў цэнтры поля, небяспечных атак было няшмат. 

Другі тайм быў не менш напружаным, хоць атак стала куды больш, але доўгі час абедзьве каманды не маглі рэалізаваць галявыя моманты. Урэшце на 81-й хвіліне слаўгарадскія гульцы змаглі арганізаваць прыгожую атаку, якая завяршылася голам. 

Але праз тры хвіліны гаспадары правялі сваю атаку, якая таксама скончылася голам. Праўда, гэта быў аўтагол, бо гулец гасцей перакрываючы небяспечную атаку, зрэзаў мяч у браму сваёй каманды. Канцоўка сустрэчы парадавала заўзятараў моцным накалам, але вынік матча заканамерны 1-1, бо ў цэлым абедзве каманды глядзеліся роўна.

Не зусім чакана атрымалася лёгкая перамога краснапольскіх футбалістаў над гульцамі крычаўскага “Сожа”. Хоць сустрэча пачалася з хуткага гола гасцей на дзявятай хвіліне. Гаспадары праз некалькі хвілін арганізавалі небяспечную атаку ў выніку якой крычаўскі футбаліст зрэзаў мяч ў браму сваёй каманды. Аднак пасля краснапольцы завалодалі ініцыятывай у гульні і пачалі навязваць свой малюнак гасцям, без праблем разрываючы на кавалкі абарону крычаўскай каманды. 

Гаспадары ў першым тайме змаглі забіць яшчэ двойчы, адзін з мячоў быў са штрафнога. У другім тайме краснапольцы крыху расслабіліся, дазволіўшы гасцям часта контратакаваць. Але небяспечныя выпады футбалісты “Сожа” так і не змаглі рэалізаваць. А вось гаспадары напрыканцы матча паднапружыліся і забілі яшчэ адзін гол ў браму гасцей, паставіўшы фінальную кропку у матчы – 4-1.

Матч паміж лідарам турнір табліцы “Усход” Серваклюкс Агра і аўтсайдэрам мсціслаўскай “Віхрой” быў прадказальны. Матч хоць і скончыўся буйной перамогай гаспадароў 6-2, аднак чакалася разгромная параза гасцей, якой не адбылося. Першы і другі тайм скончыліся з лікам 3-1 і ў абодвух перыядах панавалі гаспадары, хоць мсціслаўскія футбалісты часам таксама небяспечна атакавалі. 

Футбалісты “Серваклюкс Агра” паказвалі моцную гульню, з наладжанай атакай і абаронай, прыгожымі розыграшамі стандартаў, але і госці таксама супраціўляліся. Мсціслаўцы ў гэтым матчы паказалі сябе годна і даказалі, што могуць пазмагацца з мацнейшым за сябе супернікам, хоць па ліку гэта не зусім адлюстроўваецца.

Напружаны матч атрымаўся паміж лідарамі турнірнай табліцы зоны “Захад” – магілёўскім “Дняпром Юні” і бабруйскім “Тарпеда”. Абедзьве каманды ў матчы гулялі моцна, паказалі добры дрыблінг, але на працягу ўсёй сустрэчы футбалісты змагаліся на роўных. У першым тайме гаспадары адкрылі лік забітых мячоў, завяршыўшы контратаку эфектнымі ударам у вугал брамы. Гэта адбылася на 42-й хвіліне і гасцям было непрыемна атрымаць гол “у раздзявальню”. 

Але ў другой палове матча бабруйскія футбалісты выраўнялі лік на табло, забіўшы ў сярэдзіне тайма. Мачт спадабаўся нешматлікім гледачам сваім накалам і ўзаемна вострай гульнёй, якая пераходзіла ад брамы гасцей да брамы гаспадароў.

Гульня паміж быхаўскай камандай і гасцямі з Глуску таксама парадавала добрым футболам з шматлікімі небяспечнымі момантамі. У першай палове матча гульня была з невялікай перавагай футбалістаў глускай “Пцічы”, якія гэту перавагу змаглі рэалізаваць у першы гол у сустрэчы. Быхаўскія гульцы гулялі не моцна, але часам адказвалі атакамі, хоць і не надта вострымі.

Другі тайм распачаўся спачатку з гола гасцей, а пасля адказу гаспадароў на табло з’явілася 1-2 на карысць “Пцічы”. Гаспадары стараліся зраўняць лік, але ў выніку прапусцілі небяспечную атаку і атрымалі пенальці ў сваю браму. Глускі футбаліст не змог яго рэалізаваць, бо добра згуляў быхаўскі брамнік, але на дабіванне паспеў форвард гасцей і павялічыў лік да 1-3. Пасля гола глускія футбалісты ўмела абараняліся і не дапускалі асабліва небяспечных момантаў у сваёй штрафной і давялі гульню да ўпэўненай перамогі.

