Магілёўскі інстытут Міністэрства ўнутраных спраў размясціў вакансію на пасаду прафесара кафедры гуманітарных дысцыплін. Суіскальніку абяцаюць заробак у 90 беларускіх рублёў. Справа ў тым, што абвешчаная вакансія – нават не на палову, не на чвэрць, а на… 0,05 стаўкі.
Кандыдату на суісканне гэтай вакансіі прад’яўляюцца даволі спецыфічныя патрабаванні. Па-першае, неабходна мець вышэйую адукацыю. Напэўна, частка патэнцыйных прафесараў адсейваецца ўжо на гэтым этапе. Па-другое, кандыдат павінен валодаць мовай жэстаў.
Каб прыняць удзел у конкурсе на гэтую пасаду, неабходна звяртацца па кантактных нумарах, указаных у аб’яве на афіцыйным сайце службы занятасці.
Фота ілюстрацыйнае
