Галоўнае новаўвядзенне – у залежнасці ад стажу работы супрацоўніка будзе вызначацца, ці атрымае ён 100% ад сваёй зарплаты за першыя дванаццаць дзён хваробы. Змены ўступяць у сілу з 1 студзеня 2024 года.
Міністр працы і сацыяльнай абароны Ірына Касценіч распавяла пра асноўныя змены ў схеме аплаты бальнічнага:
– Дзейнічае норма, па якой з першага дня на працягу 12 дзён бальнічны складае 80% ад заробку, а ў наступныя дні – 100%. Зараз мы прывязаліся да стажу: калі ў цябе 10 гадоў і больш, з першага дня ты атрымаеш 100% ад сваёй зарплаты, калі менш за 10 гадоў, то 80%, – патлумачыла Ірына Касцевіч.
Гаворачы аб беларусах, якія маюць дадатковую работу, міністр адзначыла:
– Прапануем выплачваць бальнічны па асноўнай працы, але база, з якой будзе выплачвацца бальнічны, будзе сумавацца па ўсіх месцах працы. Разлік ад агульнай сумы, з якой выплачвалі ўзносы, будзе ажыццяўляць фонд.
Ірына Касцевіч выказала меркаванне, што такія меры дапамогуць пазбегнуць памылак з боку бухгалтарскіх службаў.
Фота ілюстрацыйнае, з адкрытых крыніц.