На дзіва напружаным матчам сталася сустрэча шклоўскіх футбалістаў і гасцей з Кіраўска. Першы тайм атрымаўся сумнаватым, з малай колькасцю галявых момантаў і вастрыні, хоць гаспадары ўсё ж змаглі на 30-й хвіліне адкрыць лік у сустрэчы. 

А вось другая палова матча была насычана кучай небяспечных момантаў, разанстайных па форме і рэалізацыі атак, стандартных палажэнняў і галоў. Спачатку госці зраўнялі лік у матчы на 55-й хвіліне, але ж гаспадары забілі праз тры хвіліны ў адказ. Прайшло яшчэ тры хвіліны і госці зноўку зраўнялі лік на табло – 2-2. 

Але ж прайшло ўсяго шэсць хвілін як гульцы шклоўскага “Спартака” арганізавалі хуткі і прыгожа арганізаваны выхад да брамы суперніка, які завяршыўся дакладным ударам і голам. Госці спрабавалі штурмаваць браму суперніка, але няўдала. Хоць “спаркакоўцы” мелі таксама некалькі момантаў, але забіць больш не змаглі. У выніку атрымалася перамога шклоўскага “Спартака” над кіраўскім футбольным клубам з мінімальным лікам 3-2.

Фота rodniva.by, gorkiv.by, golk.by і з адкрытых крыніц.

Віктар Лукашэнка расказаў пра свае спартыўныя дасягненні

Навіна ад

Старэйшы сын Аляксандра Лукашэнкі, прэзідэнт Нацыянальнага Алімпійскага камітэта Беларусі Віктар Лукашэнка наведаў у Шклове Спартыўную дзіцяча-юнацкую школу алімпійскага рэзерва – піша інфармацыйнае агенцтва БелТА. Падчас размовы з трэнерамі і навучэнцамі СДЮШАР ён расказаў пра свае спартыўныя дасягненні. З паведамлення БелТА вынікае, што ў Віктара Лукашэнкі быў як мінімум адзін сярэбраны медаль, аднак застаецца няясным, на спаборнцтвах якога ўзроўню ён быў атрыманы. Вось як пра гэта гаворыцца ў тэксце.

“Дарэчы, свой першы сярэбраны медаль Віктар Лукашэнка заваяваў менавіта ў зале барацьбы гэтай СДЮШАР. Паводле яго слоў, у раённым цэнтры варыянтаў у выбары віду спорту для заняткаў было няшмат. Вольнай барацьбе ён аддаў перавагу футболу і лёгкай атлетыцы. Гаворыць, у дзяцінстве быў моцным хлопцам, і калі іх школьны клас прывялі ў СДЮШАР для адбору, трэнер адразу вызначыў яго ў ліку перспектыўных хлопцаў для барацьбы. Трэніроўкі праходзілі па-рознаму – як любому дзіцяці, у нечым даводзілася з сабой змагацца. Напрыклад, больш за ўсё ён не любіў адпрацоўваць прыёмы і заняткі на турніку. Маральна гэта давалася складана.”

Фота: БелТА

Дваццаць чатыры галы ў двух матчах – вынікі восьмага тура Магілёўшчыны па футболе

Навіна ад

Шэраг цікавых матчаў адбыліся ў зоне “Усход”. Тур скончыўся разгромам аўтсайдэраў, а таксама некалькімі ўпарнымі і відовішчнымі матчамі.

Нечаканым вынікам з’явілася лёгкая перамога клімавіцкіх футбалістаў над гаспадарамі з крычаўскага “Сожа”. Гаспадары нядоўга гулялі на роўных з гасцямі і ўжо ў сярэдзіне першага тайма клімавіцкія футбалісты вялі ў ліку 1:2. Адзначым, што ўвесь першы адрэзак матчу пакінуў добрыя ўражанні футбольным заўзятараў, якіх было дзве сотні на крычаўскім стадыёне. 

Аднак, у другім тайме госці цалкам захапілі ініцыятыву і не далі ніводнага шансу гаспадарам пераламіць хаду матча. Вынікам гэтага сталася маса нябеспечных атак, якія скончыліся двума галамі гасцей, што выйгралі з агульным лікам 1:4. 

