Tag: украина

---

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Мікалаеўскай вобласці ў выніку расейскага абстрэлу загінуў 80-гадовы мужчына, а ягоны дом згарэў.  Трагедыя адбылася 9 мая, піша газета «Николаевские новости».

Снарад трапіў у гараж, дзе стаяў аўтамабіль. Ратавальнікі загасілі пажар і адшукалі не жывога гаспадара дому.

Ад 9 мая ў больніцы гораду трапіла 15 пацярпелых ад расейскіх снарадаў.

Медыкі выратавалі 9-гадовую жыхарку Мікалаева пасля цяжкога ранення ў галаву. Асколак касетнага снараду прайшоў 11 сантыметраў праз увесь мозг ад лобнай вобласці да патыліцы.

Медыкі кажуць, што пасля такіх траўмаў людзі не выжываюць, але дзяўчынка выжыла. Цяпер яна зноў вучыцца хадзіць і размаўляць, перадае «5 канал».

www.5.ua

4 красавіка разам з маці яна трапіла пад абстрэл у адным з мікрараёнаў Мікалаева. Ратаваць дзяўчынку кінуліся мінакі не чакаючы хуткай дапамогі, адвезлі яе ў больніцу.

Гераіня рэпартажу «5 каналу» некалькі дзён была ў коме, ніякіх прагнозаў лекары не давалі. Яе вывелі з цяжкага стану ў Мікалаеве, пазней перавялі ў Адэсу, адтуль у Львоў. Там медыкі выдалілі з галавы дзяўчыны асколак.

Цяпер яна ізноў вучыцца хадзіць і гаварыць. Ужо малюе. Пэндзаль у руках ёй цяжка трымаць, таму малюнкі стварае пальцамі.

З 2 па 9 мая ў Мікалаеве нарадзіліся 12 дзяцей – 6 хлопчыкаў і 6 дзяўчынак, піша выданне «Суспільне Новини».

Паводле яго журналістаў да вайны за тыдзень у горадзе нараджалася да 100 дзяцей.

---

8

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

У Даўгаўпілсе блізу 200 працаўнікоў мясцовага лакаматыварамонтнага заводу звольненыя. Усяго скарачэння чакаюць 240 завадчан.

У інтэрв’ю выданню «Наша газета» член праўлення заводу Наталля Пятрова адной з галоўнай прычынай калектыўнага звальнення працаўнікоў назвала «геапалітычны крызіс». Паводле яе Прадпрыемства згубіла «долю рынку ва Ўкраіне і Расеі».

Яна кажа, што ўкраінскі партнёр, якому былі зробленыя лакаматывы, не можа расплаціцца, праз накладзены Нацбанкам Украіны мараторый на валютныя аперацыю за мяжу.

Прадстаўніца заводу таксама адзначыла, што прадпрыемства з цяжкасцю перажыло ацяпляльны сезон гэтага году, бо цана на газ вырасла з 15 да 130 еўра.

gorod.lv

Цягам мінулага году адбыўся рэзкі скачок цэнаў на суправаджальныя матэрыялы, запатрабаваныя ў вытворчасці.

Паводле суразмоўніцы выдання завод звяртаўся да дзяржавы з просьбай аказаць дапамогу з абаротнымі сродкамі, але з міністэрстваў атрымалі «фармальныя адказы».

27 930 украінскіх уцекачоў зарэгістравалася ў Латвіі ад пачатку вайны Расеі супраць Украіны. Як паведамляе партал Press.lv.

21 746 выдадзеныя дазволы на пражыванне з правам працаўладкавання ў краіне.

Зацверджаны ўрадам Латвіі план падтрымкі ўцекачоў прадугледжвае аказанне дапамогі 40 тысячам грамадзянаў Украіны на суму да 116, 277 мільёнаў еўра.

фота: niknews.mk.ua

---

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Сямігадовая Сафія Чарненка з Мікалаева сабрала для Узброеных сіл Украіны больш за тысячу долараў. Ейныя карціны прадаюцца на адной з інтэрнэт-платформаў у Казахстане, а таксама праз суполку «Цмок міру» у ЗША. Грошы адразу пералічваюцца ў крыптавалюту Узброеных сіл Украіны.

Дзяўчынка з маці выехала з Мікалаева 24 лютага, калі пачалася поўнамаштабная вайна і была расстроеная, што адмянілі заняткі малявання.

suspilne.media

Па словах маці Ганны дачка вядзе ўласную хроніку вайны і адлюстроўвае яе ў малюнках. Спачатку яна малявала вайну таемна, пакуль яе творы не ўбачылі сваякі, апавядае выданню «Суспільне Новини» гісторыю дачкі жанчына.

