Імя ўраджэнкі Горак Настассі Трубчык-Дзіваковай з’явілася ў міліцэйскім так званым спісе “экстрэмістаў”.
Як піша “Наша ніва”, дзяўчыне 24 гады. Пасля заканчэння школы ў 2018 годзе паступіла ў Беларускі дзяржаўны ўніверсітэт культуры і мастацтваў, на факультэт інфармацыйна-дакументных камунікацый. Працавала ў Мінску, у бібліятэцы Беларускага нацыянальнага тэхнічнага ўніверсітэта па размеркаванні.
Нядаўна Настасся выйшла замуж і ўзяла двайное прозвішча, пакінуўшы сваё і дадаўшы прозвішча мужа.
Паводле выдання, дзяўчыну асудзілі сёлета па артыкуле 342 Крымінальнага кодэкса, імаверна, за ўдзел у пратэстах. Меркавана, ёй прысудзілі «хатнюю хімію», пасля чаго ўнеслі ў спіс «экстрэмістаў».
Нагадаем, што раней стала вядома, што 30-гадовую ўраджэнку Магілёва Лідзію Гарохаву, якая займалася касплэем і працавала ў Мінску, асудзілі за нібыта «заклікі да прычынення шкоды Рэспубліцы Беларусь».
Фотаздымак са старонкі Настассі Трубчык-Дзіваковай Укантакце