Слаўгарадскія футбалісты таксама не зусім чакана слаба згулялі з гасцямі з Краснаполля. Хоць гаспадары стараліся супраціўляцца і перыядычна арганізоўвалі небяспечныя вылазкі ў штрафную краснапольцаў, аднак першы тайм цалкам застаўся за гасцямі, якія змаглі арганізаваць шэраг галявых момантаў, двойчы забіўшы. 

У другім тайме гульня гаспадароў мацнейшай не стала, хоць пару стандартных палажэнняў прапойскіх футбалістаў былі вельмі небяспечнымі. Але ж напрыканцы гульні госці паднапружыліся і забілі яшчэ адзін мяч, цалкам пахаваўшы надзеі ггаспадароў на годны лік. У выніку сустрэча, што прайшла пад дыктоўку гасцей і завяршылася з лікам 0:3.

Значна больш упартым атрымаўся матч паміж футбалістамі мсціслаўскай “Віхры” і гасцямі з Касцюковічаў. Гаспадары ў першым тайме глядзеліся годна і гулялі на роўных з больш моцнымі гасцямі. У нейкі момант гаспадары нават ледзь не выйшлі наперад, аднак першы тайм скончыўся з роўным лікам 1-1. 

Пасля перапынку госці значна прыбавілі ў гульні і распачалі з першых хвілін другога тайму асаду брамы гаспадароў. Нечаканая змена ў гульні прымусілі мсціслаўскіх футбалістаў перайсці да рэдкіх контратак, якія не прынеслі поспеху. А вось касцюкоўцы сапраўды моцна згулялі другую палову матча, забіўшы два мячы і ўпэўнена давёўшы гульню да ўпэненай перамогі — 1:3.

Найбольш упартым матчам тура сталася сустрэча чавускай “Нівы” і лідара турнірнай табліы зоны Усход “Сервалюкса-Агра” з Мяжысетак. Гульня была практычна роўнай і гаспадары годна глядзеліся ў сустрэчы з моцным фаварытам. Першы тайм прайшоў ў вязкай барацьбе ў цэнтры поля і нешматлікіх, але вострых атаках абедзьвух каманд. 

У другім тайме ўсё ж вышэйшы ўзровень футбалістаў “Сервалюкса” паўплываў на малюнак гульні і яны на кароткі час перахапілі ініцыятыву, забіўшы адзіны мяч у матчы. Тым не менш, чавускія футбалісты імкнуліся зраўняць лік і шанцы на гэта ў іх былі, аднак досыць граматна дзейнічалі абаронцы каманды супернікаў, не дапусціўшы гола ў браму сваёй каманды. У выніку адбылася цяжкая перамога гасцей 0:1.  

Але найбольш разгромным атрымаўся матч паміж дрыбінскімі і горацкімі футбалістамі. Горацкія гульцы з’яўляліся нашмат больш моцнымі на працягу двух перыядаў. Прычым ужо у першыя дваццаць хвілін гульні галы паляцелі ў браму дрыбінскай каманды па прынцыпе – з рогу ўсяго многа. 

Першы тайм прынёс ажно сем галоў і паказаў усю няроўнасць супернікаў. У другім тайме “футбольных карлікаў” з Дрыбіна працягвалі знішчаць горацкія гульцы, якія сыпалі мячы ў браму супернікаў адзін за адным, забіўшы за другі тайм яшчэ шэсць галоў. У выніку рэкордны лік усяго тура 0:13. 

Сенсацыі не здарылася і ў матчы паміж бабруйскімі “тарпедаўцамі” і шклоўскімі “спартакоўцамі”.  Гаспадары ў гэтым сезоне выглядаюць больш моцнымі. Тым не менш, разгромнага ліку 6:1 ніхто не чакаў, а думалася, што будзе ўпартая барацьба. 

Першы тайм, які скончыўся з лікам 3:1 даваў шансы на хоць нейкі прыстойны вынік матча, але другая палова сталася проста жудаснай для гасцей. Яны саступілі па ўсіх паказчыках, прапусціўшы яшчэ тры мячы і прайграўшы з лікам 6:1. Прычым іх атакі глядзеліся зусім бяззуба на фоне вострых і скаардынаваных нападаў на браму суперніка гаспадароў.    

