А чацвёртай гадзіне раніцы пад Слаўгарадам на аўтадарозе Р-43 31-гадовая жыхарка Светлагорска за рулём аўтамабіля Datsun ехала разам з 34-гадовым жыхаром Жлобінскага раёна. На 85-м кіламетры паблізу вёскі Аляксандраўка-2 на праезную частку раптоўна выбег лось. Ад сутыкнення машына апынулася ў кювеце і ўрэзалася ў дрэва.
На месцы аварыі пасажыр машыны, які знаходзіўся на пярэднім пасажырскім сядзенні і не быў прышпілены рамянём бяспекі, загінуў. Жанчына, якія кіравала машынай, шпіталізавана ў бальніцу – паведамлае ўпраўленне ўнутраных спраў Магілёўскага аблвыканкама.
Варта адзначыць, што дарожна-транспартнае здарэнне адбылося ў зоне дзеяння дарожнага знака “Дзікія жывёлы”.
Фота: mogilev.mvd.gov.by