Тэлефон (прыёмная рэктара): +375222244777
Тэлефоны прыёмнай камісіі: +375222240888 +375222712447
E-mail: [email protected]
Сайт: bru.by
Графік працы: 8:15 – 17:15, абед – 12:30 – 13:18
Паштовы адрас: 212000 Рэспубліка Беларусь, г. Магілёў, праспект Міру, 43
Беларуска-Расійскі ўніверсітэт быў створаны ў 1961 годзе як Магілёўскі машынабудаўнічы інстытут (ММІ, “машынка”). У 2000 годзе быў ператвораны ў Магілёўскі дзяржаўны тэхнічны ўніверсітэт, у 2010-м – у Беларуска-Расійскі ўніверсітэт.
Фінансуецца з дзяржаўнага бюджэту Рэспублікі Беларусь і з бюджэту Саюзнай дзяржавы Беларусі і Расіі. Навучанне вядзецца па беларускіх і расійскіх адукацыйных стандартах.
Беларускія адукацыйныя стандарты (дзённая форма навучання)
Аўтамеханічны факультэт
Аўтамабілебудаванне
Кваліфікацыя: інжынер
Тэрмін навучання: 5 гадоў
Падрыхтоўка спецыялістаў накіравана на глыбокае вывучэнне канструкцый сучасных аўтамабіляў і іх механізмаў, а таксама метадаў іх праектавання. Асноўная прафесійная дзейнасць інжынераў дадзенай спецыяльнасці звязана са стварэннем і распрацоўкай канструкцый сучасных мабільных машын.
Аўтасэрвіс
Кваліфікацыя: інжынер-механік
Тэрмін навучання: 4 гады
Асноўная прафесійная дзейнасць звязана з арганізацыяй функцыянавання станцый тэхнічнага абслугоўвання аўтамабіляў, укараненнем сучасных тэхналагічных працэсаў абслугоўвання і рамонту легкавых аўтамабіляў, а таксама распрацоўкай і ажыццяўленнем маркетынгавай палітыкі і менеджменту.
Інавацыйная тэхніка для будаўнічага комплексу (па напрамках)
Напрамкі: пад’ёмна-транспартныя машыны і абсталяванне, будаўнічыя машыны і абсталяванне вытворчасці будаўнічых матэрыялаў, дарожныя машыны і абсталяванне.
Кваліфікацыя: інжынер
Тэрмін навучання: 4 гады
Падрыхтоўка выпускнікоў накіравана на вывучэнне сродкаў механізацыі: пад’ёмных кранаў, пагрузчыкаў, экскаватараў, бульдозераў, скрэпераў, грэйдэраў, асфальтаўкладчыкаў, каткоў, канвеераў, комплексаў для вытворчасці будаўнічых матэрыялаў і інш.
Тэхнічная эксплуатацыя аўтамабіляў
Кваліфікацыя: інжынер-механік
Тэрмін навучання: 4 гады
Асноўная прафесійная дзейнасць звязана з распрацоўкай тэхналагічных працэсаў дыягнаставання, абслугоўвання і рамонту аўтамабіляў, арганізацыяй, планаваннем і кіраваннем гэтымі працэсамі.
Машынабудаўнічы факультэт
Аўтаматызацыя тэхналагічных працэсаў і вытворчасцей
Кваліфікацыя: інжынер па аўтаматызацыі
Тэрмін навучання: 4 гады
Спецыяльнасць ахоплівае перспектыўныя напрамкі працы інжынера ў галіне аўтаматызаванага праектавання тэхналагічных працэсаў і вытворчасцей у машынабудаванні.
Абсталяванне і тэхналогія зварачнай вытворчасці
Кваліфікацыя: інжынер
Тэрмін навучання: 4 гады
Базавая падрыхтоўка інжынераў-зваршчыкаў грунтуецца на вывучэнні тэарэтычнай і прыкладной механікі, матэрыялазнаўства, тэхналогіі матэрыялаў, эканомікі і арганізацыі вытворчасці.