Не адбылося нечаканасцяў і ў матчы глускай “Пцічы” з магілёўскім “Дняпром Юні”. Магілёўцы без сумневу лічыліся фаварытамі сустрэчы, што і даказалі на полі. Усе два таймы яны не пакідалі суперніку шанса для таго каб забіць хоць адзін мяч, пры гэтым у саміх было шмат разнастайных момантаў. Толькі невялікі адрэзак гульльні ў пятнаццаць хвілін гаспадары паспрабавалі напіцснуць на гасцей, але іх атакі праваліліся, а яны ў адказ прапусцілі два мячы на прыгожых контратаках. У выніку сустрэча скончылася з непрыстойным 0:5 на карысць гасцей. 

Матч паміж кіраўскімі футбалістамі і гасцямі з бялыніцкай “Друці” адбываўся не ў самых спрыяльных прыродных умовах, бо ўсю гульню ліў дождж. Аднак гэта не перашкодзіла гасцям паказаць шыкоўны футбол, раскатаўшы супернікаў нібыта падлеткаў. 

Першы тайм выглядаў на маральнае збіццё і прыніжэнне гаспадароў – былі забіты шэсць галоў у браму кіраўскай каманды. А вось у другім тайме госці крыху расслабіліся і забілі ўсяго пяць мячоў у браму суперніка, а гаспадарам дазволілі забіць гол прыстыжу. У выніку матч скончыўся з самым буйным лікам зоны “Захад” 1:11. 

Фота: glusk.by, gorkiv.by, mstlife.by, chausynews.by, bobr.by, zara.by.

Скандал у магілёўскім “Дняпры” – варатар “забухаў” і “паслаў каманду на тры літары”

Навіна ад

Памочнік галоўнага трэнера магілёўскага футбольнага клуба “Днепр” Сяргей Кузьмініч распавёў рэсурсу football.by балючую гісторыю здрады асноўнага варатара каманды Уладзіміра Журава.

На наступны дзень пасля вяселля аднаго з гульцоў каманды, Красіміра Капава, Жураў перастаў паяўляцця на трэніроўках і не з’явіўся на вырашальную гульню Першай лігі Чэмпіяната Беларусі з віцебскім “Макслайнам””.

– Жураў, груба кажучы, забухаў. – расказаў трэнер Сяргей Кузьмініч – І мне хочацца, каб ён панёс за гэтае пакаранне. У нас меўся быць матч з “Макслайнам” на выездзе, а ён перастаў з’яўляцца на трэніроўках. Прапусціў з-за гэтага два запар дні трэніровак – пятніцу і суботу, уключаючы і перадгульнявы занятак, напярэдадні нашай нядзельнай сустрэчы. Натуральна, і на саму гульню ён таксама не паехаў.

Каманда вымушана была разлічваць на маладых галкіпераў, якія не выратавалі – “Днепр” прайграў 5:2, хоць у пачатку сустрэчы вёў з лікам 0:2. Але не толькі паражэнне ставяць у віну Уладзіміру Жураву, але яшчэ і чалавечыя адносіны.

– Скажу больш. – працягвае Кузьмініч – Усе ж ведаюць, што на “Днепр” накладзена забарона на трансферы, якая заканчваецца 9 ліпеня. І вось зімой Жураў хацеў паляпшэння асабістых умоў кантракта. А нам з-за гэтай забароны дзявацца асабліва не было куды. І вось [галоўны трэнер] Герашчанка гатовы быў даплочваць Жураву гэтую частку са сваіх грошай – з уласнай кішэні. Быццам бы да гэтага не дайшло, але сам факт. А тут такая здрада – і самога футбола, і ўсіх нас…

Журава ў дзень выяздной гульні знайшлі прадстаўнікі каманды.

– Нам сказалі, што адбываецца. А потым наш трэнерскі штаб прыехаў туды, дзе знаходзіўся Жураў, і ўбачылі ўсё гэта самі. Ён проста спаў п’яны за сталом. Што за ўстанова? Нейкае гарадское, летняга тыпу. Потым начальнік каманды спытаў у Журава, ці не хоча ён папрасіць прабачэння. А той хлопцаў, груба кажучы, на тры літары паслаў. Што зараз з ім будзе? Не ведаю. Будзе каля магазіна стаяць.

Уладзімір Жураў ужо адлічаны з каманды “Днепр”.

Фота: fc-dnepr.by

Разгром і ўпартая барацьба – прайшоў тур чэмпіяната Магілёўскай вобласці па футболе

Навіна ад

Вось агляд сёмага тура Магілёўскай вобласці па футболе, які быў насычаны галамі, перамогамі з буйным лікам, разгромамі гасцей і гаспадароў, а таксама ўпартай барацьбой з нічыйным вынікам.