На сваіх старонках у сацыяльных сетках Ганна размясціла фатаграфіі малюнкаў Софіі. Іх заўважыла ўкраінская ілюстратарка Іра Шу і прапанавала разам стварыць тэматычны стыкерпак. Грошы ад продажу пойдуць на дапамогу Узброеным сілам. У планах – стварэнне тэматычных налепак.

З пачаткам вайны ў Мікалаеве павялічылася колькасць хворых на сардэчна-сасудзістыя захворванні. У кардыяцэнтры гарадской больніцы №1, які цалкам аднавіў сваю працу, цяпер прымаюць больш грамадзян з інфарктамі і інсультамі, чым да поўнамаштабнай расейскай агрэсіі, паведамляе газета «Миколаївська правда».

«Калі параўноўваць, то ў даваенны час загрузка ложкаў складала 70%, цяпер 100%. Павялічылася колькасць шпіталізацыі. І мы гэта бачым толькі ў адной установе», апавядае начальнік упраўлення аховы здароўя гарсавету Ірына Шамрай.

Па яе словах пасля раненняў, атрыманых у выніку абстрэлаў сканалі 26 цывільных асобаў. Ад 24 лютага ва ўстановы аховы здароўя гораду трапіла 307 параненых. 20-25% пацыентаў праходзяць праз рэанімацыйнае аддзяленне, піша інтэрнэт-выданне Корабелов.инфо.

Ірына Шамрай, паведамляе інфармацыйны рэсурс, што з Мікалаева з’ехала траціна медычных работнікаў. Паводле яе да вайны ва ўстановах аховы здароўя працавала 5177 работніков – цяпер менш за 3412. Яна заўважае, што ўрачы меней пакідаюць свае працоўныя месцы.

«У нас больш за 100 урачоў выехалі, – даводзіць яна. – Гэта пры тым, што ў нас іх было 1112 на пачатак вайны. У асноўным выехала моладзь, у якой маленькія дзеці».

Па яе словах в горадзе засталося 33% ад дзіцячага насельніцтва, якое было да вайны.

У Страсбургу ў Grande Salle de lʼAubette да Дня Еўропы разгорнутая выстава ўнікальнай калекцыі лялек-мотанак. Экспазіцыя «Украінскія лялькі падарожнічаюць па свеце», уратаваная ад расейскіх бамбаванняў з Мікалаева, піша выданне «Ukrinform.ua».

ukrinform.ua

Аўтарка праекту «Лялькі ў еўрапейскіх строях», настаўніца ўкраінскай школы «Эліс» у Осла Ніна Хаген адзначае, што выстава ездзіла па гарадах Украіны да лютага 2022 года. Падарожжа перарвала ўварванне расейцаў. У Мікалаеве выставу меліся адкрыць 1 сакавіка 2022 года. Вывозілі яе, калі горад бамбавалі.

---

Даўгаўпілс, Латвія

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

Латвійскім расейцам варта зразумець, што вайна ва Ўкраіне разверадзіла гістарычныя раны латышоў, заяўляе былы прэзідэнт краіны Валдіс Затлерс.

«Трэба разумець, – падае ягоныя словы партал «Delfi», – што ў людзей можа быць рознае меркаванне, часта нават непрымальнае, але гэта дэмакратыя».

«У той жа час, супраць тых хто падтрымлівае вайну, малюе літары Z і нападае на ўцекачоў павінны прымацца жорсткія меры, – настойвае ён. – Гэтая лінія, за якую нельга заступаць – паважаць меркаванне, але выступаць супраць нянавісці, выказанай у словах і дзеяннях».

---

Клайпеда, Літва

8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Харкаўскі нацыянальны акадэмічны тэатр оперы і балета пачаў гастролі ў Літве. Па словах Армена Калаяна, галоўнага рэжысёра артысты пакідалі родны горад, калі яго бамбавалі расейцы.

atviraklaipeda.lt

Генеральны дырэктар тэатру Алег Арышчанка паведаміў, што 30 дзяцей калектыву, якім патрэбная псіхалагічная дапамога, ездзяць разам з бацькамі.

«Два месяцы ўсе артысты нашай оперы, балета і аркестра не могуць займацца сваёй справай. І нудзяцца з гэтай прычыны», – адзначае ён.

Паводле яго ў Літву ўкраінскія артысты прыехалі з вялікай праграмай і яе будуць прэзэнтаваць у розных гарадах краіны.

Арганізаваў гастролі генеральны дырэктар Літоўскага нацыянальнага тэатру оперы і балета Ёнас Сакалаўскас, піша  партал інфармацыйнага рэсурсу Atvira Klaipėd. Ён кажа, што трупа тэатру пачала збіраць падтрымку ўкраінскай арміі.

