У Бабруйску асуджана маці чатырох малых дзяцей, якая ўдзельнічала ў распаўсюдзе псіхатропаў праз інтэрнэт.
У снежні мінулага года жанчына адгукнулася на прапанову аб заробку ў адным з мэсенджараў. Пасля перадачы сваіх пашпартных даных і праходжання інструктажу па канспірацыі яна далучылася да групы, якая займалася распаўсюдам псіхатропаў праз інтэрнэт-краму.
Згодна з адведзенай роляй, шматдзетная маці павінна была забіраць партыі наркотыкаў з тайнікоў, фасаваць іх і раскладваць у новых месцах для наступнага збыту.
На судзе жанчына цалкам прызнала віну. Яна паведаміла, што першая спроба атрымаць псіхатропы не ўдалася – тайнік аказаўся пустым. Аднак пры другой спробе забраць рэчыва (мефедрон) яе затрымалі супрацоўнікі праваахоўных органаў.
Суд улічыў шэраг змякчальных абставінаў, у тым ліку шчырае раскаянне і наяўнасць на ўтрыманні чатырох малалетніх дзяцей. Разам з тым абцяжваючай акалічнасцю прызнана здзяйсненне злачынства з карыслівых матываў.
У выніку жанчыне прызначана пакаранне ў выглядзе васьмі гадоў пазбаўлення волі ў папраўчай калоніі агульнага рэжыму. Таксама суд пастанавіў канфіскаваць мабільны тэлефон, які выкарыстоўваўся пры здзяйсненні злачынства.
Вырак пакуль не ўступіў у законную сілу.
Фотаздымак з адкрытых крыніц