У зоне “Усход” у сёмым туры чэмпіяната Магілёўская вобласці па футболе хапала забітых мячоў і ўпартай барацьбы. Напружанай сустрэчай аказалася гульня паміж касцюковіцкімі і чавускімі футбалістамі. 

Гаспадары с першых хвілін узялі ініцыятыву, але госці небяспечна і рэзка контратакавалі. Панавала вязкая барацьба ў цэнтры поля, а вось галявых момантаў было не так шмат. Адзін з іх змаглі рэалізаваць касцюковіцкія футбалісты. 

Гульцы “Нівы” спрабавалі зраўняць лік, але абаронцы гаспадараў дзейнічалі паспяхова, нейтралізуючы атакі суперніка. У выніку ўпарты матч скончыўся мінімільнай перамогай гаспадароў з лікам 1-0. 

Адзін з самых відовішчных матчаў тура адбыўся ў Слаўгарадзе, дзе мясцовыя футбалісты прымалі на хатнім стадыёне гульцоў крычаўскага “Сожа”. Нягледзячы на дажджлівае надвар’е сустрэча была насычана рознымі галявымі момантамі, стандартнымі палажэннямі і небяспечнымі ўдарамі. 

У першым тайме каманды глядзеліся роўна, востра атакуючы брамы адзін аднога. Заканамерна, што першая палова гульні скончылася з лікам 1-1. Нічога не змянілася фактычна і ў другім тайме, калі слаўгарадскія і крычаўскія футбалісты гулялі відовішчна, востра, але ніхто не мог перахапіць ініцыятыву. 

У другім тайме кожная з каманд змагла забіць яшчэ па аднаму галу і ў выніку напружаная, але роўная гульня каманд, скончылася з лікам 2-2.

Абсалютна іначай складвалася сустрэча у Горках паміж мясцовымі футбалістамі і клімавіцкімі гульцамі. Абедзьве каманды знаходзяцца ў лідарах, аднак гэта не паўплывала на хаду матча. Барацьбы не атрымалася, бо гаспадары былі на дзве галавы вышэй па ўзроўню гульні за сваіх супернікаў. 

Ужо першы тайм раставіў ўсё кропкі над “і” і паказаў, што госці глядзяцца слаба. Першы тайм скончыўся з лікам 3-0 на карысць гаспадароў. Нягледзячы на гэта ў другім тайме горацкія гульцы прыбавілі і выглядалі яшчэ мацнейшымі, забіўшы чатыры мячы, на якія госці не змаглі адказаць. 

Яшчэ адзін лідар турнірнай табліцы зоны “Усход”, клуб “Сервалюкс Агра” без праблем дома абыграў дрыбінскіх. У першым тайме гаспадары хоць і валодалі ініцыятывай, аднак госці часам адказвалі небяспечнымі контратакамі. 

Тым не менш, першы тайм прайшоў пад поўным кантролем гаспадароў і скончыўся з лікам 3-1. У другім тайме гаспадары ўзяліся за перамогу яшчэ больш апантана, забіўшы з розных стандартных палажэнняў і прыгожых атак чатыры мячы. Госці у сваю чаргу змаглі адказаць толькі адным забітым голам, што хоць крыху апраўдвала іх буйную паразу моцнаму суперніку.

Самы буйны лік тура быў зафіксаваны ў Краснаполлі, дзе мясцовыя футбалісты разарвалі на часткі гасцей з Мсціслава. 

Ужо ў першым тайме гаспадары накінуліся на браму суперніка і літаральна знішчалі абарону гасцей. У выніку былі забітыя пяць мячоў, а мсціслаўскія футбалісты, у сваю чаргу, не маглі адказаць хаця б нават адным галявым момантам.

У другім тайме госці гулялі яшчэ горш, бо іх абарона проста развалілася на вачах, а краснапольцы забівалі адзін мяч за другім. У выінку сустрэча завяршылася з лікам 12-1 на карысць гаспадароў. 

У зоне “Захад” самым напружаным матчам атрымалася сустрэча паміж бялыніцкай “Друццю” і Бабруйскім “Тарпеда”. Госці лічыліся фаварытам, аднак гаспадары ім далі сапраўдны бой. 

Першы тайм бабруйскія гульцы глядзеліся мацней, аднак госці рэзка і часам нечакана для суперніка хутка рзварочвалі свае атакі. У другім тайме гаспадары змаглі паставіць гасцей на месца, наваліўшыся на браму “тарпедаўцаў”. 