 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Мікалаеўскай вобласці расейцы ракетным абстрэлам разбурылі касцёл. Ад святыні засталіся сцены Інфармацыйны рэсурс OBOZREVATEL цытуе капелана адной з вайсковых частак узброеных сіл Украіны, які вінаваціць у знішчэнні храму расейскага патрыярха Кірыла. На думку святара, кіраўнік Рускай праваслаўнай царквы «благаслаўляе» суайчыннікаў на такія дзеянні.

фота: news.obozrevatel.com

«Для матэрыяльнага, зямнога дабрабыту адрокся сваімі ўчынкамі ад веры», – настойвае капелан.

У Мікалаеве з фінансавай падтрымцы Сусветнай харчовай праграмы ААН выпякаюць і раздаюць бясплатна гараджанам хлеб. 

Як паведамляе газета «Николаевские новости» жыхарам абласнога цэнтру раздадзена 13000 боханаў хлеба, а сялянам прылеглых да Мікалаева паселішчаў 4900.

---

Каменскае, Украіна

Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным.

У Латвіі падчас збірання гуманітарнай дапамогі шасцігадовы хлопчык ахвяраваў Украіне невялікую сваю скарбонку з еўрацэнтамі.

фота: 5692.com.ua

«Хачу, каб ва Ўкраіне болей не гінулі людзі», – сказаў ён, аддаючы свой скарб.

Як напісана на сайце гораду хлапчуковую ахвярку кіраўніку Кіева Віталію Клічко перадаў асабіста віцэ-мэр Рыгі Едвардс Смілтэнс ( Edvards Smiltēns). Па ягоных словах хлопчыка намагаюцца адшукаць.

Чатырох жыхароў Днепрапятроўшчыны вінавацяць у гандлі людзьмі. Паводле следзтва яны падманам прымусілі бясплатна працаваць у фермерскай гаспадарцы 60 чалавек. Матэрыялы справы перададзеныя ў суд, піша газета «Событие».

Дзеянні абвінавачаных кваліфікуюцца, як «учыненыя арганізаванай групай». Тром мужчынам і адной жанчыне пагражае да 15 гадоў пазбаўлення волі.

---

Даўгаўпілс, Латвія

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

У Латвіі 11 прадпрыемстваў сёлета збіраюцца звольніць 700 супрацоўнікаў. Аб такіх намерах яны паінфармавалі дзяржаўнае агенцтва занятасці, піша інтэрнэт-выданне «Наш город».

У Даўгаўпілсе пад скарачанне трапляюць супрацоўнікі трох будаўнічых кампаніяў і адна, што спецыялізуецца на вытворчасці гатовых металічных канструкцыяў.

Раней паведаміў пра звальненне работнікаў «Даўгаўпілскі лакаматыўны завод«. На ягоную працу паўплывала вайна ва Ўкраіне. Украінскі партнёр Metinvest Group завінаваціўся латвійскаму 8 229 550 еўра, перадаваў «Наш город».

Фонд інтэграцыі грамадства заключыў сем дамоваў аб супрацоўніцтве з няўрадавымі арганізацыямі дзеля аказання паслуг сацыяльнага сервізу для жыхароў Латвіі, якія апынуліся тут праз вайну на радзіме. На вырашэнне бытавых сітуацыяў украінцы доступ да фінансавання 7000 украінцаў. Такая дапамога ўжо даступная, інфармуе сайт Даўгаўпілскага гарадскога самакіравання. Яна будзе дзейнічаць да 2013 году, альбо тэрміну пакуль не скончыцца яе фінансаванне.

У Латвію прыбыла больш за 30 тысяч уцекачоў з Украіны.

Міністэрства замежных спраў Латвіі заклікала грамадзянаў краіны не ездзіў у Прыднястроўе. А тым хто там знаходзіцца параіла пакінуць непрызнаную дзяржаву.

«З улікам таго, што вайна Расеі ва Ўкраіне ідзе недалёка ад мяжы з Малдовай, а гэта стварае непрадказальнае развіццё сітуацыі ў бліжэйшым будучым», – цытуе зварот Міністэрства інфармацыйнае агенцтва «Delfi».

---

Улацлавек, Польшча

Дамова аб сяброўскіх адносінах падпісаная з Магілёвам 8 снежня 1995 года. Горад у Куяўска-Паморскім ваяводстве (цэнтральная Польшча). Насельніцтва – 115 тысяч чалавек.