Тэхналогія машынабудавання
Напрамкі: тэхналогія механасборачных вытворчасцей; тэхналогія аўтаматызаванай вытворчасці.
Кваліфікацыя: інжынер
Тэрмін навучання: 4 гады
Студэнты атрымліваюць фундаментальную падрыхтоўку па тэхналогіі машынабудавання, САПР тэхналагічных працэсаў, аўтаматызацыі вытворчых працэсаў у машынабудаванні.
Тэхналагічнае абсталяванне машынабудаўнічай вытворчасці
Напрамкі: металарэзальныя станкі; інструментальная вытворчасць.
Кваліфікацыя: інжынер
Тэрмін навучання: 4 гады
Падрыхтоўка спецыялістаў накіравана на глыбокае вывучэнне канструкцый металарэзальных станкоў і рэжучага інструмента на аснове сістэм аўтаматызаванага праектавання і камп’ютарнага мадэлявання.
Абсталяванне і тэхналогіі высокаэфектыўных працэсаў апрацоўкі матэрыялаў
Кваліфікацыя: інжынер
Тэрмін навучання: 4 гады
Спецыяльнасць ахоплівае перспектыўныя напрамкі працы інжынера ў галіне сучаснага машынабудавання. Студэнты вывучаюць адытыўныя тэхналогіі, 3D-прататыпаванне, тэхналогіі лічбавай вытворчасці.
Інфармацыйныя сістэмы і тэхналогіі (у праектаванні і вытворчасці)
Кваліфікацыя: інжынер-праграміст
Тэрмін навучання: 4 гады
Падрыхтоўка спецыялістаў вядзецца ў рамках сучасных інфармацыйных тэхналогій, якія выкарыстоўваюцца ў аперацыйных сістэмах, базах даных, камп’ютарных сетках.
Вытворчасць вырабаў на аснове трохмерных тэхналогій
Кваліфікацыя: інжынер
Тэрмін навучання: 4 гады
Студэнты атрымліваюць фундаментальныя веды ў галіне адытыўных тэхналогій, канструявання і вытворчасці машынабудаўнічых вырабаў з палімерных, металічных і іншых матэрыялаў.
Будаўнічы факультэт
Аўтамабільныя дарогі
Кваліфікацыя: інжынер-будаўнік
Тэрмін навучання: 5 гадоў
Пры падрыхтоўцы спецыялістаў асаблівая ўвага ўдзяляецца пытанням аўтаматызаванага праектавання дарог пры дапамозе сучасных праграмных прадуктаў, арганізацыі і тэхналогіі правядзення работ на прадпрыемствах дарожнай галіны.
Прамысловае і грамадзянскае будаўніцтва
Кваліфікацыя: інжынер-будаўнік
Тэрмін навучання: 4 гады
Падрыхтоўка спецыялістаў накіравана на глыбокае вывучэнне пытанняў тэхналогіі будаўнічых працэсаў, канструктыўных і аб’ёмна-планіровачных рашэнняў будынкаў рознага прызначэння.
Электратэхнічны факультэт
Аўтаматызаваныя сістэмы апрацоўкі інфармацыі
Кваліфікацыя: інжынер па інфармацыйных тэхналогіях
Тэрмін навучання: 4 гады
Падрыхтоўка накіравана на глыбокае вывучэнне праграмавання, электратэхнікі і электронікі, аперацыйных сістэм, тэхналогіі праектавання аўтаматызаваных сістэм апрацоўкі інфармацыі.
Аўтаматызаваныя электрапрывады
Кваліфікацыя: інжынер-электрык
Тэрмін навучання: 4 гады
Падрыхтоўка спецыялістаў накіравана на глыбокае вывучэнне інфарматыкі, камп’ютарных сістэм, электратэхнікі і электронікі, электрычных машын, сілавой пераўтваральнай тэхнікі.
Метады і прыборы кантролю якасці і дыягностыкі стану аб’ектаў
Кваліфікацыя: інжынер
Тэрмін навучання: 4 гады
Падрыхтоўка спецыялістаў накіравана на глыбокае вывучэнне вымяральнай тэхнікі, тэхналогіі стварэння і эфектыўнай эксплуатацыі прыбораў і сістэм, усіх відаў неразбуральнага кантролю і тэхнічнай дыягностыкі.