Праўда госці таксама не здаліся і востра агрызаліся. Тактыка абодвух каманд прынесла вынік у выглядзе забітых мячоў. Сустрэча  скончылася баявой нічыёй 1-1.

Не атрымалася асаблівай барацьбы паміж шклоўскім “Спартаком” і глускай “Пціччу”. Гаспадары адназначна былі мацнейшымі на працягу ўсёй гульні, захапілі ініцыятыву ў першыя пятнаццаць хвілін першага тайма і не адпускалі да канца матча. 

Глускія футбалісты спрабавалі адказваць небяспечнымі выпадкамі на браму суперніка, але ніводны з іх не стаў паспяховым. А вось гульцы “Спартака” наадварот не проста сыпалі градам свае атакі ў штрафную суперніка, а забілі чатыры галы. Лік сустрэча адпавядае перавазе на полі гаспадароў – 4-0.

Самым буйным лікам у зоне “Захад” стаўся разгром футбалістамі круглянскай “Зары” быхаўскіх гульцоў. Гаспадары з’яўляюцца адназначнымі аўтсайдэрамі і знаходзяцца на апошнім месцы ў турнірнай табліцы. 

Слабасць быхаўскай каманды была відавочнай, іх гульня зусім не клеілася, небяспечных момантаў каля брамы суперніка было мала, а абаронцы не спраўляліся са сваімі задачамі. Футбалісты “Зары” наадварот, дзейнічалі сканцэнтравана і мэтанакіравана, а іх атакі праходзілі як нож скрозь масла. Вынік матча цалкам заканамерны – 0-6 на карысць гасцей.

Фота: golk.by, slavgorod.by, gorkiv.by

У Бабруйску прайшоў жаночы забег, дрэс-код ружовы – фота

Навіна ад

На гэтым тыдні ў Бабруйску студэнткі будаўнічага коледжа правялі першы ў горадзе жаночы забег. Абавязковым атрыбутам у ім быў ружовы колер вопраткі – паведамляецца на сайце коледжа.

Фота: “Бабруйскае жыццё”

Гаспадароў раскаталі на сухую – як прайшоў шосты тур чэмпіяната Магілёўскай вобласці па футболе

Навіна ад

Ва ўсіх матчах, што адбыліся ў зоне “Усход” Магілёўскай вобласці гаспадары прайгралі, не забіўшы ніводнага мяча, а ў зоне “Захад” адбыліся матчы з самымі буйнымі вынікамі 6-га тура.  

Найбольш упартым матчам усходняй зоны турніра сталася сустрэча паміж чавускай “Нівай” і футбольным клубам “Краснаполле”. 

У першым тайме гаспадары супраціўляліся гасцям, ніяк не жадаючы аддаваць ініцыятыву ў матчы. Аднак, усё ж краснапольскія футбалісты аказаліся мацнейшымі і не толькі змаглі навязаць свой малюнак матча, але і рэалізаваць галявыя моманты. У сваю чаргу чавускія футбалісты таксама мелі пару небяспечных момантаў каля брамы суперніка, але ж не змаглі іх завяршыць голам. У выніку мацнейшыя госці перамаглі чавускіх футбалістаў на чужым полі 0-2.

Усе астанія матчы ў зоне “Усход” былі пад поўным кантролем гасцей. Сустрэча паміж лідарамі турнірнай табліцы футбольнымі клубамі “Клімавічы” і “Сервалюкс Агра” скончылася перамогай апошняга. 

Яна была насычаная небяспечнымі момантамі і стандартамі. Клімавіцкія футбалісты спрабавалі агрызацца і контратакаваць, але ж госці выглядалі мацнейшымі на працягу ўсёй гульні, пагэтаму заканамерна перамаглі з лікам 0-3.

Яшчэ больш драматычная сустрэча была паміж мсціслаўскай “Віхрой” і гасцямі са Слаўгарада. Матч быў дастаткова відовішчным і цікавым. 

Мсціслаўскія футбалісты пераважна валодалі мячом і стварылі некалькі небяспечных момантаў каля брамы суперніка. Аднак удача была на баку слаўгарадскіх гульцоў. Яны адкрылі лік, паспяхова рэалізаваўшы пенальці. А потым тройчы ўмацавалі поспех, выдатна згуляўшы на контратаках. 

Хатняя гульня не прынесла чаканага выніку для мсціслаўскіх заўзятараў і завяршылася з лікам 0:4 на карысць гасцей. Футбольны клуб “Віхра” па-ранейшаму з трыма баламі замыкае турнірную табліцу.