Ва Ўлацлавеку Дзень дзяржаўнага сцягу адзначылі шэсцем з 100-мэтровым бела-чырвоным сцягам па цэнтральным вуліцам гораду.

«Прыгожая, патрыятычная маніфестацыя, якая зʼяўляецца сімвалам нашай ідэнтычнасці. Бела-чырвоны колеры, зацверджаныя пастановай Сейма 100 гадоў таму, а сёння мы цешымся і шануем наш бела-чырвоны сцяг», – цытуе  інфармацыйны рэсурс «Nowy Portal Promotions Włocławskie» прэзыдэнта гораду Марэка Войткоўскага (Marek Wojtkowski).

Дзень сцяга адзначаецца ад 2004 году. Ён быў зацверджаны Сэймам дзеля пашырэння павагі да нацыянальных сімвалаў і ведаў аб самабытнасці Польшчы.

---

Айзенах, Германія

Дамова аб пабрацімстве з Магілёвам падпісаная ў снежні 1996 году. Горад з насельніцтвам у 42 тысячы чалавек месціцца ў Цюрынгіі (адной з самых эканамічна развітых федэральных земляў на ўсходзе краіны). Дабрачынныя арганізацыі гораду дапамагалі пацярпелым ад аварыі на Чарнобыльскай АЭС беларусам. Арганізоўвалі аздараўляльныя паездкі для дзяцей, якія жылі на забруджаных радыяцыяй раёнах Магілёўшчыны.

фота: mdr.de

Цюрынгія скардзіцца на камунікатыўную блытаніну паміж федэральным урадам і ўрадамі Федэральных земляў у размеркаванні бежанцаў з Украіны: аўтобусы для бежанцаў спачатку абвяшчаюцца, а затым адмяняюцца найчасцей ноччу.

Выданне Mdr спасылаючыся на ўрадоўцаў адзначае, што ў некаторыя дні ў Цюрынгію прыбывала каля пяці працэнтаў уцекачоў з Украіны, абвешчаных федэральнымі ўладамі. Былі выпадкі, калі аўтобусы былі запоўненыя не менш за 20 працэнтаў. Штодня прыбывае каля васьмі-дзесяці аўтобусаў.

 

---

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»)

З Мікалаева ў Аўстрыю і Літву эвакуяваныя 92 маці з дзецьмі. Выправу арганізавала Служба ў справах дзяцей Мікалаеўскага гарсавету і дабрачынны фонд «Крыло дапамогі» з Каўнаса. У дарозе эвакуяваныя забяспечаныя харчаваннем і медычным абслугоўваннем, перадае  інфармацыйны рэсурс «Еспресо».

Па прыбыцці на месца ўцекачам гарантуюць дапамогу ў працаўладкаванні і рэгістрацыі дзяцей у садках і школы.

За час вайны расейцы знішчылі ў Мікалаеўскай вобласці 145 школ. Іхныя снарады пацэлілі ў 29 шпіталёў. Наагул па стане на 1 мая разбураныя 2985 грамадзянскіх аб’ектаў. Найбольш пацярпеў жылы фонд – 2154, інфармуе  рэсурс 0512.com.ua.

У выніку абстрэлу расейцамі Мікалаеўскай вобласці знішчаны сельскагаспадарчы склад з 600 кілаграмаў угнаенняў.

«Хімічнай пагрозы навакольнаму асяроддзю і людзям няма. Папярэдне абышлося без пацярпелых», – паведамляе інтэрнэт-выданне Zn.ua.

---

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск)

У Даўгаўпілсе публічных імпрэзаў з нагоды 9 мая не будзе. Сёлета ён абвешчаны ў Латвіі днём памяці ахвяраў вайны ва Ўкраіне. Забароненыя ўсе масавыя мерапрыемствы, акрамя звязаных з днём жалобы.

«Памяць аб ахвярах Другой усясветнай вайны – гэта індывідуальная справа кожнай сям’і, – тлумачыць сітуацыю старшыня Даўгаўпілскай гарадской думы Андрэй Элксніньш, – аднак варта разумець, што публічнае памінанне ахвяраў вайны можа стаць элементам расейскай прапаганды, якая пакажа гэтую падзею, як падтрымку развязанай Расеяй вайны ва Ўкраіне. Гэтага дапусціць нельга».

Дзеля бяспекі Дзяржапаліцыя прыцягне ў Даўгаўпілс і Латгале рэсурсы паліцыі з Рыгі і іншых рэгіёнаў, адзначае інтэрнэт-рэсурс “Delfi”.

