Category: Навіны Круглага

Горад Круглае будзе адзначаць круглую дату: 500-гадовы юбілей

Навіна ад

Першая ўзгадка Круглага ў гістарычных крыніцах адносіцца да 1524 года. Тады гэта была вёска ў Аршанскім павеце, якая належыла князям Палубінскім. 

На працягу стагоддзяў Круглае развівалася як гандлёвы і рамесны цэнтр, дзе праводзіліся кірмашы. Паводле інвентароў, складзеных у 1669 і 1673 гадах, Круглае мела статус мястэчка і налічвала 72 двары. На 1743 год — 60 двароў.

У 2-й палове XVIII ст. мястэчка належала вялікаму гетману літоўскаму М. К. Агінскаму. З 1772 г. гэта вёска ў Магілёўскім павеце Магілёўскай губерні Расійскай імперыі. Тут працаваў бровар, палатняная фабрыка. Мястэчка належала княгіні К. Дашкавай, якая пабудавала тут праваслаўную царкву. У вайну 1812 у Круглым знаходзілася галоўная кватэра рускіх войскаў на чале з М. І. Кутузавым.

Статус горада Круглае атрымала ў 2017 годзе. Сёння гэта адміністрацыйны цэнтр Круглянскага раёна, у ім пражывае больш за 7 тысяч чалавек.

Святкаванні 500-гадовага юбілею прызначаны на 14 верасня, паведамляе раённая газета “Сельскае жыццё”

Да 500-годдзя ў горадзе плануецца шэраг мерапрыемстваў, а сярод новых аб’ектаў у горадзе запланавана адкрыццё басейна – пісала БелТА.

Фота: “Сельскае жыццё”

Жыхар Круглага, які спрабаваў падарваць інфраструктуру украінскай АЭС, атрымаў 15 гадоў турмы

Навіна ад

Грамадзянін Беларусі Іван Яравы быў затрыманы ў студзені 2024 года ў выніку “правакацыі злачынства”.

Радыё “Свабода” даведалася імя грамадзяніна Беларусі, які спрабаваў здзейсніць падрыў аднаго з элементаў Ровенскай АЭС ва Украіне. Ім аказаўся жыхар Круглага Іван Яравы, дагэтуль ужо шырока вядомы – у 2015 годзе яго затрымлівалі за ўдзел у баявых дзеяннях на баку самаабвешчанай ЛНР падчас вайны на Данбасе.

Іван Яравы нарадзіўся ў Растоўскай вобласці Расіі. Пасля разводу з мужам-расіянінам, яго маці-беларуска вярнулася ў роднае Круглае, дзе хлопец і вырас. «Вярнуся, калі ў Беларусі пачнецца майдан – расказваў ён у адным з інтэрв’ю, калі быў на фронце –  буду разганяць. Я супраць усіх вось гэтых… хто па-беларуску размаўляе. Нічога добрага з імі ня будзе».

Як стала вядома з матэрыялаў суда, у студзені 2024 года Яравы выехаў у Пінск, адкуль быў перапраўлены праз беларуска-украінскую мяжу. Чалавек, які аказваў яму дапамогу на беларускім баку названы ў матэрыялах справы «прадстаўніком спецслужбы краіны-агрэсаркі» і «кадравым супрацоўнікам Галоўнага ўпраўлення Генэральнага штабу Ўзброеных сіл Расіі». 

На тэрыторыі Украіны яго сустрэў грамадзянін Украіны, які раней быў завербаваны Службай бяспекі гэтай дзяржавы. Ён перадаў Яравому заплечнік, у якім знаходзіліся ліхтарык, маскавальны халат, компас, тэрмабялізна і шэсць GPS-трэкераў. Усё гэта праходзіла пад пільным кантролем з боку СБУ, а сама аперацыя ажыццяўлялася як “правакацыя злачынства”. Пры затрыманні Яравы адразу прызнаўся, што знаходзіўся на месцы затрымання для выканання «пастаўленага яму прадстаўніком іншаземнай арганізацыі задання» – для ўсталявання GPS-трэкераў «на аб’екце энэргазабеспячэння для далейшага яго руйнавання або пашкоджання Ўзброенымі сіламі Расіі пры дапамозе беспілотных лятальных апаратаў».

20 траўня суд ухваліў рашэнне аб максімальным магчымым пакаранні для Івана Яравога — 15 гадоў пазбаўлення волі.

Фота: Радыё “Свабода”

Житель Шкловского района подделал номерной знак мотоцикла

Навіна ад

С “липой” попался только четвертый владелец

Еще в сентябре 2020-го злосчастный мотоцикл купил с рук житель Круглянского района, сообщает Следственный комитет Республики Беларусь.

Причем продавец  предупредил покупателя – документы от другого мотоцикла.

Новый владелец решил поправить дело – перекрасил стального коня в другой цвет и “исправил” цифры на номерном знаке.

Через два года мотоцикл был продан, а затем перепродан еще два раза.

В конце концов, владельцем его стал житель Шкловского района. Его-то и остановил сотрудник ГАИ.

Экспертиза показала – номер знак поддельный. 

Отвечать за подделку регистрационного знака придется второму владельцу – житель Круглянского района.

Фото Следственного комитета Республики Беларусь.