Зусім бясвольна праявілі сябе каманда з Дрыбіна. Дрыбінскія футбалісты на хатнім стадыёне глядзеліся зусім слаба ў параўнанні з касцюковіцкімі гульцамі, якія танкам прайшліся па сваіх суперніках, забіўшы пяць галоў, што засталіся без адказу. 

Футбалісты крычаўскага “Сожа” дома з буйным лікам 0-6 саступілі горацкім гульцам, але матч для гаспадароў стаўся драматычным з-за чырвонай карткі. 

З першых хвілін матчу, як і належыць намінальнаму фаварыту сустрэчы, футбалісты “Горак” прыняліся абложваць вароты гаспадароў. Аднак брамнік “Сожа” па-майстэрску адбіваў небяспечныя выпады гасцей. Праўда, у самым канцы першага тайма горацкія футбалісты змаглі забіць гасападарам. Аднак аказалася, што гэта яшчэ не ўсё. 

На апошняй хвіліне першага тайма за знос горацкага форварда ў штрафной плошчы брамы гаспадароў арбітр сустрэчы прызначыў адзінаццаціметровы штрафны ўдар, які быў дакладна рэалізаваны. Акрамя таго, за фол крычаўскі абаронца атрымаў чырвоную картку і быў выдалены з поля. 

У другім тайме горацкія футбалісты поўнасцю дамінавала на полі і забілі яшчэ чатыры галы ў вароты гаспадароў.

Аднак яшчэ з большым лікам скончыліся дзве сустрэчы ў зоне “Захад”. Глускія футбалісты на дамашнім стадыёне былі разгромлены гасцямі з бялыніцкай “Друці”. Гаспадары хоць і змаглі забіць адзін гол, аднак на працягу гульні не маглі нічога супрацьпаставіць гасцям, якія абрушвалі шквалы атак і небяспечных момантаў на працягу ўсёй гульні і заканамерна выйгралі 1-7. 

А вось бабруйскае “Тарпеда” дома яшчэ з большым лікам выйграла гасцей з Кіраўска. Сваёй гульнёй тарпедаўцы паказвалі, што яны – адна з наймацнейшых каманд зоны “Захад”, размазаўшы супернікаў без адзінага шанцу захаваць прыстойны лік гульні. Бабруйскія заўзятары былі ў захапленні ад гульні каманды, якая была на тры галавы мацнейшая за суперніка і выйграла з лікам 8-1. 

Самай упартай сустрэчай шостага туру другой лігі чэмпіянату Беларусі па футболе Магілёўскага рэгіёна аказаўся матч паміж круглянскай Зарой, якая дома прымала “Дняпро-Юні”. 

Гаспадары ўпэўнена пачалі гульню і ўжо на 13-й хвіліне змаглі забіць гол. У далейшым яны таксама валодалі ініцыятывай, аднак першы тайм скончыўся з мінімальнай перавагай гаспадароў. У другім тайме юніоры “Дняпра” змаглі пераламіць хаду матча, навязаўшы свой малюнак гульні круглянскім футбалістам. Спачатку на 49-й хвіліне магілёўскія гульцы зраўнялі лік, а пасля працягвалі навальвацца на браму суперніка. Футбалісты “Зары” контратакавалі і часам дастаткова паспяхова. Аднак на 81-й хвіліне магілёўцы ўсё ж змаглі вырваць гасцявую перамогу, а круглянцы за апошнія дзесяць хвілін так і не змаглі зраўняць лік матча.  

Фота: mstlife.by, gorkiv.by, chausynews і з адкрытых крыніц

Дванаццаць галоў гасцям – прайшоў пяты тур чэмпіянату Магілёўскай вобласці па футболе

Навіна ад

Вашай увазе агляд матчаў 5-га тура другой лігі зоны “Захад” і “Усход” Магілёўскай вобласці з нечаканымі вынікамі і ўпартай барацьбой.

Самы буйны лік тура быў зафіксаваны ў матчы паміж маладзёжнай камандай “Дняпро-Юні”, якая на сваім полі прымала футбольны клуб “Быхаў”. Барацьбы ў гэтым матчы не атрымалася. Магілёўскія футбалісты з першай да апошняй хвіліны валодалі ініцыятывай і дабіліся максімальна ўпэўненай перамогі – 12-1. Праўда, у першым тайме быхаўскія футбалісты супраціўляліся гаспадарам і прапусцілі толькі тры галы. Але ў другім магілёўскія юнакі проста разграмілі быхаўцаў 9-1, паказаўшы ўсю моц каманды.  

