Амаль пяцьдзясят цягнікоў спазніліся на Магілёўшчыне з-за снегападаў

Затрымка складала ад некалькіх хвілін на трох гадзін – паведамляе прэс-цэнтр Беларускай чыгункі.

Стыхія, якая абрынулася на Беларусь у выходныя, у асноўным закранула Магілёўскі рэгіён. Усяго было зафіксавана падзенне больш за 1300 дрэў. 

Агульная працягласць участкаў чыгункі, на якіх былі адзначаны збоі ў электразабеспячэнні і рабоце сродкаў сігналізацыі і сувязі, склала 210 км. 

У перыяд 27–28 лістапада 2022 года на ўчастках Магілёў – Крычаў, Крычаў – Бялынкавічы, Крычаў – Орша 49 пасажырскіх цягнікоў ехалі з адхіленнем ад устаноўленага графіка руху. Затрымка складала ад 7 хвілін да 2 гадзін 54 хвіліны.