Карова правалілася ў склеп у Круглянскім раёне

Навіна ад

Ратавальнікі дасталі карову са склепа закінутай гаспадарчай пабудовы ў вёсцы Хількавічы Круглянскага раёна – паведамляе МНС.

Як патлумачыў гаспадар жывёліны, ноччу карова засталася без нагляду і ўпала ў склеп з-за частковай адсутнасці перакрыцця.

Каб дастаць жывёлу, работнікам МНС прыйшлося разбіраць жалезабетоннае перакрыцце склепа. Толькі потым стала магчымым выцягнуць карову са склепа.

Жывёла не пацярпела.

Фота: МНС

На Мікалаеўскіх сажалках пад Круглым пройдзе дзень адкрытых дзвярэй

Навіна ад

27 верасня, у гонар сусветнага дню турызму, “Мікалаеўскія сажалкі” правядуць Дзень адчыненых дзвярэй. З 10.00 і да 18.00 будзе арганізавана бясплатнае наведванне экспазіцый музея СССР і дома мастака М.У. Неўрава. У рэстаране “Белы ветразь” у гэты дзень усім наведвальнікам будуць прапанаваны стравы беларускай нацыянальнай кухні – паведамляе раённая газета “Сельскае жыццё”.

Турыстычны комплекс Мікалаеўскія сажалкі размешчаны на тэрыторыі Круглянскага раёна Магілёўскай вобласці ў асяроддзі каскаду сажалак і прылеглага Грыбінскага вадасховішча.

Фота: beltour.by

Беспрычынна ўдарыў у твар на “Купаллі” – у Круглым вынеслі прысуд 16-гадоваму хулігану

Навіна ад

У Круглянскай школе №1 прайшло выязное пасяджэнне суда, на якім разглядалася справа 16-гадовага школьніка. Паводле матэрыялаў справы, абвінавачаны падчас правядзення народнага свята «Купалле» ў цэнтральным парку культуры і адпачынку горада Круглае, беспадстаўна ўдарыў кулаком па твары раней незнаёмага яму мужчыну. Гэты ўчынак быў кваліфікаваны як хуліганства.

Да хлопца прыменены прымусовыя меры ў выглядзе папярэджання і абмежавання волі тэрмінам на 6 месяцаў. На падлетка ўскладзены абавязак у вольны ад вучобы час не наведваць відовішчныя мерапрыемствы і месцы масавага адпачынку грамадзян без суправаджэння бацькоў або педагогаў, а таксама знаходзіцца па месцы жыхарства з 22.00 да 6.00 – піша раённая газета “Сельскае жыццё”.

Фота: “Сельскае жыццё”

На мехдвары пад Круглым згарэў трактар МТЗ – фотафакт

Навіна ад

Трактар МТЗ-3522 загарэўся раніцай 3 верасня на мехдвары прадпрыемства “Круглянскі Рассвет”. На фота можна пабачыць, што трактар практычна новы. У залежнасці ад камплектацыі, трактар гэтай маркі можа каштаваць 300 000 – 500 000 рублёў. У выніку пажару пашкоджаны сам трактар, сеялка, знішчана дэкаратыўнае пакрыццё будынка – піша газета “Сельскае жыццё”. Пацярпелых няма. Прычына пажару высвятляецца.

Фота: “Сельскае жыццё”

На Магілёўшчыне затрыманы двое закладчыкаў

Навіна ад

Аператыўнікі наркакантролю затрымалі 18-гадовага жыхара Круглянскага раёна, які набыў і захоўваў альфа-PVP – паведамляе прэс-служба МУС.

Праз пару дзён быў затрыманы яго “калега” – 16-гадовы жыхар Магілёўскага раёна. У 10-класніка знойдзена і канфіскавана амаль 100 г асабліва небяспечнага псіхатропнага рэчыва 4-СМС.

Хлопцы менш за месяц прапрацавалі закладчыкамі на адзін і той жа віртуальны наркашоп, распаўсюджваючы “тавар” на тэрыторыі Магілёўскай і Віцебскай абласцей. Да моманту затрымання частку псіхатропаў яны паспелі раскласці па тайніках.

Падазроныя затрыманы. У дачыненні да іх следчымі распачаты дзве крымінальныя справы.

Фота: скрыншот МУС

У Круглым хлопчыку так заціснула нагу ў дрэве, што прыйшлося выклікаць ратавальнікаў

Навіна ад

Вечарам 20 ліпеня ў Круглым 9-гадовы школьнік засеў на дрэве. Нагу заціснула на вышыні аднаго метра ад зямлі, але дарослыя не змаглі яго вызваліць – маці прыйшлося выклікаць ратавальнікаў, паведамляе прэс-служба МНС. Пасля вызвалення, медыцынская дапамога хлопчыку не спатрэбілася.

Фота: МНС

У Круглянскім раёне на пліце разарвала афганскі казан, двух чалавек шпіталізавалі

Навіна ад

Днём 30 чэрвеня ў вёсцы Засіцце Круглянскага раёна ў прыватным доме падчас гатоўкі ежы на пліце разарвала афганскі казан – паведамляе прэс-служба МНС. Двух чалавек абдала гарачай парай – жонку гаспадара дома і яго брата. Абое былі шпіталізаваныя з апёкамі.

Фота ілюстрацыйнае