У TikTok завірусілася відэа з фермы ў Чавускім раёне. На кадрах можна ўбачыць статак абляпаных кароў, якія брыдуць па навознай жыжы. Ролік выклала карыстальніца Зіна Бядуліна. Відэа сабрала сотні тысяч праглядаў і 3 600 каментарыяў, але пазней было выдалена з акаўнта карыстальніцы. Захавалася яго, аднак, на сайце “Люстэрка”, якое звярнула на яго ўвагу.
На відэа каровы спачатку пад драматычную музыку ходзяць па непрыбранай ферме, дзе на падлозе знаходзяцца ў тым ліку вадкія фекаліі жывёлін. Калі музыка заканчваецца, можна ўбачыць працэс спаражнення кароў.
Нагадаем, што ў 2019 годзе на Магілёўшчыне ўжо адбываўся скандал з абасранымі каровамі, які прывёў да замены вышэйшага абласнога кіраўніцтва.
Фота: скрыншот з відэа