---

Віёрбан, Францыя

(Дамова аб супрацоўніцтве з Магілёвам падпісаная ў 1979 годзе. Месціцца ў рэгіёне Аверн і Рона – Альпы. Насельніцтва 130 тысяч. У Магілёве названы сквер у гонар гэтага гораду пабраціма)

У Віёрбане ўшанавалі памяць ахвяр генацыду армян, якіх забівалі ў 1915–1917 гадах у Асманскай імперыі. Падзеі таго часу лічацца ўва Францыі першым генацыдам 20 стагоддзя.

Як піша інфармацыйны рэсурс “Viva” штогадовая цырымонія ля мемарыялу, узведзенаму ў памяць пра забітых.

---

Улацлавек, Польшча

(Дамова аб сяброўскіх адносінах падпісаная з Магілёвам 8 снежня 1995 года. Горад у Куяўска-Паморскім ваяводстве (цэнтральная Польшча). Насельніцтва – 115 тысяч чалавек)

Ва Ўлацлавеку ўпершыню за два гады адбылося масавае шэсце з нагоды Дня працы і гадавіны ўступлення Польшчы ў Еўразвяз. Перашкодай таму былі ковідныя абмежаванні.

Як піша інфармацыйны рэсурс nWloclawek.pl выступоўцы згадвалі вайну ва Ўкраіне, рост інфляцыі, перавагі знаходжання ў аб’яднанай Еўропе. Польшча стала чальцом Еўрапейскага саюзу 18 гадоў таму.

«Вельмі важна памятаць каштоўнасці, якімі кіруецца наша краіна, – адзначаў віцэ-прэзідэнт гораду Кшыштаф Кукуцкі, – Еўрапейская супольнасць: талерантнасць, павага да іншых людзей, свабода СМІ  і незалежнасць судовай сістэмы».

фота: korabelov.info

---

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Паводле Генштабу Узброеных сіл Украіны Мікалаеў адзін асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Горад пакінула палова яго насельніцтва. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

---

На Вялікдзень у Мікалаеўскай вобласці ад расейскіх абстрэлаў пацярпелі 12 жыхароў. Сярод іх двое дзяцей, перадае словы старшыні аблсавету Ганны Замазеевай інтэрнэт-выданне «OBOZREVATEL»

Паводле інфармацыйнаага агенцтва «Інше.ТВ» 9-гадовы хлопчык і 17-гадовая дзяўчына падарваліся на міне.

За два месяцы поўнамаштабнай узброенай расейскай агрэсіі на раніцу 24 красавіка ва Украіне было забіта 213 дзяцей і больш за 389 паранена, у тым ліку 43 – у Мікалаеўскай вобласці.

23 красавіка, незадоўга да Велікодных набажэнстваў у праваслаўных храмах, расейскія войскі ўзнялі над Мікалаевым беспілотнікі. Кіраўнік абласной ваеннай адміністрацыі Віталій Кім заклікаў гараджанаў на Пасху заставацца дома, перадае выданне «Інше.ТВ».

Раніцай таго ж дня ракетным абстрэлам расейцы пашкодзілі тралейбусную лінію, харчовую краму, кавярню ды офіс прадпрымальніка. Абышлося без пацярпелых, піша выданне «Николаевские новости»

У камендатуры абароны гораду адзначылі, што стралялі па Мікалаеве з акупаванага Крыму супрацькарабельнай ракетай Х-35, якая, паводле сваіх характарыстык, лічыцца састарэлай, аднак яна застаецца «малапрыкметнай для сродкаў супрацьпаветранай абароны праз невялікія памеры і нізкую вышыню палёту«.

Пад абстрэл расейцаў трапіў і храм «Украінскай праваслаўнай цэрквы маскоўскага патрыярхату». Кіраўнік гораду Аляксандр Сянкевіч спрагназаваў, што расейцы на Вялікдзень «не паберагуць мікалаеўцаў», перадае  інфармацыйна-аналітычнае агенцтва «Навігатар».

---

Каменскае, Украіна

(Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным).

---

У Велікодную ноч у Каменскім, як і ва ўсёй Днепрапятроўскай вобласці, быў вернуты каменданцкі час. Распараджэнне аб яго адмене на Пасху абласныя ўлады скасавалі напярэдадні. Ноччу 24 красавіка выходзіць на вуліцу забаранілі.

«Ёсць неабвержныя дадзеныя ад разведкі і СБУ аб магчымых правакацыях і ракетных ударах у месцах масавага збору людзей. Улічваючы гэта, вымушаныя адмяніць распараджэнне аб адмене каменданцкай гадзіны і ўвесці яго на Вялікдзень», – падае тлумачэнне кіраўніка абласной ваеннай адміністрацыі Валянціна Разнічэнка інтэрнэт-выданне «Событие».