Эканамічны факультэт
Транспартная лагістыка
Кваліфікацыя: інжынер-эканаміст
Тэрмін навучання: 4 гады
Падрыхтоўка лагіста патрабуе авалодання сучаснымі эканоміка-матэматычнымі метадамі, глыбокага ведання лагістыкі ў розных галінах дзейнасці, аўтамабільнага транспарту і арганізацыі перавозак.
Фінансы і крэдыт
Напрамкі: банкаўская справа; падаткі і падаткаабкладанне.
Кваліфікацыя: эканаміст
Тэрмін навучання: 4 гады
Спецыяльнасць дае комплекс ведаў у галіне дзяржаўных і карпаратыўных фінансаў, банкаўскай справы, грашовага звароту, фінансавага менеджменту, рынку каштоўных папер, падаткаў і падаткаабкладання.
Эканоміка і кіраванне на прадпрыемстве
Кваліфікацыя: эканаміст-менеджэр
Тэрмін навучання: 4 гады
У працэсе навучання студэнты спецыяльнасці паглыблена вывучаюць менеджмент у розных галінах дзейнасці, арганізацыю вытворчасці на прамысловым прадпрыемстве.
Электронны маркетынг
Кваліфікацыя: маркетолаг-праграміст
Тэрмін навучання: 4 гады
Спецыяльнасць дае комплекс ведаў у галіне маркетынгу і IT-тэхналогій: даследаванне рынку, стварэнне рэкламы ў інтэрнэце, электронная камерцыя, вэб-аналітыка, прасоўванне сайтаў.
Расійскія адукацыйныя стандарты (дзённая форма навучання)
Інжынерна-эканамічны факультэт
Інфарматыка і вылічальная тэхніка
Кваліфікацыя: бакалаўр
Тэрмін навучання: 4 гады
Падрыхтоўка спецыялістаў накіравана на глыбокае вывучэнне матэматычных метадаў апрацоўкі інфармацыі, моў праграмавання, сучасных сеткавых тэхналогій перадачы інфармацыі.
Наземныя транспартна-тэхналагічныя комплексы
Кваліфікацыя: бакалаўр
Тэрмін навучання: 4 гады
Вучэбным планам прадугледжана вывучэнне праграмных прадуктаў для аўтаматызаванага праектавання, якія выкарыстоўваюцца на прадпрыемствах машынабудаўнічага профілю.
Праграмная інжынерыя
Кваліфікацыя: бакалаўр
Тэрмін навучання: 4 гады
Падрыхтоўка спецыялістаў накіравана на глыбокае вывучэнне моў праграмавання, прынцыпаў распрацоўкі прыкладнога і сістэмнага праграмнага забеспячэння.
Электраэнергетыка і электратэхніка
Кваліфікацыя: бакалаўр
Тэрмін навучання: 4 гады
Падрыхтоўка спецыялістаў звязана з вывучэннем мікрапрацэсарнай тэхнікі, праграмавання, сістэм камп’ютарнай графікі, метадаў штучнага інтэлекту, тэхналогіі вытворчасці электронных прылад аўтамабіляў.
Мехатроніка і рабататэхніка
Кваліфікацыя: бакалаўр
Тэрмін навучання: 4 гады
Напрамак аб’ядноўвае дзве самастойныя раней спецыяльнасці: рабататэхніку і мехатроніку. Студэнты атрымліваюць фундаментальную падрыхтоўку па інжынернай і камп’ютарнай графіцы, тэорыі матэматычнага кіравання, электронных прыладах мехатронных і рабататэхнічных сістэм.
Машынабудаванне
Кваліфікацыя: бакалаўр
Тэрмін навучання: 4 гады
Падрыхтоўка бакалаўраў грунтуецца на вывучэнні тэарэтычнай і прыкладной механікі, супраціву матэрыялаў, дэталей машын, электратэхнікі, матэрыялазнаўства, тэхналогіі матэрыялаў.