Іншыя матчы зоны “Захад” скончыліся менш вынікова, аднак з больш упартай барацьбой. Кіраўскія футбалісты не змаглі дома супрацьстаяць глускаму “Пцічу”. Хоць гаспадары стараліся перад сваімі заўзятармі паказаць вынік, аднак госці ўсё ж валодалі ініцыятывай і пагэтаму заканамерна выйгралі 1-3. 

Яшчэ большы па ўпатрасці і нечаканым па выніку атрымаўся матч паміж шклоўскім “Спартаком” і круглянскай “Зарой”. Гульня была роўнай у першым тайме, хоць гаспадары спачатку моцна наваліліся на браму гасцей, але паступова круглянскія футбалісты змаглі выраўняць гульню і нават момантамі навязаць свой малюнак. Аднак шанцавала ў гэтым матчы больш гасцям, якія змаглі не проста вытрымаць атакі шклаўчан, але нават выграць. Гэта нечаканы вынік, бо два папярэднія матчы заканчваліся з разгромным лікам на карысць шклоўскага “Спартака” – 6-0 і 4-0. Пагэтаму вынік гэтага матча з’яўляецца добрым прагрэсам для круглянскіх футбалістаў.   

Чатыры матча адбыліся ў зоне “Усход” і некаторыя з іх таксама мелі нечаканыя вынікі. Самым буйным па ліку матчам атрымалася сустрэча слаўгарадскіх і чавускіх футбалістаў. Гаспадары ўжо другі раз запар прайграюць гасцям, прапусціўшы шэсць мячоў у сваю браму. На гэты раз слаўгарадскія гульцы не змаглі пазмагацца з футбалістамі з чавускай “Нівы”. На працягу матча госці глядзеліся больш моцна, навязвалі гаспадарам сваю гульню, заканамерна выйграўшы – 1-6.  

З такім жа буйным лікам краснапольскія футбалісты дома перайгралі дрыбінскіх гульцоў. Краснапольцы моцна пачалі матч і трымалі перавагу над супернікам на працягу двух таймаў. Дрыбінскія футбалісты, у сваю чаргу, глядзеліся слаба і змаглі гаспадарам забіць толькі адзін мяч, прапусціўшы ў адказ шэсць галоў.

А вось матч паміж касцюковіцкімі і клімавіцкімі футбалістамі атрымаўся вельмі напружаным, з шматлікай барацьбой у цэнтры поля. Каманды глядзеліся роўна, перахопліваючы адзін у аднога ініцыятыву на працягу ўсяго матча. Тым не менш небяспечны момант змаглі рэалізаваць толькі клімавіцкія футбалісты, абыграўшы ў выніку гаспадараў з мінімальным лікам 0-1. Пасля гэтай перамогі клімаўчане падняліся на першы радок турнірнай табліцы зоны “Усход” Магілёўскай вобласці.

Напружным матчам таксама была сустрэча, бадай, самых моцных каманд зоны “Усход” Магілёўскай вобласці – “Сервалюкс Агра” з Мяжысетак і футбольнага клуба з Горак. Гаспадары паказвалі неблагі футбол, але госці таксама адказвалі небяспечнымі контравыпадамі. Адзначым, што гульні паміж гэтымі камандамі заўсёды з багатым наборам барацьбы, стандартнымі палажэннямі і невялікай колькасцю галоў. На гэты раз футбалісты “Сервалюкс Агра” змаглі вырваць перамогу з лікам 2-1 у горацкіх футбалістаў, хоць на працягу гульні госці гулялі не горш за гаспадароў.  

Адным з самых нечаканых вынікаў цэлага тура стаўся ў сустрэчы паміж мсціслаўскай “Віхрой” і крычаўскім “Сожам”. Гаспадары з’яўляліся аўтсайдэрамі, што знаходзіліся на апошнім радку турнірнай табліцы, а крычаўляне, у сваю чаргу, уяўляюцца моцнымі сярэднячкамі. Матч быў багаты на галы, калі абедзве каманды праводзілі шмат небяспечных і галявых момантаў. На дзіва, мсціслаўскія футбалісты на працягу двух таймаў змагла супрацьстаяць гасцям, у некаторы момант нават перахапіўшы ініцыятыву.  Вынік матча нечаканы – 3-2 на карысць гульцоў “Віхры”. 

Фота: golk.by, slavgorod.by, fc-dnepr.by і з адкрытых крыніц