23 красавіка, у дзень, калі было скасаванае распараджэнне аб адмене каменданцкага часу на Днепрапятроўшчыне, ракетны абстрэл расейцаў зазнала Адэса. Былі атакаваныя жылыя кварталы. 6 чалавек, у тым ліку 3-месячнае дзіця загінулі, 18 чалавек паранены. З-пад завалаў выратаваны 2 чалавекі, эвакуявана 86 чалавек.

Міністэрства абароны Рсеі заявіла, што знішчыла буйны лагістычны цэнтр, дзе было замежнае ўзбраенне.

---

Клайпеда, Літва

(8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек).

---

У Літве занепакоеныя, што прыбылых бежанцаў з Украіны могуць вербаваць для сексуальнай эксплуатацыі, прымусовай працы і сурагатнага мацярынства. Па словах кіраўніка Ўпраўлення грамадскай паліцы Міндоўга Акелайціса большая частка паведамленняў паступае ад няўрадавых арганізацыяў і валанцёраў.

«Сігналаў сапраўды вельмі шмат, – адзначае ён. – Трэба прызнаць, што прадстаўнікі няўрадавых арганізацыяў, валанцёры, якія даюць свае назіранні, вельмі актыўныя. Спрабуюць рабіць публічным, калі нешта здарыцца. Паліцыя вядзе актыўны маніторынг публічнай прасторы, нашы каардынатары паліцэйскай бяспекі ў Цэнтрах рэгістрацыі замежнікаў атрымліваюць інструкцыі, што рабіць і на што звяртаць увагу».

Паводле яго вядзецца аналіз і маніторынг падзеяў, якія могуць мець патэнцыйныя пагрозы. У Літве расследуюць толькі адну справу аб гандлю людзі, адзначае інфармацыйны рэсурс «DELFI».

---

Сынджарэй, Молдова

(Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек).

---

У Малдове паслу Расеі Алегу Васьнецову Міністэрства замежных справаў і Еўрапейскай інтэграцыі выказала занепакой заявай расейскага генерала Рустама Мінекаева аб тым, што ў Прыднястроўі «адзначаюцца факты ўціску расейскамоўнага насельніцтва».

Зьнешнепалітычнае ведамства Малдовы «характарызуе іх, як неабгрунтаваныя. «Яны супярэчаць пазіцыі Расейскай федэрацыі, якая падтрымлівае суверэнітэт і тэрытарыяльную цэласнасць краіны», – адзначаецца ў заяве Міністэрства, якую цытуе Бельцкае выданне «СП».

У Міністэрстве Алег Васьнецоў пацвердзіў, што Малдова «згодна з яе Канстытуцыяй з’яўляецца нейтральнай дзяржавай».

Рустам Мінекаеў згадаў «факты ўціску расейскамоўнага насельніцтва ў Прыднястроўі» на адной з нарадаў абаронных прадпрыемстваў Расеі, калі гаварыў аб пачатку «другой фазе» поўнамаштабнай вайны ва Ўкраіны. Паводле яго расейскае войска імкнецца ўзяць пад кантроль Данбас ды поўдзень Украіны адкуль будзе выхад да Прыднястроўя.

---

Траўна, Балгарыя

(Горад пабрацім Асіповічаў. Насельніцтва 10 тысяч чалавек. Цэнтр аднайменнай абшчыны ў Габраўскай вобласці. Старая частка гораду абвешчана архітэктурным запаведнікам. У ёй 140 помнікаў эпохі нацыянальнага адраджэння. Штогод ладзіцца адзіны ў краіне міжнародны пленэр драўлянай пластыкі).

---

У Траўні мясцовыя музычныя і тэатральныя калектывы правялі Велікодны дабрачынны канцэрт «Траўняне для ўкраінскіх дзяцей». На ім сабралі больш за 300 даляраў, якія пералічылі на рахунак ЮНІСЕФ Балгарыі, паведамляе афіцыйны сайт абшчыны. Паводле ЮНІСЕФ, на 30 сакавіка 2022 года ў выніку расейскай агрэсіі супраць Украіны два мільёны дзяцей вымушана пакінулі радзіму.

---

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

---

У клайпедскім Арт-центры разгарнулі выставу, якую навінны партал LSM.lv, назваў самай эпатажнай экспазіцыяй новага сезону.

«Заходзіш у выставачную залю і бачыш… вялікую дупу. У цяперашняй сітуацыі гэта асабліва ўражвае», – адзначае выданне.

Свае творы, «прасякнутыя іроніяй» на суд гледача выставілі мастакі Марцінас Гаўбас і Арвідас Марцінайціс

«Я лічу, што на ўсё трэба глядзець з гумарам, – кажа Марцінас Гаўбас. – Так лягчэй перажыць цяперашнія цяжкія часы ды і любыя часы наагул».

