Tag: Евгений Глушков

Сабалеўскага і Глушкова ўключылі ў “спіс экстрэмістаў”

Навіна ад

Былых магілёўскіх журналістаў Алеся Сабалеўскага і Яўгена Глушкова сёння ўнеслі ў «Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці». Раней журналісты былі асуджаныя на тэрміны ў 4 і 3 гады калоніі.

Нагадаем, што Алесь Сабалеўскі задоўга да свайго затрымання адышоў ад журналісцкай дзейнасці, а паказанні з яго ў міліцыі выбівалі.

Акрамя іх спіс дапоўніўся яшчэ дзвюмя імёнамі жыхароў Магілёўскага рэгіёна. Гэта Андрэй Рэбякоў і Станіслаў Шэпель, абодва з Быхаўскага раёна. Пра Рэбякова ў адкрытым доступе інфармацыі практычна няма, а Станіслаў Шэпель – гэта хлопец з шматдзетнай сям’і, які ў 18 гадоў быў асуджаны па артыкуле аб “здрадзе дзяржаве”. Поўны спіс асоб, уключаных у так званы “спіс экстрэмістаў” праваабаронцы з арганізацыі “Вясна” публікуюць тут. 

Telegram-канал силовиков опубликовал видео с Евгением Глушковым – наш комментарий

Навіна ад

Имен своих акул пера канал не раскрывает – лукашенковские клепатели «новостей» предпочитают писать из-за угла, анонимно.

Continue reading “Telegram-канал силовиков опубликовал видео с Евгением Глушковым – наш комментарий”

Магілёўскага журналіста Яўгена Глушкова прызналі палітвязнем

Навіна ад

Беларускія праваабаронцы прызналі палітвязнем фрылансера і журналіста Яўгена Глушкова. Заява з патрабаваннем вызваліць яго, і іншых журналістаў, што з’яўляюцца палітычнымі зняволенымі, з’явілася 15 лютага на сайце праваабарончай арганізацыі “Вясна”.

«МУС і КДБ у пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі альбо палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і палітыцы, што яна праводзіць, таксама экстрэмісцкімі фарміраваннямі прызнаныя некаторыя СМІ. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў» – гаворыцца ў супольнай заяве праваабаронцаў.

Як паведамлялі mogilev.media, супраць вядомага магілёўскага відэааператара, фрылансера і журналіста Яўгена Глушкова было высунутае абвінавачанне ва ўдзеле ў «экстрэмісцкім фарміраванні», меркавана на падставе арт. 361-1 Крымінальнага кодэкса («Стварэнне экстрэмісцкага фарміравання альбо ўдзел у ім»). Паводле гэтага артыкула, у залежнасці ад часткі, яму можа пагражаць да шасці альбо сямі гадоў зняволення.

Зараз Яўген Глушкоў знаходзіцца ў СІЗА. Яму ў віну, верагодна, як і іншаму журналісту Алесю Сабалеўскаму, ставіцца супрацоўніцтва з магілёўскімі медыярэсурсамі – 6tv.by / 6tv Belarus і Mogilev.media.

Фота: Сацыяльныя сеткі

Супраць журналіста Яўгена Глушкова заведзеная крымінальная справа – праваабаронцы

Навіна ад

Магілёўскія праваабаронцы з каманды Mayday.team паведамляюць, што вядомага магілёўскага журналіста Яўгена Глушкова абвінавачваюць, верагодна, па артыкуле 361-1 Крымінальнага кодэкса Беларусі, за нібыта “ўдзел у дзейнасці экстрэмісцкага фарміравання”. Санкцыя па гэтым артыкуле прадугледжвае ад 3 да 7 гадоў пазбаўлення волі, альбо абмежаванне волі на тэрмін ад 2 да 5 гадоў.

Пра затрыманне Яўгена Глушкова стала вядома ў сярэдзіне студзеня. Як цяпер даведаліся праваабаронцы, журналіста затрымалі ў пачатку студзеня – дзверы яго хаты выбівалі міліцыянты, а самаго Глушкова выцягнулі з дома проста ў той вопратцы, у якой ён быў. 

Зараз Яўген Глушкоў знаходзіцца ў СІЗА. Яму ў віну, верагодна, як і іншаму журналісту Алесю Сабалеўскаму, ставіцца супрацоўніцтва з магілёўскімі медыярэсурсамі – 6tv.by / 6tv Belarus і Mogilev.media.