Прыборабудаванне
Кваліфікацыя: бакалаўр
Тэрмін навучання: 4 гады
Падрыхтоўка бакалаўраў накіравана на глыбокае вывучэнне матэматыкі, фізікі, інфармацыйных тэхналогій, электронікі і схематэхнікі, усіх відаў неразбуральнага кантролю і тэхнічнай дыягностыкі.
Прыкладная матэматыка
Кваліфікацыя: бакалаўр
Тэрмін навучання: 4 гады
Падрыхтоўка бакалаўраў накіравана на глыбокае вывучэнне матэматыкі, інфармацыйных навук і праграмавання, у тым ліку штучнага інтэлекту, машыннага навучання і нейронных сетак.
Прыкладная механіка (камп’ютарны інжынірынг і рэнавацыя дэталей машын)
Кваліфікацыя: бакалаўр
Тэрмін навучання: 4 гады
Студэнты атрымліваюць падрыхтоўку ў галіне тэхналогій лічбавай вытворчасці, IT-тэхналогій і моў праграмавання, камп’ютарнага праектавання і графічнага дызайну інавацыйнай тэхнікі.
Нафтагазавая справа
Кваліфікацыя: бакалаўр
Тэрмін навучання: 4 гады
Здабыча, перапрацоўка, транспарціроўка нафты і газу. Падрыхтоўка спецыялістаў у галіне тэхнічнага абслугоўвання, рамонту і эксплуатацыі нафтагазавага абсталявання.
Інаватыка
Кваліфікацыя: бакалаўр
Тэрмін навучання: 4 гады
Інаватыка — гэта галіна ведаў, тэорыя і практыка арганізацыі працэсаў ператварэння навукова-тэхнічных дасягненняў у новыя канкурэнтныя тэхналогіі, тавары і паслугі.
Менеджмент (інавацыйны менеджмент)
Кваліфікацыя: магістр
Тэрмін навучання: 2 гады
Падрыхтоўка спецыялістаў накіравана на глыбокае вывучэнне розных аспектаў менеджменту ў арганізацыі, сучасных інструментаў вядзення бізнесу і прасоўвання інавацыйных прадуктаў на рынак.
Менеджмент (кіраванне электронным бізнесам)
Кваліфікацыя: бакалаўр
Тэрмін навучання: 4 гады
Падрыхтоўка спецыялістаў накіравана на глыбокае вывучэнне эканомікі, прадпрымальніцтва і электроннага бізнесу, менеджменту і маркетынгу, інфармацыйных тэхналогій і праграмавання.
Замежнае рэгіёназнаўства
Кваліфікацыя: бакалаўр
Тэрмін навучання: 4 гады
Падрыхтоўка бакалаўраў грунтуецца на вывучэнні комплексу сацыягуманітарных і камунікатыўна-моўных дысцыплін, гісторыі, палітычных навук, міжнароднага права, а таксама практычнага курса замежных моў.
Беларускія адукацыйныя стандарты (завочная форма навучання)
Завочная адукацыя ў Беларуска-Расійскім універсітэце ажыццяўляецца толькі па беларускіх адукацыйных стандартах на базе двух факультэтаў: эканамічнага і інжынернага факультэта завочнай адукацыі.
Эканамічны факультэт
- Транспартная лагістыка
- Фінансы і крэдыт
- Эканоміка і кіраванне на прадпрыемстве
- Электронны маркетынг
Інжынерны факультэт завочнай адукацыі
- Тэхнічная эксплуатацыя аўтамабіляў
- Абсталяванне і тэхналогія зварачнай вытворчасці
- Тэхналогія машынабудавання
- Аўтамабільныя дарогі
- Прамысловае і грамадзянскае будаўніцтва
- Аўтаматызаваныя сістэмы апрацоўкі інфармацыі
- Аўтаматызаваныя электрапрывады
- Транспартная лагістыка
- Эканоміка і арганізацыя вытворчасці