фота: donpatriot.news

---

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Паводле Генштабу Узброеных сіл Украіны Мікалаеў адзін асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Горад пакінула палова яго насельніцтва. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

---

Данія пагадзілася ўзначаліць працэс пасляваеннага аднаўлення Мікалаева, заявіла на брыфінгу ў Кіеве прэм’ер-міністр краіны Мэтэ Фрэдэрыксен. З такой прапановаю звяртаўся да парламенту Даніі прэзідэнт Украіны Уладзімер Зяленскі.

«Мы пагадзіліся з гэтай прапановай і з нецярпеннем чакаем супрацоўніцтва з вамі», – адзначала Мэтэ Фрэдэрыксен.

Па яе словах Данія хацела б інвеставаць у доўгатэрміновую рэканструкцыю Ўкраіны, перадае навінны рэсурс «ЄвроПравда».

Мэтэ Фрэдэрыксен абвясціла аб павелічэнні ваеннай дапамогі Украіне на 600 тысяч дацкіх крон (90 мільёнаў долараў). Агульны ваенны ўклад Даніі ў падтрымку краіны, якая стала ахвярай расейскай агрэсіі, сягнуў 1 мільярда дацкіх крон.

У ноч з 20 на 21 красавіка ў Мікалаве ў выніку расейскіх абстрэлаў загінуў адзін чалавек і двое атрымалі раненні. Паводле Абласной ваеннай адміністрацыі «праціўнік інтэнсіўна наступаў на горад», перадае інтэрнэт-выданне «Миколаївська правда».

У Мікалаеве застаецца актуальнай праблема з пітной вадой. З 12 красавіка ў горадзе не функцыянуе цэнтральнае водазабеспячэнне. Водаправод разбіты расейскімі абстрэламі. Жыхары вымушаныя падоўгу выстойваць у чэргах. Камунальныя службы робяць свідравіна.

Паводле Генеральнага штабу Ўзброеных Сіл расейцы спрабуюць палепшыць тактычную абстаноўку і наблізіцца да Мікалаеве, але беспаспяховы. Горад абстрэльваецца, паведамляе інфармацыйнае агенцтва «АрміяІнформ».

---

Сынджарэй, Молдова

(Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек).

---

У Малдове пад забарону трапіла «георгіеўская стужка і сімвалы ваеннай агрэсіі». 20 красавіка набылі моц папраўкі ў Закон «Аб працівадзейнасці экстрэмісцкай дзейнасці», піша Бельцкі незалежны партал «СП».

Цяпер у краіне да адміністрацыйнай адказнасці будуць прыцягваць за публічнае ўжыванне «агульнавядомай атрыбутыкі, або сімволікі, якая выкарыстоўваецца ў кантэксце ваеннай агрэсіі, ваенных злачынстваў, ці злачынстваў супраць чалавечнасці, а таксама прапаганды альбо ўслаўленне такіх дзеянняў».

Парушальнікам пагражае штраф ад 4,5 тысяч лей (240 даляраў ЗША) да 18 тысяч лей (970 даляраў ЗША), ці грамадскія працы да 60 гадзінаў.

Фракцыя партыі сацыялістаў у Бельцкім муніцыпальным савеце выступіла супраць забароны «георгіеўскай стужкі». Яна настойвае, што такое рашэнне ўносіць раскол у грамадстве, бо, як лічаць партыйцы, «георгіеўская стужка – сімвал перамогі ў Вялікай айчынай вайне». Паводле парталу «СП» дэпутаты маюць намер звярнуцца ў канстытуцыйны суд.

За дзень да ўступлення ў сілу змененага закону невядомыя нанеслі на будынак былой гасцініцы «National» чорныя і аранжавыя палосы. Паводле паліцыі ўладальніца адмовілася пісаць скаргу на зламыснікаў і сама прыбярэ надпіс.

«Заклікаем расейскі бок не дапускаць умяшаньня ў дэмакратычны, законны і ўнутраны працэс нашай краіны», – адрэагавала Міністэрства замежных спраў і Еўрапейскай інтэграцыі на пагрозы, агучаныя прэсавай сакратаркай МЗС Расеі Марыі Захаравай.

Рэакцыя Расеі была выкліканая тым, што прэзідэнт Малдовы Мая Сандру ўхваліла законапраект аб забароне выкарыстання знакаў «Z», «V» і георгіеўскай стужкі, як сімвалаў ваеннай агрэсіі. Пры гэтым яна адзначыла, што святкаванне 9 мая не забараняецца, піша інфармацыйны рэсурс «СП».

Расея ўважае пазіцыю Малдовы як «канфрантацыйную», якая «шкодзіць Расейска-малдоўскаму супрацоўніцтву» і папярэдзіла, што адказ будзе «балесным».

У Малдове збіраюцца працягнуць надзвычайнае становішча, уведзенае 24 лютага, па ўварванні расейскіх войск ва Ўкраіну. Урад звярнуўся ў парламент, каб яго прапанову падтрымалі.

Працягнуць асаблівы рэжым вырашылі «разгледзеўшы справаздачы ўсіх установаў, вывучылі існуючыя рызыкі», піша бельцкае выданне «СП».

Першапачаткова надзвычайнае становішча мелася трываць 60 дзён, што было аргументавана нацыянальнай бяспекай. Тады ўвялі асаблівы рэжым перасячэння мяжы, выкарыстання паветранай прасторы, а таксама захады кіравання прытокам мігрантаў і забеспячэння бяспекі ўцекачоў з Украіны.

---

Айзенах, Германія

(Дамова аб пабрацімстве з Магілёвам падпісаная ў снежні 1996 году. Горад з насельніцтвам у 42 тысячы чалавек месціцца ў Цюрынгіі (адной з самых эканамічна развітых федэральных земляў на ўсходзе краіны). Дабрачынныя арганізацыі гораду дапамагалі пацярпелым ад аварыі на Чарнобыльскай АЭС беларусам. Арганізоўвалі аздараўляльныя паездкі для дзяцей, якія жылі на забруджаных радыяцыяй раёнах Магілёўшчыны).

---

Тысяча кніг для першага азнаямлення з нямецкай моваю разам з велікоднымі падарункамі раздалі ўкраінскім дзецям, якія жывуць лагерах для бежанцаў.

Кніга выдадзеная на трох мовах : нямецкай, англійскай, украінскай і выдатна ілюстраваная, піша выданне «Eisenach online». Яно адзначае, што кніга будзе карысная і для нямецкіх дзяцей, якія хочуць камунікаваць з украінскімі. У ёй пададзеная транскрыпцыя ўкраінскіх слоў.

«Eisenach online» таксама звятаецца да чытачоў, каб тыя падтрымалі прыбылых украінцаў. Патрэбныя патэльні, рандолі, сталовыя прыборы, талеркі, прадметы гігіены ды прадукты з працяглым тэрмінам захоўвання, піша выданне.

Гаспадарам, якія далі прытулак украінскім уцекачам, абяцаюць выплаціць за першага прынятага ўкраінца – 150 еўра, за кожнага наступнага па 75.

Міністэрства міграцыі Цюрынгіі запэўнівае, што дапамогу пачнуць выплачваць па ўзгадненні палажэння з Міністэрства фінансаў рэгіёну.

Раённыя адміністрацыі заклікаюць паспяшацца з вырашэннем пытання, бо муніцыпалітэтам, даводзяць яны, «патрэбная юрыдычная яснасць», перадае выданьне «Mdr».

---

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

---

У Латвіі за падтрымку ваенных злачынстваў будуць пазбаўляць грамадзянства. Сейм ухваліў папраўкі, прапанаваныя Міністэрствам юстыцыі, да Закону аб грамадзянстве.

Пакаранне будзе ўжывацца ў дачыненні да асобаў, якія маюць падвоенае грамадзянства. Факце ўчынення імі супрацьпраўных дзеянняў прадставяць установы дзяржбяспекі. 

Грамадзян трапіць пад пераслед, калі аказаў значную фінансавую, матэрыяльную, прапагандысцкую, тэхналагічную або іншую падтрымку асобам, дзяржавам або іншым інстытуцыям, якія ўчынілі злачынствы супраць міру, генацыд, злачынствы супраць чалавечнасці, ваенныя злачынствы, якія пагражаюць тэрытарыяльнай цэласнасці, суверэнітэту і незалежнасці дэмакратый або канстытуцыйнаму ладу, інфармуе выданне «Delfi.lv».

Сейм Латвіі прызнаў расейскую агрэсію супраць Украіны – генацыдам. У прынятай заяве парламентам гаворыцца, што «у тактыцы, якую ўжывае Расея, бамбардуючы жылыя раёны гарадоў, грамадскія цэнтры, пасажырскія вакзалы і грамадзянскую інфраструктуру, а таксама забіваючы мірных жыхароў, носяць відавочныя прыкметы ваенных злачынстваў і нават злачынствы супраць чалавецтва», – цытуе заяву Сейму выданне «Delfi.lv».

фота: armyinform.com.ua